Allaffissornikkut sulisoq

Specialistini allaffissornikkut suliaqartoq

Soraarnerussutisiassat pillugit suliassaqarfimmi pissanganartumik atorfeqarnissaq takorluugaraajuk, aamma GrønlandsBANKEN-ip immikkut ilisimasallit immikkoortuanni suleqataarusuppit?

Allaffissornikkut suliaqartussamik nukittuumik pitsaassutsimik pingaartitaqartumik kiisalu ulluinnarni suliassat siuarsarnissaannut qulakkeerinneqataarusuttumik ujaasivugut.

Allaffissornikkut suliaqartutut ilaatigut makku akisussaaffigissavatit:

• Soraarnerussutisiat pillugit allagarsianik ulluinnarni suliaqarneq
• Nærpension pillugu suliassat
• Illup iluani kontomik nikingasoornaveersaarineq
• Kvartalimut nikingasoornaveersaarineq
• Qimatut-pension pillugu suliassat
• Aningaasaliineq pillugu suliassat annikinnerusut
• Nalunaarsukkanik nakkutilliinerit suliaralugit
• Soraarnerussutisiassalerinermi inuinnarnut siunnersortit sullillugit

Naatsorsuutigaarput, illit:

• Nammineq ingerlatsisinnaasutit, eqeersimaartuusutit ilinniartikkuminartuusutillu
• Ataqatigiisillugu aaqqissuussisinnaallutillu ilusilersuisinnaasutit
• Aningaaserivimmi soraarnerussutisiassanulluunniit misilittagaqartutit
• Soraarnerussutisiassalerinermut paasisimasaqartutit (iluaqutaassaaq piumasaqaataanngilarli) 

Neqeroorutigaagut:

Kalaallit Nunaanni suliffeqarfinni pitsaanerpaami atorfik pilerinartoq akissarsiarissaarfiusorlu, innuttut suliatigullu ineriartornissamut periarfissaqarluartoq neqeroorutigaarput.

Atorfik Nuummi inissisimavoq immikkut ilisimasallit immikkoortortaanni, tassani pimoorussineq annertuvoq, ullormilu sulinissat nammineq annertuumik sunniuteqarfigissavat.

GrønlandsBANKEN suliffeqarfiuvoq pingaartorsiorfiunngitsoq, pingaartitatsinni sisamani aallaaveqartoq; Pimoorussineq, peqqissaartuuneq, sullitanik pingaartitsineq aamma ineriartornermik pingaartitsineq

Atugassarititaasut:

Atorfinitsitsineq Sulisitsisut aamma Finansforbundet akornanni isumaqatigiissut naapertorlugu pissaaq.

Aningaaserivik malittarisassat Namminersorlutik Oqartussanit aalajangersarneqarsimasut naapertorlugit inissamik atukkiissaaq.

Atorfininnermi atugassarititaasut allat, matuma ataani angalaneq, pisattat assartornerat malittarisassat atuuttut naapertorlugit atuupput.

Ukiuni ikinnerpaamik 3-ni atorfeqartitsinissaq anguniarneqarpoq. Atorfininneq sapinngisamik piaarnerpaamik pissasoq kissaatigineqarpoq.

Atorfimmut apeqqutissaqaruit soraarnerussutisiassaleriffimmi aamma aningaasaliinermi immikkoortortaqarfimmi pisortaq, Klaus Trolle Pedersen attavigisinnaavat.

Apeqqutit nalinginnaanerusut pillugit HR-imi pisortaq attavigiuk Patricia Lund Olsen.

Oqaloqateqallattaassaagut, piukkunnartoqarpat atorfinitsitsissaagut. 

Tusarfiginissat qilanaaraarput!

Qinnuteqaat nassiutiguk