Ilisimatusarfik AC-fuldmægtigissarsiorpoq/pisortanut allatsissarsiorpoq

Ilisimatusarfiup aqutsisoqarnermi allatseqarfia AC-fuldmægtigimik ilisimatusarfiup pisortaata ataani inissisimasussamik pissarsiorpoq 1. juni 2025 isumaqatigiissuteqarnikkulluunniit atorfinittussamik.

Pisortat allattaattut atorfik pissanganarluinnartuuvoq suliffeqarfimmi ineriartortumi inissisimasoq. Pisortat allattaattut Ilisimatusarfimmi aqutsisut qanimut suleqatigissavatit, namminerlu suliassannut tunngasunut ilusilersueqataassallutit. Suliassanik assigiinngiiaartunik allanngorartunillu kivitsisinnaassaatit, aqutsinermik sulialinnut paasissutissiinerit ataatsimiinnerillu piareersaasiortassallugit, aammalu aalajangiunneqartut piviusunngortinnissaat isumagissallugit.

Aqutsisoqarnermi allatseqarfik ataatsimoorussamik allaffissornerup ilagaa, Ilisimatusarfimmilu inissisimalluni. AC-fuldmægtigitut aqutsisut suleqataaffigissavatit ilaatigut makkunannga:

• Aqutsinermik suliaqartuni ataatsimiinnernik piareersaasiornerit inaarutaasunillu suliaqarnerit
• Aalajangiussat ingerlateqqinneqarnissaannik qulakkeerinninnerit
• Avammut suliffeqarfiullu iluani paasissutissiinernik attaveqaqatigiinnernillu suliassat

Suliassat tassaanerussapput:

• Siulersuisunut, rektoreqarfimmut, qullersamut, aqutsisooqatigiinnut suleqatigiinnullu kiisalu ataatsimiititalianut allattaanerit
• Ataatsimiinnerni assigiinngitsuni Imaqarniliornerit, ullormut oqaluuserisassanik piareersaanerit aggersaasarnerillu
• Ataatsimiinnissanik aaqqissuussinerit, tamatumunnga ilanngullugit nerisaqartitsinernut ataatsimiiffissanillu inniminniinerit assigisaalu
• Paasissutissiornernik assigiinngitsunik ataqatigiissaarineq suliaqarnerlu, tamatumunnga ilanngullugu politikkinut tunngasut
• Ukiumoortumik nalunaarusiornissamut paasissutissanik katersinermut akisussaasuuneq kiisalu ukiumoortumik nalunaarusiortarneq
• Akademisk Rådimut kiisalu siulersuisunik qinersinernik ataqatigiissaarinerit
• Allaffissornikkut suliassanik assigiinngitsunik isumaginninneq, ass. Akademisk Rådimi elektronikkikkut akuersinerit assigisaalu

Piginnaasatit ukuusinnaapput:

• Naleqquttumik akademikeritut ilinniagaqarneq
• Aqutsisunik sullissinermik allaffissornermillu misilittagaqarneq
• Suliassanut torersaartoq, namminersortoq kiisalu sulianut aallussilluarneq
• Office-imik atuilluarsinnaaneq
• Kalaallit kulturiannik inuiannillu ilisimasaqarneq iluaqutaassaaq
• Kalaallisut, qallunaatut tuluttullu oqaatsinik atuisinnaaneq iluaqutaassaaq

Attavigisassat/ paasissutissat:

Atorfik pillugu sukumiinerusunik paasisaqarusukkuit, Ilisimatusarfiup pisortaata Christine Tønnesenip attaviginissaanut tikilluaqqusaavutit oqarasuaammut uunga +299 34 73 03.

Ilisimatusarfik pillugu paasisaqarnerorusukkuit uani paasisaqarnerusinnaavutit www.uni.gl

Ilisimatusarfik pillugu

Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut aqqaneq marluupput, taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.

Ilisimatusarfik sisamanik instituteqarpoq:

• Ilinniartitsinermik Ilisimatusarfik
• Inuiaqatigiilerinermik, Aningaasaqarnermik Tusagassiornermillu Ilisimatusarfik
• Kulturimik, Oqaatsinik Oqaluttuarisaanermillu Ilisimatusarfik
• Peqqissaanermik Pinngortitamillu Ilisimatusarfik

Allaffissornikkut aqutsisoqatigiiffik pillugu

Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisuniik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa. 

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk