Inussuk ruujorilerisutut ilinniartussarsiorpoq

Inussuk Pituffik Space Base-imi ingerlatsineq kiffartuussinerlu akisussaaffigaa, illoqarfik tamakkerlugu suliassaqarfiillu US Space Force-imut ingerlappagut. Sakkutooqarfik nunat tamalaanit avatangiiseqarpoq, kalaallit, danskit aamma amerikamiut sulisut amerlanerullutik. Tamaani ataatsimoornerujussuarmi ilanngutissaatit, nereqatigiinnerit aaqqissorneqartarput, ileqqutoqqanik aaqqissuussisoqartarpoq aammalu nunami issittumi alianaatsumi angalaarnerit, nunap uummasui misigineqarsinnaallutik.

Pituffimmi immikkuullarissumik inooriaaseqarnissaq, pissutsinut naleqqussarlutit misigisassarlu nuannaarutiginissaanullu piareersimaffigaajuk? Taava ataatsimooqatigiiffitsinni ilaalersinnaavutit immikkoortortaqarfitsinni Utility Facility & Maintenance-mi.

Tamaani ilinniartuunerni

Ilinniarnerni tamaani ilinniartunut aqqutissiuisup misilittagaqarluartup tapersersussavaatit. Ukiumut sakkutooqarfimmi immikkoortortaqarfinni assigiinngitsuniittuni 9 missinginik ilinniartoqartarpoq, barak-inilu najugaqarlutillu ataatsimoorfissaqarsinnaallutik.

Qinnuteqartussarsiorpugut:

· Dansk-it oqaasiinik atuisinnaasunik, ilinniartitaaneq dansk-isoornerummat, aamma sillimaniarnermut malittarisassat pingaarutillit paasineqarniassammata malinneqassammatalu

· Aalajaatsut, piffissaq eqqorlugu takkuttartut aamma akisussaassusilimmik sulinermut ileqqorissaartut.

· Kajumissuseqartut aamma ilinniarnerminnut aallusserusuttut.

· Ilaquttat ikinngutillu qimaqqallugit inuusinnaasoq, sakkutooqarfik illoqarfittut suliffeqarfiummat.

· Inerisimassuseqarlutik imminnut paarisinnaasut.

Makkua ineriartorfigissavatit:

· Dansk-it oqaasii ilaatigullu aamma tuluttut oqaasii.

· Piffissaq eqqorlugu suliartortarneq aamma sulinermut ileqqorissaarneq.

· Namminersorluni sulineq aamma angerlarsimaffik qimallugu sulineq.

· Inunnik nunat allaninngaanniit suleqateqarneq.

Piumasaqaatit:

· Kalaallit Nunaanni najugaqarneq (ilinnialerninnut akuersissut uppernarsaat atorneqarsinnaavoq).

· Minnerpaamik 18-inik ukioqassaatit.

· Namminersorlutik Oqartussaniit ilinniagaqarnermusiaqarsinnaatsitaaneq (uppernarsaat qinnuteqarnermi ilanngunneqassaaq).

· Pineqaatissinneqarsimannginnermik uppernarsaat (qinnuteqarnermi ilanngutissanngilat, Inussuk atorfinitsitsinermut immikkoortortaqarfia aqqutigalugu aaneqassaaq) Isumannaassusermut akuersissut naatsorsuutigisassaavoq sakkutooqarfimmi sulinissaq najugaqarnissarlu pillugu. Danmarkimi Kalaallit Nunaannilu pinerluttuliornermik nalunaarsugaqanngikkaangat, nalinginnaasumik akuerineqartarpoq.

Qinnuteqarneq: Qinnuteqaat ilinniartunut aqqutissiuisumut Margrethe Poulsen nassiunneqassaaq uunnga: Margrethe.poulsen@inussuk-group.com

Allatut allakkatigut qinnuteqaatit nassiussinnaavat:

Inussuk A/S Att. Lærlingevejleder Postboks 1 3970 Pituffik

Ilanngutassat:

· Dansk-isut allakkamik ilisaritinneq.

· CV piginnaasaatit, ilinniarsimasat aamma misilittakkatit allattorsimaffiat.

· Soraarummeernermut uppernassaatsit (meeqqat atuarfiat, AEU imaluunniit assigisaanik).

· Ilinniarfinniit ilinnialerninnut uppernarsaat.

· Ilinniagaqarnermusiaqarsinnaassitaanermut uppernarsaat.

· Peqaruit sulisitsisorisimasannit oqaaseqaat.

Alloriarneq tulleq: Qinnuteqaatit nassiutereerukku, qinnuteqarnermi immersugassamik nassissavatsigit, immersoriarlugu, atsioriarlutit taava utertillugu nassiutissavat, taamaasereerpat aatsaat qinnuteqaatit suliarisinnaavarput. Paasissutissat ilinnut tunngasut suliarinissaanut aamma tigumminissaanut akuersissutit atorfissaqartipparput.

Ilinniartunut atorfinitsinneqarnermut suliareqqiinermut tunngasut uani takujuk: https://www.inussuk-group.com/lrlingeprogrammet