Internetikkut paasissutissatigullu isumannaallisaanermut Immikkoortortaqarfimmi Pisortaq

Kalaallit Nunaata digitalimik ineriartornera periarfissarpassuarnik pilersitsivoq, kisianni aamma annertusisamik paasiuminaannerusumillu mianernartoqalersitsilluni. Tamanna pisortaqarfinnut kisiannili aamma suliffeqarfinnut, kattuffinnut innuttaasunullu annertuumik piumasaqaatersuusiivoq, tassa tamarmik isumannaallisaanerusariaqarmata isumannaallisaanerullu tungaatigut paasinninnertik annertusisariaqaramikku.

Internetikkut paasissutissatigullu isumannaallisaanermut immikkoortortaqarfimmi pisortatut aarlerinaatsinut assigiinngitsorpassuarnut qajannaallisaanissamut suliaqarnermi qitiusumik inissisimassaatit. Isumannaassutsip qaffassarnissaa aammalu pisortaqarfinni internetikkut paasissutissatigullu isumannaallisaaneq pillugu paasinninneq suliarisassannut pingaarnerpaassapput. Kattuffiit, suliffeqarfiit innuttaasullu nalinginnaasumik digitalikkut isumannaallisaanermik paasinninnerannut tunngasunik annertusaallutit aamma suliaqassaatit. Tassa illit suliassatit inuiaqatigiinni tamani patajaannerulersitsillutillu akiuussisinnaanerulersitsissapput.

Internetikkut paasissutissatigullu isumannaallisaanermut immikkoortortaq

Immikkoortortaqarfimmi pisortaq saniatigut immikkoortortami sisamat sulisussarititaapput. Immikkoortortaqarfik inerisarneqaleruttorpoq maannalu AC-fuldmægtigit marluk tunniussimasut atorfeqartinneqarlutik. Atorfiit inuttalerneqanngitsut marluupput, taakkunani ataaseq isumannaallisaanikkut officeri.

Kalaallit Nunaanni qitiusumillu allaffeqarfimmi internetikkut paasissutissatigullu isumannaallisaaneq qitiusumik allaffeqarfimmi immikkoortortaqarfiit, inuussutissarsiortut pisortaqarfiillu assigiinngitsut allat suleqatigiinneratigut taamaallaat qulakkeerneqarsinnaavoq. Taamaammat immikkoortortaqarfimmi attaveqatigiilluarneq suleqatigiilluarnerlu ukkatarineqarput. Internetikkut paasissutissatigullu isumannaallisaanermik suliaqarnissamut kajungernarsinniarlugu suleqatigiinneq tatiginninnermik, upperinassusermik isertuussinermillu tunngaveqassaaq.

Suliassatit:

• Immikkoortortaqarfik, aqutsisoqarfimmi pisortaq aammalu IT-lerisut pisortaat qanimut suleqatigalugit internetikkut paasissutissatigullu isumannaallisaanermik immikkoortortaqarfiup inerisarnissaa

• Siamasissumik isumannaallisaanermut tunngasunik, tigusisussanut assigiinngitsunut, ilitsersuinissamut atortussianik ikorfartuutinillu pilersitsinissamik qulakkeerinninneq

• Paasissutissatigut isumannaallisaanermut tunngasunik workshoppertitsineq, pikkorissartitsinerit ataatsimeeqatigiinnerillu ingerlannissaat.

• Internetikkut paasissutissatigullu isumannaallisaaneq pillugu tigusisussanut assigiinngitsunut qaammarsaanissamut tunngavissat ineriartortinnissaat

• Oqartussaqarfiit allat, pisiniartarfiit nunanilu tamalaani suliffeqarfiit, tassa immikkoortortaqarfiup avataani suleqatissat, ineriartortinnissaat

• Pisortat oqartussaaffiinut inuussutissarsiortunullu internetikkut paasissutissatigullu isumannaallisaaneq pillugu siunnersuisarneq

• Nammineq suliassaqarfimmut missingersuutinut akisussaaffeqarneq

• Internetikkut paasissutissatigullu isumannaallisaanermut tunngatillugu suliassat pisariaqartut suliassanngortullu suliarisarnissaat

• Suliassat imaannaanngitsuupput kisianni immikkoortortaq piginnaasalik, aqutsisooqatigiit tunniussimasut aammalu Digitaliseeriinermut Aqutsisoqarfik, arlalinnik pikkorissunik suleqatilik, nioqqutissiortunillu pitsaassutsikkut qaffasissumik ikiuisartunik siunersiuisartulik, ikorfartorumaarpaatit. Angusassat aaqqissuussallu ersarittut nuannarigukkit atorfik una ilinnut piukkunnarluinnarpoq.

Suliamut tunngatillugu piginnaasassatit

Piginnaasat ataani taakkartorneqartut arlallit pigissagitit takorloorparput:

• Aqutsinermik, inatsisilerinermik, inuiaqatigiinni pissutsinik tunngavilimmik sivisuumik ilinniaqqiffiusumik ilinniagaqarsimassasutit imaluunniit tassunga assingusunik piginnaasaqarlutit

• Internetikkut paasissutissatigullu isumannaallisaanermut tunngasunut ilisimasaqartutit, tamatumani awareness

• Mianerinartunik aqutsinermik misilittagaqassasutit, upalungaarsimanermik tunngasunik suliaqarnermik misilittagaqassasutit aamma/imaluunniit allannguinermik aqutsinermik misilittagaqassasutit.

• Teknikikkut unammilligassat paasisinnaassagitit aaqqissuussaanerlu eqqarsaatigalugu aaqqiissutissanik ikiuisinnaaassasutit

• Aaqqissuusaaneq pillugu ilisimasaqarluassaatit suliniutillu immikkoortortaqarfinnit assigiinngitsunit arlalinnit suliarineqartunit angusaqarsimassallutit

• Attaveqaqatigiillaqqissasutit suliassaqarfiillu paasiuminaatsut paasiuminartumik nassuiarsinnaassallugit

• IT-mut digitalinngortitsinermullu tunngasunut paasisimasaqarluarneq iluaqutaassaaq

• Ulluinnarni allanngorarfiusumik sulinissamik nuannarisaqassasutit, tassa ilaatigut suleriaatsinik misissuineq taakkuninngalu nassuiaaneq, isumannaallisaanermut tunngasunik immikkut pisoqarnermi suliaqarneq immikkoortortaqarfiullu iluani avataanilu saqqummiussinerit pineqarsinnaammata

Atorfimmut atatillugu ilisarititsisumik ilinniartitsisoqassaaq. Atorfinitsitsinermi piginnaasatit tunngavigalugit ilinniartitaaneq aaqqissuunneqassaaq.

Atorfeqarnissamut isumannaallisaanermi akuerineqarsimaneq piumasaqaataavoq

Isumannaallisaanermi akuerineqarsinnaanissaq atorfeqarnerullu nalaani taassuma attassinnaanissaa atorfinitsitaanermut piumasaqaataavoq.

Aqutsisutut piginnaasatit

Internetikkut paasissutissatigullu isumannaallisaanermut immikkoortortaqarfimmi pisortaq qitiusumik allaffeqarfimmut, inuussutissarsiortunut, danskit oqartussaqarfiinut nunanilu tamalaani oqartussaqarfinnut, suleqatiserineqartunullu annertuumik attaveqartassaaq, tamannalu peqatigalugu immikkoortortaqarfik paasiuminartunik ersarissunillu suleriaatsinik ineriartortinneqassalluni. Tamatumunnga pisortamik tunniussimasumik, iliuuseqarsinnaassuseqarluartumik, attaveqatigiillaqqissumik, sullissinermik kiinnerluartarnissamillu pingaartitsisumik pisariaqartitsisoqarpoq.

Tamatuma saniatigut pisortaq(-p) misilittagaqarluartoq(-tup) takorloorparput:

• allannguinermik aqutsinermik ilisimasaqassasoq, assigiinngisitaartumik aqutsisassasoq pisortatullu sulineq ataavartumik ineriartugassatut isiginnissasoq

• suliassanut tunniussimassasoq, aammalu suliamik suliaqarnermi isertuussisussaatitaaneq tunngaviusumik pisariaqartinneqartutut isigissagaa

• angusat pitsaasut sulisut ilorrisimaarneratigut unneqqarittumillu suleqatigiinnikkut anguneqartartut ilisimassagaa

• Internetikkut paasissutissatigullu isumannaallisaaneq ataavartumik pitsanngorsaanermut attuumassuteqartupiluuvoq, taamaammallu qaffasissumik suliaqarsinnaassuseq tunngavigalugu immikkoortortaqarfimmi pisortap pissutsit piusut saamasumik ajornartunngortitsinngitsumillu unammillersinnaasariaqarpai.

Uagut pilluta

Digitaliseeriinermut Aqutsisoqarfiup inuiaqatigiinnut kalaallinut aaqqiissutit isumannaatsut, assigiissakkat digitaliusullu sammiviliisuuffigai. Digitaliseeriinermut Aqutsisoqarfimmi Kalaallit Nunaata digitalinngornissaa, Kalaallit Nunaata qitiusumik allaffeqarfiani IT-mik ingerlatsineq aammalu internetikkut paasissutissatigullu isumannaallisaaneq suliarisarpagut. Aqutsisoqarfiup suliassatigut akisussaaffii annertupput taamatuttaarlu aqutsisoqarfiup piffissaq eqqorlugu tunniussisarnissaanut soqutiginninneq naatsorsuuteqarnerlu annertulluni. Kalaallit Nunaanni internetikkut paasissutissatigullu isumannaallisaanerup digitalinngorsarnissaata isumaginissaa tulluusimaarutigaarput, suliarlu maniguulluta suliaralugu. Tamanna suliaqarnikkut inuttullu piginnaasatsinnut piumasaqartitsivoq, taamaammallu ulluinnarni assigiinngitsorpassuarnik suliaqarluta ulapaartarpugut. Tamannalu pissutigalugu sulisut ilorrisimaarnissaat immikkut pingaartitaraarput, tamannalu suleqatigiilluarsinnaanikkut, sulinermi inuttullu assigiinngissutsinnut ataqqeqatigiinnikkut kiisalu suliassat illersorneqarluarsinnaasumik suliarineqarneratigut pisarluni.

Akissarsiat atorfeqartitaanermilu atugassarititaasut:

Atorfik akissaateqarfimmi LR 38-imi maanna inissisimavoq.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq. 

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk