Tusassimi anguniagaqarusussusilimmik aningaasaqarnermut aqutsisussamik ujaarlerpugut
Fakta:
Atorfiup suussusaa: Finance controller
Suliffeqarfik:Tusass
Qinnuteqarfissamut killigititaq:
Attavissaq:Miki A. Heilmann attavigisinnaavat mailimut miki@tusass.gl.
Suliffeqarfimmi digitalikkut atortulersuutinik aningaasaliisartumi sanaartukkanillu pigisanik naleqarluartunik aqutsisumi aningaasaqarnermik aqutsinermut piginnaasaqarpit? Tusassi aningaasaqarnermut aqutsisumik ernereernermi sulinngiffeqartumut sinniisussamik ujaarlerpoq - suleqatigiilluartoqartillugu sivitsorneqarsinnaasumik.
Aningaasaqarnermut aqutsisutut ulluinnarni naatsorsuuserinermik ingerlatsineq isumagisassavat, suliffeqarfimmilu aningaasarpassuarnik kaaviaartitsiviusumi aningaasaqarnerup ingerlanneqarnera qulakkiissallugu. Suliffeqarfiup iluani kukkunersiuinermik suliassanik akisussaasuussaatit aningaasaqarnerullu malinnaavigineqarnerani suleqataasassallutit.
Tusassi niuerfippassuarnik sammisaqarpoq, tamatumanilu naatsorsuutinik eqqortunik tunniussinerni aammalu akisussaassuseqartumik aningaasaqarnermik qulakkeerinermi pingaarnertut inissisimassaatit.
Aningaasaqarnermi aqutsisutut akisussaaffigisassatit pingaarnerpaat tassaapput
- Ingerlatsinermik nangitsineq aamma nalunaarusiorneq
- Aningaasartuutissatut naatsorsuutinik suliaqarneq taakkulu nanginneri
- Qaammammut naatsorsuusiorneq
- Naatsorsuuserinermut pisortamut attaveqarneq nalunaaruteqartarnerlu
- Niueriaatsinut nassuiaatinik nangitsineq
- Sanaartukkani Suliniutinilu naligiissaarinerit
- Aningaasaqarnermi naligiissaarinerit
Sulianut tunngatillugu piginnaasat
- Qaffasinnerusumik Ilisimatusarnermi, sammivik Aningaasaqarnermut Isumalluutinillu Aqutsinermut assingusumilluunniit ilinniagaqarsimasoq
- Misissueqqissaarsinnaasoq niueriaatsimillu pisariitsumik pilersitsinermik ingerlatitseqqiinermillu pingaartitsisoq
- Suleqateqarluarsinnaasoq
- Digitalimik niuernermi suleriutsinik paasisimasaqarluartoq suleqatigiilluarnermillu pingaartitsisoq
Inuttut piginnaasat
- Siulliusinnaasoq, angusaqarusuttoq suleqatikkuminartorlu
- Aaqqissuulluakkamik suleriusilik
- IT-mik ERP-mik Excelimillu atuilluarsinnaasoq
- Naammassinnilluarsinnaasoq ingerlatsinermilu annertuumik siuariartortitsisinnaasoq
- Suleqatigisanut kiffartuussinermik ukkatarinnissinnaasoq
- Unammillernartut pillugit paasisaqarusussusilik - suliassani pioreersuni nutaanilu
- Suliassanut ajornakusoortunut pikkorissoq
- Softwarit nutaat/niuernermi isumassarsiat nutaat ilinniarnissaannut atornissaannullu piginnaasalik
Tusassip neqeroorutigaa
Ingerlatseqatigiiffimmi suliat tungaatigut piginnaasalimmi atorfik soqutiginartoq suliat tungaatigut inuttullu unammilligassaqarluartoq, ingerlatseqatigiiffiullu sinneranut attaveqarluartoq. Atorfimmi aqutsisut qanimut suleqatigisassavatit naatsorsuuserinermullu pisortamut akisussaasuussallutit. Pisortaq siunissami unammilligassat periarfissallu pillugit qanimut siunersiueqatigisassannik qulakkeerinnissaaq.
Atorfik Nuummi qullersaqarfimmiippoq.
Apeqqutissaqaruit, soqutiginnikkuit paasisaqarnerorusukkuillu naatsorsuuserinermut pisortaq Miki A. Heilmann attavigisinnaavat mailimut miki@tusass.gl.
Qinnuteqaatit oqaloqatiginninnerillu
Tusassip suliffissarsiortarfiatigut atorfimmut qinnuteqarsinnaavutit, qinnuteqaat CV-lu piaartumik nassiullugit. Sapinngisamik piaarnerpaamik atorfik inuttalerneqassaaq, inuttassarli eqqortoq soorunami utaqqissavarput.
Qinnuteqarit
