FAKTA
Atorfiup suussusaa: Inuit Innarluutillit Oqaaseqartartoqarfiat Tilioq attaveqatigiinnermi suliaqartussamik suleqatissarsiorpoq
Suliffeqarfik: Tilioq
Qinnuteqarfissamut killigititaq: 28. marts
Attavissaq: Qivioq Løvstrøm, tlf. +299 262871 imaluunniit E-mail: qilo@tilioq.gl attavigisinnaavat.
Inuit innarluutillit oqaaseqartartoqarfiat attaveqatigiinnermi suliaqartussamik suleqatissarsiorpoq, taannalu Naalagaaffiit Peqatigiit (NP-it) Inuit Innarluutillit pillugit Isumaqatigiissutaat kalaallillu kulturiat tunngavigalugit inuit innarluutillit pillugit suliamik ineriartortitseqataallunilu sunniuteqaqataassaaq.
Inunnut allanut sunniuteqarluartumik isumaqarluartumillu suliffeqarusuppit? Taamaappat Tiliumi attaveqatigiinnermi aallaqqaataaniit suliaqartutut peqataanissamut maanna periarfissaqalerputit. Inuit innarluutillit oqaaseqartartuat aamma allattoqarfia peqatigalugu inuit innarluutillit atugaasa eqqartorneqarnissaannut suliamullu tunngasunik ineriartortitseqataanissamut periarfissaqassaatit.
Atorfik pillugu
Tilioq suliffeqarfeeraavoq 4-5-nik sulisoqartoq, suleqatigiinnerlu allanngorarlunilu annertuumik pingaartinneqarpoq. Attaveqatigiinnermi sulisoq inuit innarluutillit oqaaseqartartuat peqatigalugu tusagassiutinut nalunaarutini, nutaarsiassanik, nittartakkamik inuillu attaveqaqatigiittarfiini suleqataasuussaaq. Attaveqaqatigiinnermi sulisoq inuit innarluutillit oqaaseqartartuat suleqatigalugu paasititsiniaanermi aamma paasissutissanik suliaqarnermi suliaqartassaaq, kiisalu ilaatigut NP-it Inuit Innarluutillit pillugit Isumaqatigiissutaat kalaallillu kulturiat tunngavigalugit suliniutinik suleqataasassalluni.
Inuit Innarluutillit Oqaaseqartartoqarfiat Sisimiuni allaffeqarpoq, Meeqqanut aamma Inuusuttunut Naalakkersuisoqarfiup ataani immikkut inissisimasuulluni.
Ulloq atorfiniffik: 1. april 2025 isumaqatigiissuteqarnikkulluunniit.
Pingaarnertut suliassat
Inuit innarluutillit pillugit politikkimut sunniuteqartussanik paasisitsiniaanerit suliniutinillu pilersaarusiorneq taakkualu ataqatigiissaarnissaat.
Inuit innarluutillit oqaaseqartartuat qanimut suleqatigalugu attaveqaqatigiinnermut periusissialiorneq.
Isiginnaagassianik, immiussanik allassimaffinnillu paasissutissiissutinik suliaqarneq.
Tiliup nittartagaa inuillu attaveqaqatigiittarfiisigut nakkutiginninneq.
Ilisimatusarnerit, Tiliup suliniutai inuillu innarluutillit atugaat pillugit paasissutissiisarneq.
Tusagassiutinut nalunaarutinik, nutaarsiassanik aamma SoMe-mi allaaserisat piareersarnerat kiisalu tusagassiortunik attaveqarneq.
Inuit innarluutillit oqaaseqartartuat allattoqarfialu suleqatigalugit s.i. ataatsimeersuarnerit, innuttaasunik ataatsimiititsinerit assigisaallu pilersaarusiorlugillu ingerlatsineq.
Taamaattumik neriuutigaarput illit
Kalaallit inuiaqatigiivinik, oqaasiinik kulturiannillu ilisimasaqarlutillu soqutigisaqartutit.
Attaveqaqatigiinnermut tunngasumik ilinniagaqarsimasutit allatigulluunniit tamatumunnga attuumassuteqartumik tunuliaqutaqartutit.
Attaveqaqatigiilluarnermik, ataqatigiissaarisinnaanermik, pilersaarusiorsinnaanermik allaffissornermilu pikkorissuusutit.
Suleqatigiilluarsinnaasuni kiisalu assigiinngitsunik ilinniagallit akornanni suleqataalluarsinnaasutit suliassallu immikkut ittut suliarisinnaassallugit.
Inunnik innarluutilinnik ilisimasaqartut imaluunniit isumaginninnermut, innarluutilinnut peqqinnissamullu tunngasunik misilittagaqartutit.
Kalaallisut, danskisut ajornanngippallu tuluttut piginnaasaqartutit.
Uagut tunniussinnaasavut
Atorfik pissanganartoq allanngorartorlu, atorfimmilu suliassavit qanoq piviusunngortinnissaanut periarfissaqarluarputit.
Suliffik qularnanngitsumik inuit inuunerannut annertuumik sunniuteqarfigisinnaasannik periarfissaqarluartoq.
Suleqatinnit piumassuseqartunit isumassarsiullaqqissunillu unammillerneqartarlutit, taakkuninngalu unammillersinnaallutillu imminut unammillersinnaallutit.
Suliffeqarfik inunnut innarluutilinnut iluaqutaasussaq suliamullu tunngatillugu piginnaanngorsarnissamik kivitseqataaffiusoq.
Suliffik assigiinngissutsinik suliffiullu avatangiisaanik pingaartitsisoq.
Akissarsisat atorfeqarnermilu atugassarititat
Akissarsianut atorfinititsinermilu piumasaqaatinut, matumunnga ilanngullugu sulilernermi soraarnermilu angalasinnaatitaaneq pisattanillu nuussinermut tunngatillugu, tassani Namminersorlutik Oqartussat isumaqatigiinniarsinnaatitaasullu akornanni atorfininnermi isumaqatigiissut atuuttoq tunngavigineqassaaq.
Atorfik sapaatip akunneranut akunnerit 40-t suliffiuvoq.
Ineqarneq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutik Oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uumasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq.
Paasissutissat allat
Atorfik pillugu paasisaqarnerorusukkuit Inuit innarluutillit oqaaseqartartuat Qivioq Løvstrøm, tlf. +299 262871 imaluunniit E-mail: qilo@tilioq.gl attavigisinnaavat.
Qinnuteqaat
Qinnuteqaatit CV ilanngullugu pappiaqqallu allat pingaaruteqarsinnaasut qilo@tilioq.gl-imut kingusinnerpaamik
Tallimanngoneq 28. marts 2025 nassiutikkkit
Qinnuteqaatit oqaloqatiginninnerillu videokkut attaveqaqatigiinnerluunniit aqqutigalugu ataavartumik oqaloqatigineqassapput.
Kinaluunniit naleqquttoq soqutiginnittorlu qinnuteqarnissaanik kaammattorparput, innarluut, ukiut, suiaassuseq, upperisaq, arnanoortuuneq/angutinoortuuneq sumiuunerlu apeqqutaatinnagit.
Tilioq pillugu nittartakkatsinni paasisaqarnerusinnaavutit uani: https://www.tilioq.gl/kl/
Tilioq pillugu
Tilioq – Inuit Innarluutillit Oqaaseqartartoqarfiat politikkikkut attuumassuteqanngilaq Namminersorlutik Oqartussat ataanni inissisimasuulluni kiisalu Inuit innarluutillit oqaaseqartartuannit aqunneqarluni.
Tiliup suliassai inatsisitigut tunngaviligaapput ilaatigullu siunnersuinernik ilitsersuinernillu imaqarlutik, paasissutissanik katersineq paasissutissiinerlu, Naalagaaffiit Peqatigiit (NP-it) Inuit Innarluutillit pillugit Isumaqatigiissutaat tunngavigalugu inatsisinik periutsinillu nakkutiginninneq, minnerunngitsumillu inuit innarluutillit atugarisaasa oqallisigineqarnissaat, suliat saqqumilaartut ilaatigut tunngavigalugit ilisimasallu Tiliumi katersorneqartut tunngavigalugit.
Tilioq Sisimiuni inissisimavoq Meeqqanut aamma Inuusuttunut Naalakkersuisoqarfiup ataani immikkut inissisimasuulluni. Tilioq pisoqarfiulluarpoq politikkikkullu anguniakkat tusagassiuutilluunniit sammisaat allanngoraangata piaartumik iliuuseqarnissaq pisariaqartarpoq. Sungiussiasuusariaqassaatit inuillu innarluutillit atugaasa pitsanngorsarnissaannut suliaqarnissamut tunniusimalluinnartariaqarlutit. Pisinnaatitaaffiit Tiliullu inuit tamarmik assigiimmik periarfissaqarnissaannik takorluugaqarnera pingaartinneqangaarluni.
Qinnuteqaat nassiuguk
