Isumaginninnermi Aqutsisoqarfik isumaginninnermi siunnersortimik Innarluutillit susassaqarfianni, januari 2026 naanissaata tungaanut killimmik, sulisussarsiorpoq

Innarluutillit sullissiviata iluani isumaginninnermi sullissisutut pissaganartumi sulerusuppit, aammalu angerlarsimaffinninngaanniit sulisinnaallutit periarfissaralugu? 

Atorfik Sullissisunik Siunnersuinermut Immikkoortortaqarfiup ilaata ataaniippoq, taakku nuna tamakkerlugu kommuninut suliani suliaqartarnermi tapersersuisartuupput, ilaatigut siunnersuinermi, ilitsersuinermi aamma suliami suliarinnittarnermi ilitsersuutinik suliaqartarnikkut, sakkunillu sullissinermi ineriartortitsinikkut, kiisalu pikkorissartitsinerit aamma issiaqatigiilluni ilinniartitsinerit aamma toqqaannartumik isiginnaarutikkut saqqummiinerit.

Naalakkersuisut kommunip ingerlatsinera isumaginninnermi aaqqissuussaanikkut tunngaviit ilaannakortumik atorunnaarsinneqarnerallarneranut atatillugu, tamatuma ataani Meeqqat tapersersorneqarnissaanut inatsit, Inuit innarluutillit tapersersorneqarnissaannut Inatsisartut inatsisaallu, piffissami qanittumi aamma suleqatigiit Kommune Kujallermi Innarluutillit, meeqqat aamma inuusuttuaqqallu susassaqarfianni suliami suliarinnittarnermi suliassaqarfinni peqataasariaqalersimapput.

Taamaattumik Kommune Kujallermi suliniuteqarnermi piffissami januarip 2026 naanissaata tungaanut killilimmik innarluutillit susassaqarfianni isumaginninnermi siunnersortimik sulisussarsiorpugut, sivittorneqarnissaanut periarfissalik.

Atorfinni naatsorsuutigineqarsinnaavoq arlaleriarluni angalasarnissaq, angalanerni nammineq aalianngersinnaavat, suminngaaniit iluarinerugit - sulerusunnerlutit.

Atorfik pillugu

Suleqatitaarput Isumaginninnermi Aqutsisoqarfimmi suleqatigiuusunut Kommune Kujallermut, ilaalissaaq, Kommune Kujallermullu suliassat tamarmik ilagissavaat. Aallaaviusumik sulineq ilaannakortumik Kommune Kujallermi ingerlasarpoq, Kommune Kujallermiittoqartarpoq sap. ak. 3-kaarlugit taavalu angerlartarlutik sap ak. 2-kaarlugit tassanilu suliffik najornagu suliassat ingerlaterujoorneqartarlutik.

Nuummi Isumaginninermi Aqutsisoqarfik allaffeqarpoq, kisianni atorfinnut killinnut piumasaqaataanngilaq uterallarnermi Aqutsisoqarfimmiinnissaq, kisianni angerlarsimaffimmiit sulineq qinerneqarsinnaalluni, taamaattumik qinnuteqartut sumiikkaluarpataluunniit tikilluaqqusaapput qinnuteqarnissaminnut, nuummi najugaqaruit allaffitsinni suliffeqalissaatit.

Suliassatit:

• Innarluutillit susassaqarfiani sulianik suliaqarneq

• Suliat pillugit ataatsimiinnerni akuullutillu, tapeeqataasarneq.

• Nalunaarsuiffinnut nalunaarusiornissamut assigisaannillu suliani akisussaaffinni allatuisarneq.

• Innuttaasunik ataatsimeeqatigiittarneq

• Akimortumik suleqatigiinnermut peqataaneq.

• Assersuutigalugulu ullu unnuarlu paaqqinnittarfimmi inummik aaliagersimasumik nakkutigisaqarneq

• Malittarisassanik ingerlatseriaatsinillu ineriartortitsinermi suliaqarnermilu peqataaneq

Ilinnut tunngasut

Innarluutillit sullissiviata iluani suliani suliaqarnermi annertuumik misigilittagalimmik pissarsiorpungut, pitsaaqutaassaaq aamma nammineq ilikkariartortissinnaanermut misilittagaqaraanni.

Taakkua saniatigut atuisutut IT-imik atuilluarsinnaanerit pingaartinneqassaaq.

Takorloorparput tassaasutit inuk ammasoq, eqinnaatsumik suliassanik assigiinngiiaartorpassuarnik suliarinnissinnaasoq, namminersorluni sulisinnaasoq, suliat immikkuualuttortaannut tappissoq, aammattaaq pingaartipparput suleqatinnut avitseqatigissinnaanissat, aamma suliffimmi pinasuartumik ikiorneqarnissamik pisariaqartitsiffiulertartumi sulisinnaanissat.

Naatsorsuutigaarput illit:

• Isumaginninnermi siunnersortitut ilinniarsimasuunissaq

• Innarluutillit susassaqarfiani sullissinermik misilittagalik; matumani isumaginninnermi sulianik misissuinermik aamma iliuusissatut pilersaarusiornermik misilittagalik.

• Innarluutillit susassaqarfiani sulisutut piginnaasalik, sulianillu suliaqarnermi tamakkiisumik isiginnittumik tunngaveqarsinnaasoq

• Ullu unnuarlu paaqqinnittarfimmi najugalinnik sullissinermi misilittagalik.

• IT-ilerinermik ilisimasaqarluartutit

• Inuit Innarluutillit tapersersorneqarnissaannut Inatsisartut Inatsisaat ilisimasaqarluarfigigit

• Suliassaqarfiit assigiinngitsut suleqatigiinneriniit misilittagaqarluartoq

• Ataqatigiissaarinermi aamma pilersaarusiornermut pikkorissoq

• Suleqatigiinnermut pikkorissusilik, inoqatinnut akuersaartumik nukissallu qitiutillugit isummersuisinnaasoq.

• Attuumassuteqarfinnik pilersitsinissamut allanngutsaaliuinermullu pikkorissoq

• Aaqqissuulluakkamik ilusilersugaasumillu sulisartoq, ineriartortitsinermut ilisimasalik, aaqqiissutissarsiortartorlu

• Suliassat naammassillugit suliarineqarnissaanni akisussaassusilersinnaasoq

• Ilinnut ilikkartilluarsinnaallaqqittutit

• Kalaallisut dankisullu tamakkiisumik oqaasilik.

Uagut neqeroorutigaavut:

Suliaq pingaarutilik, kommunemi ineriartortitsillutillu innarluutillillu susassaqarfiani sulinermi peqataalissaatit nukittorsaaqataallutillu, suliniut siornatigut Kalaallit Nunaanni tamaattut aallartinneqanngisaannarsimasumi.

Suliami suliaqatigiittartuni atorfik tamatigoortoq assigiinngitsunik pissanganartunik suliassaqarfiusoq, suleqatit susassaqarfitsinni misilittagalerujussuit, suleqatit pikkorissut suliaminni annertuumik misilittagallit immikkoortortaqarfimmi illaqatigiinnermik inissalik. Angajoqqaarsialerisut, meeqqat inuusuttuaqqallu susassaqarfiani suleqatigiiusut eqeersimaartut sulisut suleqatigilissavatit.

Taakkua saniatigut makkua pissarsiarissavatit:

• Sulisut suliatigut nukittuut, sulinitsinni piffik tamaat immitsinnut isumasioqatigiittarnissaq ikioqatigiittarnissarlu pingaartitaralutigit.

• Aqutsisoq suliatigut illit piginnaasannik tatiginnittoq, piviusorsiortunik piumasaqaateqartartoq illillu ineriartornissannik salliutitsisoq.

• Suleqatit pitsaasut peqatigiilluartarnissamik pingaartitsisut - aamma ulapaaraangatta.

• Persuarsiunngitsumik attaveqaqatigiinneq, namminerlu sulinermut sinaakkusersuinermut sunniuteqarsinnaaneq.

Uagut pilluta

Sullissisunik siunnersuisarfimmi assigiingitsunik isumaginninnikkut suleqatigiit, kommunit meqqanut inuusuttunullu, innarluutilinnullu isumaginninnikkut suliaqarneranni tapersersortarpaat. Meeqqanut aamma ilaqutariinnut Sullissiviit, Ilaqutariit illui, aamma ilaqutariinni aqqutissioqatigiissitsineq kommunini tamatuma sanitatigut tapersersortarpagut, kiisalu angajoqqaarsiat pikkorissartarnissaat, aaqqissuussaanikkullu allanngortoqarnerani siunissami Qitiusumik Ikiuigasuarnissamut Upalungaarsimasunut ataqatigiissaarisuussaagut.

Isumaginninnermut Aqutsisoqarfik aqutsisoqarfiuvoq Meeqqanut, Inuusuttunut Ilaqutariinnullu Naalakkersuisoqarfiup ataaniittoq. Isumaginninnermut Aqutsisoqarfik immikkoortortaqarfinnut arfineq-marlunnut agguataarneqarpoq: Pitsaaliuinermut immikkoortortaq Paarisa, Aningaasaqarnermut immikkoortortaqarfik, Ulloq Unnuarlu-, Inissitsiterinermullu immikkoortortaq, Meeqqat ineriartornerannut immikkoortortaqarfik, Sullissisunut Siunnersuisarfik, Innuttaasunik toqqaannartumik sullissivik aamma Allattoqarfik.

Atorfik Sullissisunut Siunnersuisarfimmi inissisimavoq. Meeqqat inuusuttuaqqallu, ilaqutariit, innarluutillit aamma angajoqqaarsiat, angajoqqaarsianut ilaqutariinnullu susassaqarfimmi 4-nik suleqatigiianik sulianik sullissisoqarpoq, saniatigut immikkoortortaqarfik 2-nik suliniutini aqutsisoqarpoq, aamma immikkoortortaqarfimmi pisortaq. Tamatuma saniatigut Pississarfik immikkoortortaqarfiup ataaniippoq.

Ulloq atorfiniffissaq

1.apriilip 2025 isumaqatigiissuteqarnikkulluunniit.

Qinnuteqarnissamut killigititaq 20 . martsip 2025 nal. 12:00 (Kalaallit Nunaata kitaani nalunaaqutaq malillugu)

Atorfinitsinneqarsinnaasunik oqaloqateqartarnerit ingerlaavartumik pisassapput.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Suleqatit Nuuminngaanniit Isumaginninnermi Aqutsisoqarfimmiit sulerusuttunut, atorfininnermi soraarnermilu angalanerup akilerneqarnissaa periarfissaavoq.

Taamaakkaluartoq atorfiit tamarmik periarfissaqarput sumiiffimmiik - suliffimmiinngikkaluarluni - sulisinnaneq.

Piffissaq suliffiusussaq aallaaviusumik tassaavoq sapaatip akunneranut akunnerit 40-t.

Piffissap ilaani arlalinnik angalasarnissat naatsorsuutigineqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Atorfik pillugu paasissutissat sukumiinerusut pisariaqartikkukkit Immikkoortortaqarfimmi pisortagallartoq Ellen Bækgård attaveqarfigisinnaavat oqarasuaammut uunga:

+299 34 67 63 imaluunniit mail-imut uunga allaffigalu elba@nanoq.gl.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk