Isumaginninnermut Ingerlatsivik Tasiilaq Pensionisialerinermi sullissisussarsiorpoq

Isumaginninnermut Ingerlatsivik Tasiilaq Pensionisialerinermi sullissisussarsiorpoq

Kommuneqarfik Sermersooq pikkorissumik kajumissuseqarluartumillu utoqqalinersianut immikkoortortaqarfimmut sullissisumik pissarsiorpoq, 15.6.2025 tamatumaluunniit kinguninngua atorfinittussamik.

Pensionisialerinermi immikkoortortaqarfik Tasiilami Isumaginninnermut Ingerlatsiviup ataaniippoq, atorfillu Tasiilami nunaqarfiinilu tallimaasuni utoqqalinersiallit siusinaartumillu pensionisiallit sullinneranik imaqarpoq. Isumaginninnermut Ingerlatsivik arfineq marlunnik sulisoqarpoq, Pensionisialerinermi immikkoortortaqarfiup saniatigut pisortanik pisartakkanik, atornerluisunut katsorsaanernik sulialinnik kiisalu inersimasunut innarluutilinnut immikkoortortaq.

Atorfiit imarisaat:

Sullissisumik ulluinnarni siusinaartumik utoqqalinersiuteqalernissamut qinnuteqaatit qinnuteqaannerannik nalilersuisinnaasumik, inummut tapinik naatsorsuisussamik innersuussisussamillu, tarnimikkut nappaatilinnut immikkoortortaq suleqatigalugu utoqqaat inissiaannut nalilersuisussamik tulleriissaarisartunullu innersuussisussamik, Nuummi kommunip inersimasunut pillorissaasuinik, ukiumut marloriarlutik tikittartunik, suleqateqartussamik, - ajornanngippat misilittagalimmik - pissarsiorpugut. Inatsisit atuuttut naapertorlugit innuttaasunut toqqaannartumik siunnersuinertalimmik aqqutissiuinertalimmillu attaveqarneq. Peqqinnissaqarfik qanimut suleqatigineqassaaq. Ataasinngornikkut, marlunngornikkut, sisamanngornikkut tallimanngornikkullu nal. 10-14 akornanni innuttaasunit saaffigineqarnissatsinnut ammasarpugut. Pingasunngornikkut innuttaasunit saaffiginnittarneq matoqqasarpoq pingasunngornerlu ass. nalunaarsuinermut atorneqartarpoq.

Sulisup Tasiilami upalungaarsimasuni sulianik takkussuuttuni peqataanissaa naatsorsuutigineqarpoq.

Ilaatigooriarluni qinnuteqartoq suliassanut allanut ikiuussinnaasarsinnaavoq.

Immikkoortortatsinni sulisut allat peqatigalugit suliassat suliarineqassapput, marlunngornikkut sisamanngornikkullu ullaakkut ataatsimiinnermi ataatsimut suliassat eqqartorneqartassapput.

Qinnuteqartunut naatsorsuutigisat:

∙Isumaginninnermi siunnersortitut ilinniarsimasumik imaluunniit inunnik sullissinermik suliaqareersumik sulisumik pissarsiorpugut. HK-mik ilinniagaqarsinnaavoq. Qinnuteqartoq inatsimmik paasinnissinnaassasoq naatsorsuutigineqarpoq. Qinnuteqartoq IT-mik atuinermik misilittagaqartoq naatsorsuutigineqarpoq.

Tamatuma saniatigut pingaartipparput, qinnuteqartoq:

∙Aalajaatsuussasoq, pitsaassutsimik ilisimasaqarluartoq immikkuualuttunillu maluginiaasinnaasoq

∙Takunnissinnaaneq attatiinnarlugu ataatsikkut arlalinnik suliaqarsinnaasoq

∙Allakkatigut oqaluunnermilu ersarissumik paatsuugassaanngitsumillu attaveqarsinnaasoq

∙Nammineerluni sulisinnaasoq, akisussaassuseqartoq sullissiumatoorlu

∙Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.

∙Ulloq ulapaarfiugaluarpalluunniit ukkatarinnilluni aaqqissuussamillu suliaqarsinnaasoq

∙Tatitooq, pilersitsiniaallaqqissoq, inissaqartitsiuartoq piumassuseqarluartorlu

∙Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq

∙Kisitsisilerillaqqissuussaaq

∙Siammasissumik suleqateqallaqqissoq

∙Qinnuteqartut marluinnik oqaasillit (kal/dk) atorfinitsinnissaat orniginartinneqarput.

Naatsorsuutigaarput:

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq, Johanne Nûko, oqarasuaat +299 36 77 69 imaluunniit e-mail: juno@sermersooq.gl

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.Atorfinititsineq qaammatini pingasuni misiliutitaqassaaq.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Qinnuteqaat:

Qinnuteqaat qulequtserlugu Atorfiup ilisarnaataa 346-25 -mik, ilinniagaqarsi

manermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: apriilip 29.-at, 2025

Atorfik una qinnuteqarfigiuk