PAASISSUTISSAT
Atorfiup suussusaa: Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik meeqqat atuarfianni ilinniartitsinermut inspektørissarsiorpoq
Suliffeqarfik: Naalakkersuisut
Qinnuteqarfissamut killigititaq: 23. apriili
Attavissaq: Trine Egede oqarasuaatikkut +299 559147-kkut immaqaluunniit mailikkut treg@nanoq.gl-ikkut immaqalluunniit sulianut aqutsisoq Dorthe Vestergaard oqarasuaatikkut +299 284590-ikkut immaqaluunnit mailikkut dove@nanoq.gl-ikkut
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmi matumuuna meeqqat atuarfiannut akisussaaffeqarsinnaasumik ilinniartitsinermi inspektøritut atorfik inuttassarsiuunneqarpoq. Atorfiniffissaq: 23.april 2025 imaluunniit isumaqatigiissuteqarnikkut.
Ilinniartitaanermut inspektørip meeqqat atuarfiani, atuarfinni namminersortuni, efterskolini højskolillu iluini, kiisalu immikkut ittumik atuartitsineq aamma immikkut ittumik atuarfiit, politikkikkut allaffissornikkullu suliassanik suliarinninneq pingaarnertut suliarissavai. Ilinniartitaanermut inspektøri aqutsisunik, suliffeqarfimmi suliffeqarfiit suliaqartut, kommunit siunnersortassavai aamma Ilinniartitaanermut Aqutsisoqarfimmik suleqateqarneq ilanngullugu. Ilinniartitaanermut inspektørip Ilinniartitaanermut Naalakkersuisoqarfimmi immikkoortortami pisortaq qaninnertut pisortarissavaa.
Inummik erseqqissumik, eqeersimaartumik ineriartornermillu soqutigisaqartumik, suliassaqarfinnik qulaani pineqartunut aqutsisut sulisullu allat qanimut suleqatigalugit aallartitsisinnaasumik ineriartortitsisinnaasumillu suliniutinik nangitsisinnaasoq kissaatigaarput. Ilinniartitaanermut inspektøri allaffissornerup, perorsaanerup politikkillu naapiffiini pissanganartorsiorfiusumi sulisinnaassaq aamma aalajangiisartut suliffeqarfiullu iluani avataanilu eqqarsaatigalugit sunik tamanik takunnissinnaassalluni.
Piginnaasat kissaatigineqartut:
Kalaallit Nunaanni ilinniartitaanermut aaqqissuussamik ilisimasaqarluartoq, tassunga ilanngullugit suliaqarfinni qulaani eqqaaneqartuni politikki inatsisillu.
Pisortat ingerlatsinerannik, ajornanngippat aqutsinermik, misilittagalik.
Ilinniartitsisutut aamma/imaluunniit inuiaqatigiilerinermik ilisimatusarsimasutut ilinniagalik imaluunnit tassunga allatut attuumassutilimmik ilinniagalik
Kalaallit Nunaanni meeqqat atuarfiat, kulturikkut inuiaqatigiinnilu pissutsinik ilisimasaqarluartoq.
Perorsaanerup ilinniartitsinerullu iluanni pissutsinik assigiinngitsunik nutaanik ilisimaarinnilluartoq.
Aaqqissuussaasumik suleriaasilik, akisussaassusilik, nutaaliorusussusilik aamma aaqqiissutissarsiorluartartoq.
Naatsorsueqqissaarnermi sakkunik atuinissaminik misilittagalik.
Atuarfimmi aqutsinermut pilersaarutinik ilisimasalik.
Suleqatigiinnik suleqateqallaqqissoq aamma namminersorluni, minnerunngitsumik piffissakilliornermi, sulilluarsinnaasoq.
Akisussaaffeqarfiit
Ilinniarnermut inspektørip, immikkoortortaqarfimmi aqutsisoq pisortaralugu, inatsisit atuutsinneqalernissai aamma nakkutigineqarnissaat taakkualu siunertaasa nakkutiginissaat akisussaaffigissavai.
Ilinniartitaanermut inspektøri Naalakkersuisoqarfiup Ilinniartitaanermullu Aqutsisoqarfiup iluini suliaqarfiit assigiinngitsut suliniutaannik aamma ineriartortitsinermik suliassanik suleqataasinnaassaaq, aammali suleqatigisartakkat allat suleqatigisinnaassallugit.
Akissarsiat aamma atorfeqarnermi atugassarititaasut:
Isumaqatigiissummi atugassarititaasut naapertorlugit atorfinitsitsisoqassaaq. Meeqqat atuarfianni ilinniartitsisunut "Naalakkersuisut aamma Ilinniartitsisut Meeqqat Atuarfianneersut Kattuffiata (IMAK) akornanni isumaqatigiissut". Qinnuteqartoq tjenestemanditut atorfeqareersimaguni Kalaallit Nunaanni pisortani tjenestemandit pillugit inatsisit malillugit tjenestemandinut atugassarititaasut naapertorlugit atorfinitsinneqarsinnaavoq.
Akissarsiat atorfeqarnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarneranut Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit pissapput.
Ineqarneq
Atorfimmut atatillugu sulisutut ineqarnissamut innersuussinertaqanngilaq. Qinnuteqartoq Namminersorlutik Oqartussani atorfeqarnini aqqutigalugu sulisutut ineqareeruni sulisutut inissiamik innersuussivigineqarnissamut pisinnaatitaaffik attatiinnarneqassaaq. Sulisutut inigisaq atorfeqarnermut tunngasuuvoq, atorfeqarunnaarnermilu qimanneqartussaassalluni.
Naalakkersuisoqarfik pillugu:
Naalakkersuisoqarfik Namminersorlutik Oqartussanut ilaavoq, taamaammat aaqqissuussaavoq politikkikkut aqutaq. Naalakkersuisoqarfiup immikkoortortat ataaniittut tamaasa kiffartuuttarpai, tassa ilinniarnermi suliaqarfiit, ineriartortitsineq inatsisiliornerlu. Ulluinnagut ulapaarfiupput allanngorarlutillu, piffissarlu ilaa ilinniartitaanerup iluani ineriartortitsinermut paasissutissanillu katersinermut tunniussuinermullu atortarparput.
Qinnuteqaatit nassiuguk, CV nutartigaq, ilanngussassallu allat attuumassutillit “qinnuteqaat nassiuguk” toorlugu nassiutikkit. Qinnuteqarnissamut piffissaliussaq tassaavoq ulloq 23. april 2025
Immikkoortortaqarfimmi aqutsisoq Trine Egede oqarasuaatikkut +299 559147-kkut immaqaluunniit mailikkut treg@nanoq.gl-ikkut immaqalluunniit sulianut aqutsisoq Dorthe Vestergaard oqarasuaatikkut +299 284590-ikkut immaqaluunnit mailikkut dove@nanoq.gl-ikkut attavigisinnaavatit atorfik pillugu sukumiinerusumik paasisaqarusukkuit tikilluaqqusaavutit.
Qinnuteqaat nassiuguk
