Inunnik innarluutilinnik sullissivik sullissisussarsiorpoq

Inunnik innarluutilinnik sullissinermi immikkoortortaqarfik Inunnik innarluutilinnut sullissisussarsiorpoq

Inunnik innarluutilinnik sullissinerup Inunnut innarluutilinnut tarnimikkullu nappaatilinnut Immikkoortoqarfiup ataaniippoq, pissanganartumillu ineriartuleruttorpugut ataatsimoorluta immikkoortortami maani inunnik innarluutilinnik sullissinermi aqqutissiuusseqatigiissalluta.

Taamaattumik innuttaasunut inersimasunut piginnaasakillisimasunut allannguerusuttumik inunnik innarluutilinnik sullissisumik ataatsimik pissarsiorpugut Immikkoortortami sulianik ilisimasaqarneq, assigiinngissuseq ataatsimoornerlu sulinitsinni ilisarnaateqartumi peqataarusuttumik.

Atorfimmi suleqatitit peqatigalugit innuttaasut 18-it sinnerlugit ukiulinnik innarluutilinnik sullississaasi, Innarluutillit pillugit inatsit malillugu sullissiviusumi. Piffissami matumani inunnik innarluutilinnik inersimasunik sullissisartut 4-t aammalu meeqqanik innarluutilinnik sullissisartut 2-t Nuummiipput, Inersimasunik sullissisoq 1½-t aammalu Meeqqanik inuusuttunillu sullissisoq 1-q Tasiilamiipput, 1-q Paamiunii, aammalu 1 Ittoqqortoormiini. Meeqqanik inuusuttunillu innarluutilinnik sullissisut qanimut suleqatigineqarput, soorlu isumasioqatigiinnikkut, ataatsimeeqatigiittarnikkullu.

Taamaattumik suliassatit tassaassapput inuit innarluutillit pillugit inatsisip iluani sullissineq, ilaatigut makkuusut innuttaasunik paasiniaaneq, pisariaqartitanik naliliineq, suliassamik saqqummiussinerit, immikkut ittumik suliniuteqarsinnaasut il. il. 

Naatsorsuutigaarput:

·Sullissineq aamma inuit innarluutillit pillugit inatsit misilittagaqarfigigit/ilisimasaqarfigigit

·Innuttaasut sullitat qanigisaallu misilittagaqarfigigitit

·Attaveqallaqqissuusutit ataatsimoorlunilu suliassat pitsaanerusumik suliarineqarsinnaasut upperigit

·Kalaallit Nunaanni inuiaqatigiinnut kulturimullu ilisimasaqartuusutit

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

·Inunnik isumaginninnermi siunnersortitut ilinniagaqarnissaq

Inuttut:

·Tunngaviusumik allaanerussuteqarneq ataatsimoornerlu nukittut isigissagitit

·Pitsaasumik allannguerusuttuusutit

·Aaqqissuussaaneq ataqatigiissaarinerlu nuannarigitit

·Arlalinnik suliaqarlutit nuannarissagit

·Paasisaqarusussuseqartutit, alapernaatsuutit allallu isiginnittaasiinut akuerinnittuusutit

Ingerlatsivik pillugu:

Suliatigut piginnaasat, assigiinngissuseq, ataatsimoornerlu suleriaatsimik siunissaq ungasinnerusoq eqqarsaatigalugu kivitsinissamut pingaaruteqarsoraagut. Taamaattumik suliniutinik nutaanik, suliatigut uatsinnut qaninnerulersitsisussanik aallarnisaalluta aallartilerpugut. Pikkorissunik sulisoqassagaanni sulianut tunngasut oqaluuserineqarsinnaasariaqartut upperaarput.

Alapernaannerulersimaguit:

Kommunip nittartagaani suliat allaaserineqarnerini suliatsinnut malittarisassat pillugit atuarsinnaavutit, aammattaaq allanik apeqqutissaqaruit attaveqarfiginissatsinnut tikilluaqqusaavutit.

Illiuguit eqqortunik naleqartitalik, sulilu misilittakkanik amigaateqarlutit tusarfiginissat aamma soqutigaarput. Atorfiup tulluarsarnissaanut periarfissaqarpoq, taamaalillutit suliassat ilaannik sulilerniassagavit inerisarfigalugillu.

Tusarfiginissat qilanaaraarput.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Atorfiniffissamut angalanissaq:

Atorfinitsinneqarnermilu, atorfeqarfissamut angalatinneqarnermut atasumik, pequtinik atorfeqarfissamut nutserinermi, atorfinittoq akiliunneqassaaq. Aammalu atorfimmiit tunuarnermi, angalanissamut/nutsernissamut akiliunneqarneq aatsaat pisinnaavoq, ukiuni pingasuni imaluunniit amerlanerusuni atorfeqareersimanerup kingorna.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisoq Nielsine Grønvold Petersen, oqarasuaat +299 36 63 77 imaluunniit e-mail: nigr@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 318-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: apriilip 23.-at, 2025

Atorfik una qinnuteqarfigiuk