Allagarsiuteqqitaq - Ilisimatusarfimmi Ilinniartitsinermik Ilisimatusarfik eqqumiitsuliornermi/illuliortaatsimi kiisalu sanalunnermi/ilusilersuinermi studieadjunktimik, studielektorimik, adjunktimik, lektorimik (ph.d.-milluunniit) imaluunniit ilinniartitsisunngorniarfimmi ilinniartitsisumik pissarsiorpoq.

Eqqumiitsuliornermi/illuliortaatsimi kiisalu sanalunnermi ilusilersuinermilu, ilaatigullu atuartitsissutit katitigaaneranni fagini assigiinngitsuni soorlu teknologiimi Ilinniartitsinermik Ilisimatusarfik studieadjunktimi, lektorimik, adjunktimik lektorimilluunniit (Ph.d.-mik) imaluunniit professionsbachelorimik pissarsiorpoq.

Atorfiup piaarnerpaamik isumaqatigiissuteqarnikkulluunniit inuttalerneqarnissaa kissaatigineqarpoq,

Ilinniartut nunatsinni meeqqat atuarfiini ilinniartitsisutut sulilernissaannut piukkunnarsarlugit piareersaasussamik aammattaaq ilinniaqqiffiit nangitsiviusumillu ilinniartitaanerit attuumassuteqartut aqqutigalugit meeqqat atuarfiini maanna ilinniartitsisuusunik nukittorsaasussamik Ilinniartitsinermik Ilisimatusarfik ilinniartitsisussarsiorpoq.

Ilinniartitsinermik Ilisimatusarfimmi ilinniartitsisutut atorfik unammillernartuuvoq, periaaseqarluni aamma aallussisumik sulinissaq kiisalu ilinniartitsisunngorniarfimmi suliaqartunut assigiinngitsunut atatillugu nammineq suliassaqarfigisap sunniiveqateqartarneranik qanorlu pitsanngorsarneqarsinnaaneranik takunnissinnaaneq pisariaqartinneqarput.

Suliassatit tassaassapput:

• Eqqumiitsuliornermi/illuliortaatsimi kiisalu sanalunnermi ilusilersuinermilu ilinniartitsisunngornianik ilinniartitsinermik isumaginninneq
• Fagimik ingerlaavartumik inerisaaneq
• Suliassaqarfiup iluani suleqatigiinnik pioreersunik suliassatigut qanimut suleqateqarneq
• Ilinniartitsisunngorniarfimmi suliassaqarfinni assigiinngitsuni suliaqartunik suleqateqarneq
• Ilinniartitsisunngorniarnerup aammalu pikkorissaanerit ilinniaqqinnerillu inerisarnissaannut tunngasunik pilersaarusiornerni suleqataanerit
• Ilinniartitsisutut ilinniakkami digitaliusunut attuumassuteqartunik ineriartortitseqataaneq. 
• Kisimiilluni imaluunniit assersuutigalugu suleqatinik meeqqat atuarfiannilluunniit suleqateqarnikkut suliassaqarfimmut attuumassuteqartunik inerisaanermik suliniutit aamma/imaluunniit ilisimatuutut misissuinerit ilaatigut ingerlanneri. 

Suliatigut piginnaasassat ataani allassimasut amerlanerpaat pigigitit naatsorsuutigaarput:

• Naleqquttumik kandidatitut ilinniagaqarputit
• Ilinniartitsinermik naleqquttumik misilittagaqarputit
• Ilikkarnartut piginnaasalittullu takunnissinnaaneq siunniullugit sulinermik misilittagaqarputit
• Piumasaqaatit taaneqartut atorlugit ilinniartitsisut allat suleqatiginerisigut sulinerup ilusaa pileriartorneralu aaqqissuussinnaavatit
• Kalaallit Nunaanni ilinniartitsisutut ilinniagaq aamma/imaluunniit meeqqat atuarfii pillugit ilisimasaqarluarneq iluaqutaassaaq
• Nunani tamalaani sammisani sammisallu didaktikkiini ilisimatusarneq nutaajunerusoq ilisimasaqarfigaat
• Suliassaqarfini assigiinngitsuni ilinniartitsinermik aamma suliassaqarfinni assigiinngitsuni suleqatigisinnaasanik pilersitsinermik suliaqarusuttuuvutit
• Suliffimmi uummaarissumik eqaatsumillu avatangiisilimmi unammillernartut nutaat kiinnerusuttarpatit
• Atuartitsinermut sammivilerlugu tusagassiuutinik digitaliusunik naleqquttumik atuinermi ineriartortitserusupputit
• Ilinniartitsisutut ilinniakkamik inerisaasuni fagini allani ilinniartitsisunngornianik ilinniartitsisinnaaneq iluaqutaassaaq.

Inuttut piginnaasat

• Arlalinnik kultureqarfiusumi oqaaseqarfiusumilu attuumassutilinni sulisinnaallutillu ilinniartitsisinnaavutit
• Kalaallisut oqaatsit piginnaasaqarfigigukkit iluaqutaassaaq
• Naammagittartuuvutit inunnillu allanik inissaqartitsisuullutit
• Ilinniartut qaffasissumik angusaqarluarnissaannut kajumissaarusussuseqarputit
• Akuersaartuuvutit kiinneraartuullutillu aamma suleqateqallaqqillutit, attaveqateqallaqqillutillu kajumissaarilluartartuuvutit
• Ineriartortitsinissamik siunertaqarlutit eqqarsarsinnaavutit 
• Tamakkiisumik isiginninneq annaanagu amerlasuunik ataatsikkut sulianik ingerlassaqarsinnaavutit. 
• Kalaallit Nunaanni inuiaqatigiinni pissutsinut aamma ilinniartitaanerup aaqqissugaaneranut tulluarsarusullutillu paasisimasaqarfigerusuppatit. 

Neqeroorutigaagut

• Sullivik ineriartortuartoq namminersorluni suleqatigiillunilu suliassanik naligiimmik aallutaqarnissamik anguniagalik
• Fagit nutaaliorfiusut iluanni suleqatigiit tunniusimasut, eqeersimaartut ingerlalluartullu
• Ilinniartitsivik eqeersimaartoq tunniusimasunik piumassusilinnillu sulisulik
• Ilisimatusarfik eqeersimaartoq sammisat perorsaanerullu tungaasigut inerisarnissamut periarfissaqarluartoq
• Ilinniartitsisunut nutaanut adjunktitut pædagogikummimik ingerlatsineq sammisallu iluani ilisimatusarnernik angusaqarnissaq siunertaralugu ingerlatsinissamut piffissaqartitsisoq. 

Qinnuteqaat

• Studieadjunktitut atorfininnissamut qinnuteqaat, allaganngorlugu qinnuteqaatip saniatigut, ukuninnga imaqassaaq:
• Ilanngussaq 1: Curriculum Vitae
• Ilanngussaq 2: Soraarummeersimanernut uppernarsaatit
• Ilanngussaq 3: Inuit pingasut tikillugit oqaaseqaatinik aallerfiusinnaasut attaviginissaannut paasissutissanik tunniussineq
• Ilanngussaq 4: Saqqummersissimasat aamma/imaluunniit ilisimatuutut misissuilluni paasissutissiornermilu suliat kiisalu ilinniartitsimanerit allattorsimaffiat
• Ilanngussaq 5: Ilaatigut saqqummersissimasat suliassaqarfimmut paasissutissiornermulluunniit tunngasut. Nalilersorneqarnissamut immikkut attuumassutilinnik qinnuteqartoq saqqummersissimasaminik amerlanerpaanik pingasunik toqqaasinnaavoq. 

Studielektorimik aamma adjunktimik naliliisarneq atorfinitsitsisarnerlu

Qinnuteqartut nalilerneqarnerat malittarisassat atuuttut naapertorlugit naliliisartunit ilisimasalinnit ingerlanneqartarpoq. Piffissap qinnuteqarfiusup naareernerani naliliisartut katiterinerannik qinnuteqartut ilisimatinneqassapput. Qinnuteqaatit takkussuuttut naliliisartoqatigiinnit misissorneqassapput, tamanna pereerpat taakkua instituttimi pisortamut innersuusiussallutik.

Ilinniartitsisunngorniarfimmi ilinniartitsisutut qaffasissusilimmik atorfeqartitaanermut piffissaliussaq ukiut sisamassaata naannginnerani naammassineqareersimassaaq, tassani kandidatitut masteritulluunniit ilinniarneq attuumassuteqartoq anguneqareersimassalluni.

Studieadjunktitut atorfeqartitaaneq ukiunik 6-nik sivisussuseqarpoq, tamatumalu kingorna suli ukiut marluk angullugit sivitsorneqarsinnaalluni. Tamatuma kingorna lektorit naliliinerat tunngavigalugu studielektoritut atorfittut aalajangersimasunngorlugu atorfinitsinneqarsinnaavoq.

Studielektoritut atorfinitsinneqarneq atorfinitsinneqannginnermi lektorip pitsaasumik naliliinera tunngavigalugu imaluunniit qinnuteqartoq piffimmi allami suliassaqarfiup iluani studielektorimit nalilerneqarsimaguni pisinnaavoq.

Adjunktitut atorfeqartitaaneq nalinginnaasumik ukiunik 4-nik sivisussuseqarpoq, tamatumalu kingorna suli ukiut marluk angullugit sivitsorneqarsinnaalluni. Tamatuma kingorna lektorip pitsaasumik naliliinera tunngavigalugu lektoritut atorfinitsivinneqarsinnaavoq.

Lektoritut atorfinitsitaaneq pisinnaavoq atorfininnissaq sioqqullugu lektorimit naliliilluartoqarpat imaluunniit qinnuteqartoq piffimmi allami sammisami lektorimit nalilerneqarsimappat.

Qinnuteqaatit tiguneqartut tamarmik atorfinitsitsinermut ataatsimiititaliamit suliarineqassapput.

Adjunktitut, lektoritut, studieadjunktitut, studielektoritut imaluunniit ilinniartitsisunngorniarfimmi ilinniartitsisutut atorfimmut qinnuteqartut sorlermut qinnuteqarnertik ersarissumik allassavaat.

Attavissat/paasissutissat:

Atorfik pillugu paasisaqarnerorusukkuit Instituttip pisortaata Britta Lohmannip attaviginissaanut tikilluaqqusaavutit oqarasuaammut uunga + 299 385702 e-mail: blo@uni.gl

Ilisimatusarfik pillugu paasisaqarnerorusukkuit ugguuna atuarnerusinnaavutit: www.uni.gl.

Ilisimatusarfik pillugu

Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut aqqaneq marluupput, taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.

Ilisimatusarfik sisamanik instituteqarpoq:

• Ilinniartitsinermik Ilisimatusarfik
• Inuiaqatigiilerinermik, Aningaasaqarnermik Tusagassiornermillu Ilisimatusarfik
• Kulturimik, Oqaatsinik Oqaluttuarisaanermillu Ilisimatusarfik
• Peqqissaanermik Pinngortitamillu Ilisimatusarfik. 

Allaffissornikkut aqutsisoqatigiiffik pillugu

Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisuniik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa. 

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk