Inussummi suleqataalerit

Inussuk Pituffimmi sakkutooqarfimmi aserfallatsaaliuisuullunilu sullissisuuvoq.

Isumaqatigiissummi piumasaqaatit tamaasa eqqortinniarlugit tunniusimavugut, sullitavullu qanimut oqaloqatigiuarlugit. United States Space Force sullitaraarput, USA-p sakkutooqarfia Pituffimmiittoq.

Inussuk Nuummi qullersaqarfeqarpoq. Kalaallit Nunaanni suliffeqarfittut isumaqatigiissummi piumasaqaatit malillugit suliassat nunaqavissut piginnaaneri atorlugit naammassissallugit Inussummi kissaatigaarput. Tamanna anguniarlugu sulisut aaqqissuussaasumik piginnaanngorsarneqarput. Nunaqavissunik sulisussarsiorneq ingerlattarparput, ilinniartoqarneq, nunaqavissunut niuerneq, inuiaqatigiinni attaveqarnertigut nunaqavissunillu suliffeqarfiutilinnik suleqateqarneruneq.

Niuernermiit mekanikkimik suliaqarnermut, allaffissornermik nerisassiornermut — illit suliffigisinnaasannik periarfissaqartitsivugut!

Inussuap Pituffik pingaarnertut suliffigaa, tassanilu uku akisussaaffigaagut:

- Facility Management (Ingerlatsineq aserfallatsaaliuinerlu)

- Innaallagissamik kiassarnermillu pilersuineq nukissiorfiullu aserfallatsaaliorneqarnera

- Peqqissaavik taassumalu ingerlanneqarnera

- Qatserisartut upalungaarsimanerlu

- Mittarfiup ingerlanneqarnera, mittarfimmi tikittarfik, aallariartortarfillu kiisalu mittarfimmi taxi

- Attaveqaqatigiinneq qarasaasianillu atuineq isumannaatsoq

- Assartuinermi atortut aserfallatsaalineqarneri, aqqusinilerisuunerlu

- Pilersuinermik aqutsineq, soorlu pisisartunik, peqqumaataasivik aamma orsussap toqqorsivianik nakkutilliineq, assartuinermik, biilinik aserfallatsaaliuinermik biilinillu iluarsaasarfimmik ingerlatsineq

- Kiffartuussinermik aqutsineq, ilaatigut kantinamik, inissianik, sunngiffimmi sammisassanik, ilaatigut cafémik timigissartarfilimmillu, ingerlatsineq

Ilinniartunut tunngasut

Suliffittaarsinnaaneq

Kalaallit Nunaanni sumiluunniit allami suliffeqarfinni misigineqarsinnaanngitsut Pituffimmi Space Basemiipput. Timmisartumiit niunerniit suleqatigiinnut akuliutissaatit.

Imaanngilarli ulloq unnuarlu suliassatit suliarisariaqaritit. Sakkutuut sulinerannut iluaqutaasut Inussummi sulisutut suliassat assigiinngitsut suliarissavatit. Aammattaaq naatsorsuutigineqarpoq inuiaqatigiinnut ikittunnguanut tunniussaqarnissat, ullormut suliffiusoq qaangerlugu pisartumut suleqatigiinnut ilanngutissasutit.

Pituffimmi sulisutut suleqataalerlutillu ataatsimoorfimmut piginnaasanik tamanik pisariaqartitsivimmut akuliutissaatit. Sulisut sakkutooqarfimmi inooriaatsimut akuusut immikkuullarissumillu ataqatigiinnermi ilaasut pingaartinneqartarput.

Ilinniartoqarnermik aaqqissuussaq

Inussuk 16-inik ilinniartunik suliffimmi sulisoqarnissamut akuersissuteqarpoq, piffissami isumaqatigiissuteqarfiusumi Kalaallit Nunaanneersunik ilinniartut 10 %-imik amerlinissaat sulissutigaarput. Ukiumut qulingiluat missaat sakkutooqarfimmi ilinniartuutigisarpagut, immikkoortortaqarfimmut akuliuttarput, barakkinilu ineqatigiiffiusumi najugaqartarlutik.

Kalaallit Nunaanni timigissartarfiit annersaat, café, filmertarfik, spillertarfik, bowlingertarfik aamma silami sammisassaqarnissamut atortunik attartorluni sunngiffimmi sammisassatut periarfissaapput. Ilinniartut qaammatit tamaasa katerisimaartarput ataatsimoorlutik sammisaqartarlutik, taamaalilluni ikinngutitaartortoqartarluni. Ilinniartunut siunnersortitta misilittagaqarluartup Margrethe Poulsenip ilinniartuunerit tamaat tapersersorluassavaatit. Pisussaaffilersugaanngitsumik periarfissatit pillugit oqaloqatigiumallugu attavigiuk!