PAASISSUTISSAT
Atorfiup suussusaa: Nakkutilliisoq
Suliffeqarfik: GFJK / Kalaallit Nunaanni Aalisarnermut Piniarnermullu Nakkutilliisoqarfik
Qinnuteqarfissamut killigititaq: 10. apriili 2025
Attavissaq: Ole Jerimiassen
Piffissamik killilimmik Kitsissunguani nakkutiginnittussamik Kalaallit Nunaanni Aalisarnermut Piniarnermullu Nakkutilliisoqarfik (Kanuapna), Ilulissat, pissarsiorpoq.
Ilulissani Nunap immikkoortuini pissarsiorpugutnakkutiginnittussamik piginnaasaqarluartumik suliassarpassuarnik unamminartunik suliarinnittussanik sulisussarsiorpugut.
Suliassat pingaarnerit nakkutiginninneq susoqarneranik qeqertani Kitsissunnguit Qeqertarsuup Tunuani Kanuapna-p immikkoortortaqarfia Ilulissani qanimut suleqatigalugu.
Piginnaasat
- Umiatsiaaqqamik angalanermik piginnaasaqarneq
- Inatsisinik nalunaarutinillu ilisimasaqarneq
- Nammineerlutit sulisinnaassaatit
- Aalajaatsuuvutit tamanillu takunnilluarsinnaallutit
- Suleqatinut suleqatigisannullu suleqatiginnissuseqarluarputit
- Inorortuuvutit, tamatigoortuullutit ilungersunartoqartillugulu sulisinnaallutit
- Pinerluuteqarsimannginnermut allagartaqassaatit
- Biilinik ingerlatsisinnaanermut allagartaqaruit iluaqutaassaaq
Suliassat
- Terianniaqarneranik killilersuineq
- Qeqertat nakkutigineqarneri
- Timmissanik piniarnermik nakkutiginninneq
- Mannisarneqarneranik nakkutiginninneq
- Aalisarnermut atortunik qimagaannakkanik nakkutiginninneq
- Aalisakkanik igitanik nakkutiginninneq
Piffissaq suliffik allanngorartuussaaq, nakkutilliinermullu piffissaq majip 15.-aniit aggustip 1.-qaataata iluani atorneqassalluni, nakkutiginnittorlu qeqertaniittassalluni.
Atorfinitsitsineq killilimmik pissaaq apriilip 1.-qaataaniik septemberip 30.-anut.
Illit pillutit
Aamma sullisserusuttuunissat, ikiuukkumatuunissat ullinnarnilu sulinermi nuannaartuunissat pingaartippgut. Pisariaqartillugu sulinerusinnaanissat pingaartipparput.
Aalisarnermut Piniarnermullu Nakkutilliisoqarfiup soqutiginnittut tamaasa qanoq tunuliaquteqarneq apeqqutaatinnagu atorfimmut qinnuteqarnissaanik kaammattorpai.
Ulloq qinnuteqarfissaq kingulleq 10. april 2025
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job
Qinnuteqaat nassiuguk
