Tasiilami Ilaqutariinnut paarsisartunut siunnersorti

Kommuneqarfik Sermersooq pikkorissumik tunniusimasumillu Ilaqutariinnut paarsisartunut siunnersiortimik, Isumaginninnermi siunnersortitut, perorsaasutut imalunnit Isumaginninnermik suliaqarnermut siunnersortitut ilinniagalimmik 01.06.2025 sulilersussamik pissarsiorpoq.

Ilaqutariinnut paarsisartunut siunnersortip pingaarnertut suliassai tassaapput; Ilaqutariit paarsisartunut akuersissutit qulakkeerneqarnissaat, Ilaqutariinnik paarsisartut sullinneqarnerat tamakkiisoq, taamattaarlu Ilaqutariit paarsisartut sulineranni isumaginninnikkut perorsaanikkullu tunngasunik siunnersorneqartarnissaannut, inatsisillu atuuttut tunngavingalugit sullissinerup ingerlanneqarnera qulakkiissallugu. Qaninnertut pisortarissallugu Kommuneqarfik Sermersooq Tasiilami Meeqqanut Ilaqutariinnullu Ingerlatsiviimi aqutsisoq.Tasiilami Ilaqutariit paarsisartunut siunnersortitut atorfiit pingasuupput, suleqataasoq ataaseq allami atorfinittussanngornera pissutingalugu suleqatissarsiorneq ingerlanneqarluni.

MI Tasiilami aaqqissuusseqqinneq ingerlanneqarnikuuvoq, tassanilu suliniutinik ingerlatsiviit tamarmik ataatsimut immikkoortortaqalerputt. Immikkoortortami sulisut tamakkerpata 23 naatsorsuutigineqarput, imatullu agguarneqarlutik: immikkoortortami aqutsisoq 1, suliniuteqarnernut aqutsisoq 1, tarnip pissusaanik immikkut ilisimasalik 1, psykoterapeutit 2, børnehusimut konsulent 1 børnehusimii sullinneqartunut ataqatigiissaarinermik suliaqartoq, ilaqutariinnik aqqutissiuisut 10 – taakkunannga ataaseq ataqatigiissaarinermik aamma suliaqassalluni -, inuusuttuaqqanut siunnersortit 4 – taakkunannga ataaseq ataqatigiissaarinermik aamma suliaqassalluni - aamma ilaqutariinnut paarsisartunut siunnersortit 3.

Ilaqutariinnut paarsisartunut siunnersortitut atorfik ulloq naallugu atorfiuvoq, ataasinngornermiit tallimanngornermut 40 timer tunngavingineqarluni. Qaninnertut pisortarissavat suliniutinik ingerlatsivimmi (indsatsområdet) afdelingsleder.

Atorfiup imarisaa:

Misilittagaqartumik Ilaqutariinnut paarsisartunut siunnersortitut suliaqarnermi peqataalluarsinnaasumik ataanilu makkunannga suliaqarluarsinnaasumik pissarsiorpugut:

∙Tasiilami nunaqarfiinilu ilaqutariinnik paarsisartunik eqeersimaartunik pisssarsiniarneq

∙Paarsaqarsinnaanermut akuersissutinik tunniussinissamut suliaqarnerit tamaasa

∙Ilaqutariit paarsisartut sullinneqarnerat tamaat, taassuma iluani aamma paarsaqarnersiutissanik nalunaarusiortarneq

∙Ilaqutariinnik paarsisartunik isumaginninnermut tunngasunik, perorsaanermullu tunngasunik pikkorissartitsinerit/piginnaanngorsaanerit, aqqutissiuussinerit siunnersuisarnerillu

∙Ilaqutariit paarsisartut nakkutingineri

∙Meeqqanik sullissisut suleqatigalugit meeqqat inuusuttullu eqqortumik inissinneqarnissaannik isumannaarinninneq

∙Meeqqanik sullissisut suleqatigalugit angerlartitsinermut sulianik suliaqarneq

∙Meeqqat angajoqqaarsianiittut pillugit suliassanik assigiinngitsunik sullissisunut apuussisarnerit, suleqataaffiginninnerillu

∙Suliassat allat meeqqanut ilaqutariinnut paarsisartunut inissinneqarsimasut pillugit

Suliassat Kommuneqarfik Sermersuumi Ilaqutariinnut paarsisartunut siunnersortit allat kiisalu Meeqqanik ilaqutariinnillu sullissisut allat peqatigilluinnarlugit suliat ingerlanneqartassapput.

Qinnuteqartunut naatsorsuutigisat:

∙Isumaginninnermi siunnersortitut, perorsaasutit imaluunniit Isumaginninnermik suliaqarnermut siunnersortitut ilinniangalik

∙Inatsisinik atuaallaqqissuusutit paasinnillaqqissuullutillu

∙Allannikkut oqalunnikkullu oqaasiliullaqqissuseqartutit

∙Ilaqutariit paarsisartut aallaavingalugit suliami peqataasunik suleqateqarusussuseqassaatit, suleqateqarnissamullu piginnaasaqarlutit

∙Aaqqissuulluakkamik aamma tamakkiisumik isiginnittaaseqarlutit sullissisinnaassaatit

∙Marlunnik oqaaseqartoq kalaallisut/qaalunaatut

Pingaartipparputtaaq:

∙Aalajaatsoq, pitsaassutsimik pingaartitsisoq immikkuualuttullu ilanngullugit maluttarissoq

∙Uippakajaarani arlariinnik suliaqarsinnaasoq

∙Erseqqissumik tappissumillu allattariarsorlunilu oqaluttariarsorsinnaasoq

∙Nammineerluni sulisinnaasoq, akisussaassuseqartoq sullissiumatoorlu

∙Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.

∙Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.

∙Nukittooq pilersitsiniallaqqissoq inissaqartitsiuartoq piumassuseqarluartorlu

∙Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq

∙Atituumik suleqateqarluarsinnaasoq

Neqoroorutigaavut:

Suliffik unamminartoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut.

Suleqatigiilluni tamakkiisumik isiginnittaaseqarluni kivitseqatigiissinnaaneq upperalugu suleqatigiinneq, taamatullu sulisut ataasiakkaat aammalu suleqatigiittut piginnaasaanik qaffassaaneq pingaartillugu ingerlaqatigiinneq pingaartitaraarput.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami Aqutsisoq Emilie Napatoq, oqarasuaat +299 36 76 23 imaluunniit e-mail: emnp@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 380-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: maajip 7.-at, 2025

Atorfik una qinnuteqarfigiuk