PAASISSUTISSAT
Atorfiup suussusaa: KNR-Radiomi aaqqissuisussarsiorneq
Suliffeqarfik: KNR
Qinnuteqarfissamut killigititaq: 16. maaji
Attavissaq: Andrea Christiansen ugguuna anc@knr.gl.
KNR-Radiop aallakaatitassiaanik tusagassiornermillu ineriartortitseqataarusukkuit sunneeqataallutillu maanna periarfissaqalerputit.
Aaqqissuisumik misilittagalimmik pikkorissumillu suleqatissarsiorpugut. Suleqateqallaqqissuussaatit KNR-illu aaqqissuisoqarfiisa akornanni suleqatigiissitsillaqqissuussallutit.
Suliffigiuminartuutitsinissaq pingaartipparput, taamaammat soqutiginnittuunissat inuppalaartuunissallu pingaaruteqarpoq. KNR-Radiomi aaqqissuisutut suliassat assigiinngitsorpassuummata, suliassanik amerlasuunik aallussisinnaanissat tunuarsimaartuunnginnissallu pingaaruteqarpoq.
Aaqqissuisoqarfimmi sulianik suleqatigiinnermillu pingaartitsisunik suleqataalissaatit. Suleqatit tunniusimasut pikkorissullu siammasissunik sammisallit nuna tamakkerlugu aallakaatitsisartut aaqqissuisuuffigilissavatit.
Suliassaraatit:
• radiop aallakaatittagai ineriartortillugillu pitsaassusaat qulakkiissallugit
• aaqqissuisoqarfik nukittuunngorsarlugulu nutaaliullaqqissunngorlugu ineriartortissavat
• immikkoortortap suliffitsialattut ingerlanissaa anguniagaasalu ersarissuunissaat qulakkiissavatit
• ulluinnarni radiomi aqutsineq, aaqqissuisoqarfiillu allat suleqatigalugit pingaarnersiuineq agguataarinerlu suliarissavat
• radiomi pisortaq aaqqissuisullu allat ulluinnarni qanimut suleqatigisassavatit, peqanngiffiinnilu taartaasassallutit
Piginnaasat:
• suliamut naleqquttumik ilinniagaqassaatit aqutsinermillu misilittagaqarlutit
• sulisut atugarissaarnissaat angusaqarusussuseqarnissaallu qulakkiissallugu
• kalaallisut oqaatsitsinnik qaffasissumik atuisinnaaneq allattariarsornikkut oqalussinnaanikkullu, kiisalu danskit tuluillu oqaasiinik atuisinnaassallutit.
Akissarsiat atorfeqarnermilu atugarisassat
Akissarsiat atorfeqartitaanermilu atugassarititat kattuffiup susassaqartup Namminersornerullutik Oqartussanik isumaqatigiissutigisimasaat atorfininnerup nalaani atuuttut malillugit inisinneqassapput.
Ineqarneq:
Atorfimmut atatillugu inissaqartitsisoqassanngilaq
Attaveqarfissaq aammalu sukumiinerusumik paasissutissanik paasiniaavissaq Annerusumik paasisaqarusukkuit KNR-Radiomi pisortaagallartoq Andrea Christiansen allaffigisinnaavat uunga anc@knr.gl. Apeqqutit tamatigoornerusut sulisoqarnermut immikkoortortaqarfimmut saaffiginnissutigineqassapput ugguuna hr@knr.gl
Qinnuteqaat sulerisimanermik, ilinniarsimanermik uppernarsaatinik, allanillu attuumassuseqartunik paasissutissanik imalinnik malitsilik nassiunneqassaaq.
Ulloq Qinnuteqarfissaq kingulleq: 16.april 2025.
Qinnuteqarnissamut killissarititaasoq: maajip 16.-at, 2025
Atorfik una qinnuteqarfigiuk
