Sermersuumi Inuussutissarsiornermut Immikkoortortaqarfik immikkut siunnersortimik pissarsiorpoq

Sermersuumi Inuussutissarsiornermut Immikkoortortaqarfik immikkut siunnersortimik pissarsiorpoq

Sermersuumi Inuussutissarsiornermut Immikkoortortaqarfik (Sermersooq Business) inuussutissarsiornermik sullerissumik angusaqarusussusilimmillu siunnersortimik imaluunniit immikkut siunnersortimik pissarsiorpoq – Ilinniagartooq imaluunniit imaani inuussutissarsiornermik misilittagalik.

Nuummi imarsiornermut tunngasunik suliassaqarfimmi pilersaarummilu aqutsinermi piujuartitsisumik ineriartortitsinermut tapersersueqataarusuppit??

Sermersuumi Inuussutissarsiornermut Immikkoortortaqarfik Imarsiornermut tunngasunik suliassaqarfimmik akisussaasussamik inuussutissarsiornermik siunnersortimik - immikkulluunniit siunnersortimik pissarsiorpoq, inuussutissarsiornermut pisortaq aamma Nuummi Imarsiorneq pillugu attaveqatigiit (Nuuk Maritime Network) peqatigalugit Nuummi imarsiornermut tunngasunik suliassaqarfimmik ineriartortitsinissamut sunneeqataasinnaasumik.

Nuummi Imarsiorneq pillugu attaveqatigiit 2021-mi maajip qaammataani pilersinneqarput, taakkulu Nuummi imarsiornermik inuussutissarsiortut assigiinngitsut suleqatigalugit naleqarluartunik suleqatigiinnernik pilersitsinissaq sulissutigaat, tassunga ilanngullugit atugassarititaasunik pitsanngorsaanerit, misissuinerit aamma piginnaasanik ineriartortitsineq.

Tamatuma saniatigut aningaasaqarnermut suliniutinillu aqutsinermut tunngasunik arlalinnik suliassaqassaaq.

Akisussaaffitit:

·Nuummi Imarsiorneq pillugu attaveqatigiit allatoqarfiattut atuulluni

·Imaani inuussutissarsiornerup, allanik suleqateqarnerup kiisalu illoqarfimmik ineriartortitsinerup pilersaarusiornerullu akornanni attaveqatigiinnernik ineriartortitsineq

·Kommunimi soqutigisaqaqatigiit assigiinngitsut akornanni takornariaqarnermi inuussutissarsiutinilu allani suliniutaasunik ineriartortitsineq aallarnisaanerlu.

·Takornariaqarnermi attaveqaatersuutit inerisarnerini peqataalluni

·Kommunimi aatsitassarsiorneq malinnaavigalugu

·Inatsisinut allannguutissatut siunnersuutit tusarniutigeqarnerini akissutinik isumaginninneq

·Suliassat takkussuuttut isumaginissaat

Piginnaasatit:

·Aaqqissuussaasumik misissueqqissaartarlunilu suleriaaseqarneq

·Ilisimatitsillaqqinneq

·Sulinermi namminersorsinnaaneq, angusaqarusussuseqarneq kiisalu piffissaliussanik malinnikkusussuseqarneq

·Oqaatsinut tunngatillugu piginnaasaqarluarneq

Inuttut ilisarnaatitit:

·Sullerissoq angusaqarusussusilillu

·Inuussutissarsiornermik ineriartortitsinissamut periarfissanik alapernaatsuuneq

·Ilisimasat periarfissanngortinneqarnissaannut pikkoriffeqarneq

·Siunersiueqatigiinneq nalinginnaasutut atortarpat

·Kisitsisilerillaqqinneq, kiisalu aaqqissuussaalluartumik misissueqqissaartarlunilu suleriaaseqarneq

·Misissueqqissaarnermik suliaqarneq misilittagaqarfigaat

·Ilaatigut inuussutissarsiornermut tunngasunik misilittagaqarputit, taamalu inuussutissarsiortut atugaannik ilisimasaqarluarlutit

Ilinniakkatigut tunuliaqut Naleqquttumik ingerlariaqqiffiusumik aningaasaqarnermut, inuiaqatigiilerinermut assigisaannilluunniit ilinniagaqarsimavutit

Neqeroorutigaagut:

·Suliffik namminersorfiusoq, inuussutissarsiornermut ineriartortitsinermik anguniagaqarlutit suliaqassaatit

·Suleqatit pikkorissut piginnaasaqarluartullu

·Suliatigut avatangiisit pissanganartut

Naatsorsuutigaarput:

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Inuussitissarsiornermut pisortaq, Mads-Daniel Skifte, oqarasuaat +299 36 73 72 imaluunniit e-mail: mdsk@sermersooq.gl

Pineqaatissinneqarsimannginnermut uppernarsaat:Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Qinnuteqaat:

Qinnuteqaat qulequtserlugu Atorfiup ilisarnaataa 327-25 -mik, ilinniagaqarsi

manermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: apriilip 24.-at, 2025

Atorfik una qinnuteqarfigiuk