FAKTA
Atorfiup suussusaa: Teamleder
Suliffeqarfik: Nukissiorfiit
Qinnuteqarfissamut killigititaq: 30. apriili 2025
Attavissaq: Jan Zachariassen oqarasuaatikkut +299 527552 imaluunniit jbz@nukissiorfiit.gl
Sisimiuni nukissiorfik linjeafdelingimi ullormut ingerlatsinermut akisussaasuusinnaasumik nutaamik teamlederissarsiorpoq. Illoqarfiup innaallagissiorfianik ingerlatsinermut aserfallatsaaliuinermullu aamma suleqatinut marlunnut akisussaasuussaatit
Sisimiut tassaavoq Kalaallit Nunaanni illoqarfiit annersaata tullia 6.000-inillu amerlanerusunik inulik, kulturimik misigisaqarnissamut pinngortitarsuarmiinnissamullu periarfissanik ulikkaartoq. Illoqarfimmiipput pisiniarfippaaluit, nioqqutissanik ulluinnarni atorneqarnerusunik pisiniarfiit, kulturikkut illorsuaq cafélik, aamma tamaani Kalaallit Nunaanni qimussernermut kulturi asseqanngilluinnartoq qanimut misigineqarsinnaavoq. Taakkua saniatigut Sisimiut Kalaallit Nunaanni misigisassarsiornertalimmik angalanernut tunngatillugu qitiusutut tusaamasaavoq, aamma aasakkut qaninnerusumut ungasinnerusumullu pisuttuariarfissaqarluarpoq, ukiukkullu timmut sisorariartoqarsinnaavoq, qimusseriartoqarsinnaavoq qamuteralammilluunniit angalaariartoqarsinnaalluni
Suliassatit pingaarnerit makkuupput:
- Innaallagissamik sakkortuumik sakkukitsumillu, aqqusinerni qullernik namminerlu innaallagiamik ikkussukkanik ingerlatsinermi aserfallatsaaliuinermilu suliassanik pilersaarusiorneq
- Suliniuteqaqataaneq nalunaarsueqataanerlu.
- Pisiortugassanik pilersaarusiorneq pisiortornerlu, innaallagissamut atortut kingoraartissaat atortullu allat quersuarmiittuutinik nalunaarsuineq.
- Illoqarfimmi nunaqarfinnilu innaallagissiuutinik aammalu nussuissummik 60kV-imik illoqarfiup erngup nukinganik innaallagissiorfianeersumik pitsanngorsaaneq, malittarinninneq nakkutilliinerlu.
- Uuttortaatitsinnik ungasianit atuaassutitta ajoquteqannginneranik qulakkeerineq.
- Pigaartuusartunut ilaalerneq.
- Isumannaallisaanermut malittarisassat atuuttut malinneqarnissaanik isumaginninneq.
- Nunap immikkoortuata KLS-systemianut akisussaasuuneq.
Suliffinni misilittakkatit, ilinniakkat soqutigisatillu apeqqutaatillugit atorfinni suliassannut sunniuteqarnissamut periarfissaqassaatit.
Suut naatsorsuutigisinnaavigit?
Ingerlatsivik inuiaqatigiinnut pingaarutilik suleqatinik pikkorissunik, aalajaatsunik ilungersorlutillu sulisartunik ulikkaartoq suliffigilissavat. Ingerlatsivimmi suliatsinnik ilisimasaqarluarnitsigut suleqatigiilluarnitsigullu iluatsilluarfiusartumi pingaarutilimmik inissisimaffeqassaatit. Suliaqarfiit immikkoortortallu tapertariissillugit maani suleqatigiittarnissarput naatsorsuutigisinnaavat. Ullut assigiinngiiaartunik suliassarpassuaqarfiunissaat naatsorsuutigisinnaavat, assigiinngitsunillu sulialinnik kulturikkullu tunuliaqutalinnik suleqateqassaatit. Nukissiorfiit suliffeqarfiuvoq eqinnaatsuuffiusoq aammalu suliatsigut inuttullu ineriartornissamik pingaarnerpaatitsiffiusoq.
Suleqatissarsiorpugut…
- Nussuissutini innaallagissamik sakkortuumik sakkukitsumillu ingerlatsinermi kukkunersiuinermilu misilittagalimmik.
- Assigiinngisitaartunik suliaqarnermik nuannarisalimmik
- Sakkortuumik sakkukitsumillu innaallagissiuutinik suliaqarnermi isumannaallisaanikkut suleriutsinik ilisimasalimmik
- Kabelit sakkukitsumik sakkortuumillu innaallagiallit eqqaanni assaanermik aamma tamakkuninnga suliaqarnermik suliamillu nakkutilliinermik ilisimasalimmik
- Pilersaarusiornermi aaqqissuussinermilu piginnaasalimmik
- Suleqateqallaqqissumik, aammali kisimiilluni sulisinnaasumik
- Suliaqarfinnut allanut attaveqallaqqissumik suleqatiginnillaqqissumillu
- Biilimut kørekortilimmik
Takorloorparput innaallagissamik suliaqarnermut tunngaviusumik ilisimasaqartutit ilinniakkat suliffigisimasalluunniit aqqutigalugu – ingeniøritut, maskiinalerisutut, innaallagisserisutut assigisaannilluunniit ilinniagaqarputit innaallagissamillu nussuissutit qanoq atorneqartarnerannik paasisimasaqarluarlutit. Taakkualu saniatigut piumasaqaataanngikkaluarluni iluaqutaassaaq mekanikkimik suliaqarnermik soqutigisaqarlutilluunniit misilittagaqaruit.
Piffissani ulapiffiusuni eqqissisimasinnaassaatit. Aammattaaq piumasaqaataanngikkaluarluni iluaqutaassaaq kalaallisut, tuluttut danskisullu oqalussinnaaguit.
Sulilerfissaq: sukkanerpaamik
Atorfininnermi atugassarititaasut
Akissarsiat atorfinitsitaanerlu isumaqatigiissut naleqquttoq atuuttorlu naapertorlugu. Qaammatit pingasut siulliit misilitsiffiussapput.
Sulisutut inissiamik pequtilersorneqanngitsumik attartugassarsisitsisoqarsinnaavoq.
Tassaavit suleqat ujagarput?
Taava qinnuteqaatit ”Atorfik una qinnuteqarfigiuk” aqqutigalugu piaarnerpaamik nassiuguk.
Atorfiup imarisaanut atuuffigisaanullu apeqqutissaqaruit nunap immikkoortuanut pisortaq Jan Zachariassen attaveqarfigiuk, ukunatigut: +299 527552 imaluunniit jbz@nukissiorfiit.gl. Aningaasarsiat atorfinitsitaanermullu atugassarisat pillugit apeqqutit nalinginnaat uunga nassiunneqarsinnaapput: hr@nukissiorfiit.gl
Nukissiorfiit pillugu
Nukissiorfiit Kalaallit Nunaat tamaat innaallagissamik, imermik kiassarnermillu pilersorpaa. Niuerfigisatta iluaqutissaannut iluarsiissutit aningaasartuutitigut sunniuteqarluartut piujuartitsisullu pilersinniarlugit peqatigiilluta suliaqartuartuuvugut. 2020-mi innaallagissamut, imermut kiassarnermillu tunisarisatta 70 %-ii nukissamik atajuartumit pisuupput. 2030-p tungaanut nukissamik atajuartumik 100 %-imik peqalernissaq sulissutigaarput. Sulisunut tamanut 400-nut toqqammavissanik pitsaanerpaanik pilersitsiniarnikkut Nukissiorfiit iluani iluatsitsisuuvugut. Uagut pilluta uani annertunermik atuarit: www.nukissiorfiit.gl
Qinnuteqarnissamut killissarititaasoq: apriilip 30.-at, 2025
Atorfik una qinnuteqarfigiuk
