Avatangiisilerisoq Teknikkeqarfimmi

Avannaata Kommunia, Ilulissat

Avatangiiserput soqutigilluinnangaraajuk? Siuarsaaqataarusuppit avannaani? Avatangiisilerisussaraatsigit eqqagassalerinermi nutarsaanermi qulakkeerinnittussamik? Taamaappat Teknikkeqarfimmi avatangiisilerisutut periarfissaq ilinnorluinnaavoq!

Avannaata kommunia Teknikkeqarfimmi avatangiisilerisussamik ujarlerpoq. Inuk inussiarnersoq, teknikkikkut pikkorittoq avatagiisimut, eqqagassalerinermullu soqutigisalik ujartorparput.

Atorfiup qulakkiissavaa Avannaata kommuniani eqqangassalerinerup iluani nutarsaanermi aallartitat inaarneqarnissaat.

Ulluinnarni ilulissani sulisassaatit, avatangiisilerinermi siuarsaaqataanermut sunneeqataanissarnut periarfissaqarluarlutit. Massakkut immikkoortortaqarfik suliassaqaqaaq Avannaata kommunia tamakkerlugu eqqangassalerinerup iluani, tassanilu takorloorparput akuulluassasutit.

Immikkoortortaqarfimmi suliassatit ukuupput

• Nunaqarfinni illoqarfinnilu eqqagassalerinermi ineriartortitsineq
• Eqqangassalerinermut iliuusissanik pilersaarutinillu piareersaaneq, atuutsilersitsineq inaarinninnerlu
• Eqqangassat angallannerinik nutaanik ujartuillutit atuutsitsilernissat
• Eqqiluisaartitsinissat/saliisitsinissat pillugit paasissutissiineq
• Avatangiisinut tunngasunik nakkutilliineq sullissinerlu

Taamaalillutit illoqarfinniik nunaqarfinniillu eqqagassanik assartuinernut tunngasunik suliaqassallutit. Eqqagassalerisut attaveqarfigisartussaavatit, amerlanertigut iliusissanik siunnersuutinik amingaateqartarput.

Piginnaasat

• Teknikkikkut/naturfagligmik ilisimasalik soorlu miljøingeniør, tekniker, biolog, naturgeograf, geolog assigisaaluunnit.
• Pisortatigoortumik IT-systemimik misilittangalik.
• Praktisk-imik kommunimi immaqaluunniit allami suliffeqarfimmi avatangiisilerinermi misilittangalik, kisianni ilinniakkaminnik naammasseqqammertut aamma kajumissaarneqarput.
• Avannaata kommunia tamakkerlugu inuit pinngortitallu iluaqutissaanik siuarsaanissamut ilaarusuttoq.
• Innuttaasunik ataqqinnilluni naapitsineq nalunngikkaa pingaarutilik.
• Angalarusuttoq nunaqarfinniikkusullunilu illoqarfinnilu Ilulissat avataaniittuni
• Suliffimmi politikkikkut aqunneqartumi sulerusussusilik.
• Ikioqatigiillaqqissoq.
• Ajornanngippat kalaallisut, qallunaatut tuluttullu oqalussinnaasoq. Marloqiusumik oqaatsillit salliutinneqassapput.
• Kalaallit nunaanni pissutsinik nalunngisalik.
• Minnerpaamik kørekort B

Uagut neqeroorutigut

• Suliffik soqutiginartoq allanngorartorlu nammineernartoq akisussaaffeqarnartorlu.
• Suliffik ikioqatigiiffiulluartoq pikkorissunik pimoorussisunillu suleqateqarneq.
• Periarfissat inuttut suliassatigullu ineriartornissamut pitsaasut.
• Suliffik soqutiginartoq unamminartoq angalanertalik.

Akissarsat atorfininnermullu piumasaqaatit:

Atorfinitsinneqarneq akissarsiallu pissapput atorfininnermut isumaqatigiissutit naapertuuttut malinneqassapput. Atorfik inissaqartinneqarpoq.

Atorfik inuttalerneqarnissaa 1. maj 2025 imaluunnit isumaqatigiinnikkut.

Pineqaatissinneqarsimannginnermut uppernarsaat

Atorfik una pineqaatissinneqarsimannginnermut inatsit malillugu ujartorneqarnissaanik piumasaqaatitaqarpoq. Inatsit naapertorlugu atorfinitsitsineq aatsaat pisinnaavoq, kommunip naamaginartumik pineqaatissinneqarsimannginnermut uppernarsaatit tigoreernerisa kingorna. Taammattumik erseqqissaatigissavarput, atorfinitsitsineq aatsaat isumaqatigiiffiusinnaammat paasissutissat tamakku kommunimit tiguneqareerpata.

Ilulissat

Atorfik Ilulissaniippoq, Ilulissat 5.000 missaani innuttaasoqarpoq, avannaanilu allaffeqarfikkut, kulturikkut, inuutissarsiutitigut taavalu ilinniangaqarnikkut qitiuffiuvoq.

Illoqarfik ineriartupiloorfimminiippoq, taamaattumillu kommunip iluani taavalu kommunip avataaniik kommunip naatsorsuutigineqarneranut naapertuuttuaannarnissaat kommunimut piumasaqaateqaqaat. Illoqarfiup inissisimaffia kusanarluinnartoq piniariarnissamut, aalisarnissamut angalaarnissamullu periarfissaqaqaaq.

Atorfimmut paasissutissanik aallanik perusukkuit Ingerlatsinermut avatangiisimullu pisortamut, Leif Mathiesen-imut saaffiginnissinnaavutit oqarasuaatikkut: +299 38 77 11 imaluunnit mailikkut: lema@avannaata.gl.

Qinnuteqaat

Qinnuteqaat, CV taavalu ilinniarnermut uppernarsaatit oqaaseqaatillu ilanngullugit kingusinnerpaamik ulloq 31. marts 2025 tiguneqareersimassapput, “atorfik una qinnuteqarfigiuk” toorneratigut.

Qinnuteqarnermut killissarititaasoq: 31. marts 2025.