Vist Nuuk-mi AC fuldmægtigitut siunersortissatut qinnuteqarit
Nuummi takornariaqarnerup ineriartortinnissaanut peqataarusuppit? Taava Vist Nuuk-mi AC fuldmægtigitut siunersortissatut qinnuteqarit.
Visit Nuuk massakkut pissanganartumi inissisimavoq. Malugineqarsinnaavoq Nuummi neqeroorutaasinnasut soqutigineqarneri annertusiartortoq. Qilanaarutigaarpullu mittarfittaassap atulernissaa. Tassunga atatillugu suliassaqarpoq pingaartorujussuarmik, tamannalu suleqatit peqatigalugit suliarineqassaaq.
Nuummi takornariaqarnikkut siuarsaanermi periusissaq inerisaaqataaffigerusuppiuk taamaalilluni Nuuk nunatsinni takornariarferusunneqarnerpaanngortinnissaanik anguniaaqataallutit.
Sermersooq Business siunnersortimik ujaasivoq. Taassuma Visit Nuuk aamma avammut nittarsaassineq immikkut ukkataralugit takornariaqarnermik siuarsaaqataassaaq. Suliassat erhvervschef suleqatillu qanimut suleqatigalugit ingerlanneqassapput Kommuneqarfik Sermersuumut takornariaqarenikkut siuarsaaneq tunaartaralugu.
Suliassat assigiinngiiaartorujussuussapput sulilersussammullu naleqqussarneqassallutik.
Sulinermi soorlu makkua ilimagineqassapput;
·Takornarialerinermik sulimanissaq aamma ornitassatut piorsaanissamik paasisimasaqarnissaq sumiiffimmilu suliaqartut qanimut suleqatigalugit taamaalilluni sumiiffimmut iluaqutaasussanngorlugu
∙Suliniutit aallaavigalugit aallartinneraniit naammassinissaanut inerioartortinneri suliaralugit, suliniummullu aningaasartuutit malinnaavigalugit.
∙Pinngortitaq aallaavigalugu takornarialerineq soqutigisaralugulu misilittagaqarfigalugu taamaalilluni Nuummi eqqaa pisuttuarfissatut inerisarneqarnera ingerlateqqissinnaallugu inerisaqqillugulu. Tassaniipportaaq pisuttuarfiit pillugit paasissutissat ineriartortinneri avammullu nittarsaanneri.
∙Umiarsuit sinersortaatit ilisimasaqarfigalugit – piujuartitsineq aallaavigalugu suliniutinik inerisaanermi ingerlatsisinnaaneq taamaalilluni sumiiffinnut ataasiakkaanut iluaqutissanngorlugu
∙Takornariagassanik inerisaanermik misillittagaqarneq aamma/imaluunniit nutaanik sumiiffimmi takornarialerisut suleqatigalugit sæsoninngimik tallississutaasinnaasumik inerisaanissamik soqutiginnittoq
∙Konferencenik aaqqissuussinermik misilittagalik taamaalilluni Nuuk konferencerfissatut piujuartitsineq aalaavigalugu sumiiffimmi suliaqartut peqatigalugit inerisaasinnaasoq
∙Kangerlummi atortulersuutinik annikitsut sumiiffimmi takornarialerisut suleqatigalugit suliniutinik aqutsisuuneq
∙Sumiiffimmi najugaqartunut sammisaqartitsinernik inerisaaneq, pilersaarusiorneq ingerlatisinnaanerlu kiisalu Nuuk ornitassaqqissutut oqaluttuarisinnaasariaqarpoq.
∙Oqaatsinik marlunnik, kalaallisut qallunaatullu oqalussinnaaneq iluaqutaassaaq, kisianni piumasaqaataanngilaq. Tuluttut pitsaasumik oqalussinnaaneq piumasaqaataavoq.
Neqeroorutigivagut:
∙Sullivik pissanganartunik suliassaqartitsisoq, namminerlu akisussaaffeqartumik kiffaanngissuseqarfiusinnaasoq
∙Uani periarfissaqassaatit suleqatigiit ilagalugit Nuuk sunik periarfissaqarnersoq avammut oqaluttuarissallugu aamma illoqarfimmi najugaqartut peqatigalugit oqaluttuap pitsaasup oqaluttiuarinissaanut.
∙Sulinikkut inuttullu piginnaasanik ineriartortitsinissamut periarfissat pitsaasut
∙Isumassarsianik pivisunngortitsinissamut periarfissat pitsaalluartut
∙Sullivik nunap iluani nunilu allani attaveqarluartoq
Sulininni ilinnut naatsorsuutigaarput:
·Takornarialerisut sumiiffimmi najugaqartut kaammattorlugit, paasillugit kiisalu peqataatillugit inuussutissarsiutaannik inerisaaqatigalugit
·Ornitassap piujuartitsineq aallaavigalugu soqutigisaqaqatigiinnut assigiinngitsunut tunngatillugu ineriartortitsinermik anguniagaqarneq
·Kommunip immikkoortotaqarfii assigiinngitsut suleqatigisinnaanerit tassuunalu takornariaqarnermut takorluukkat pilersaarusiornermi tunaartaralugit
·Visit Organisationip ineriartornera akisussaaffigalugu, suliassani agguataaraluni soorlu suleqatinut imaluunniit siunersuisunut avataaneersunut
·Attaveqaqatigiinnerup tungaatigut piginnaasaqarlutillu misilittagaqassaatit
·Piffissaq atugassaritaasullu naapertorlugit suliniutit pilersaarusiorlugillu aqussinnaalugit
Illit piginnaasatit
Inuttut piginnaasatit makku naatsorsuutigaagut:
∙Tunniusimasoq kiisalu piumassusilik
∙Suleqatiginnissinnaallutillu suliassannut aallussilluartoq
∙Suliniutinut ataqatigiissumik, pissutsinik eqqarsaatersortartoq kiisalu nalilersuiitigaluni sulisinnaasoq
∙Periatsinut suleqatigisanullu tunngatillugu nutaaliorsinnaallutillu pilersaarusiorsinnaassaatit
∙Susoqarneranik malinnaallutit
∙Attaveqarfissanik ujartuillutit attavigeriikkatillu atorlugit
Atorfik pillugu:
Atorfik tamakkiisuuvoq (sapaatip akunneranut 40 tiimit), Nuummiillunilu. Visit Nuuk Kommuneqarfik Sermersuup Innuussutissarsiornermut immikkoortortaqarfiata ataaniippoq, tassanilu pisortarissavat Inuussutissarsiornermut pisortaq Mads-Daniel Skifte ulluinnarnilu sulianut atatillugu Destination Manager Sara Nissen saaffigisassavat.
Sermersooq Business pillugu:
Sermersooq Business Kommuneqarfik Sermersuumi inuussutissarsiornermut immikkoortortaavoq. Kommuneqarfik Sermersuumi inuussutissarsiuteqartunut namminersortunik amerlanernik suliffissaqartitsiniarnerup annertusarneratigut pilersitsinissamullu tapersersuineq aqqutigalugu atugassarititaasut pitsaanerulersinnissaat sulissutigaarput. Kommuneqarfik Sermersuup Inuussutissarsiornermut periusissiaa tunngavigalugu immikkoortortaq sulisarpoq, periusissiami takornariaqarnermi, imarsiornermik inuussutissarsiuteqarnermi, inuussutissanik tunngasuni aamma suliffissuaqarnermi pilersaarutinik ineriartortitsiffiusinnaasut pingaartinneqarput.
Naalagaaffiit Peqatigiit nunarsuaq tamakkerlugu piujuartitsinissaq tunngavigalugu ineriartortitsinissamut anguniagai 17-it sulissutigaavut. Tamanna periusissianik taakkuninngalu atuutsitsilernikkut kiisalu suliffeqarfinni, paaqqinniffinni innuttaasunullu sammisassaqartitsinikkut pissaaq. Sermersuumi Inuussutissarsiornermut Immikkoortortami Kommuneqarfik Sermersuumi ineriartornissamut, piujuartitsinissamut, nutaaliornissamut aallartisarnissamullu periarfissaqartitsivugut.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:Inuussutissarsiornermi pisortaq Mads-Daniel Skifte , oqarasuaat +299 36 73 72 imaluunniit e-mail: mdsk@sermersooq.gl
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.Atorfinititsineq qaammatini pingasuni misiliutitaqassaaq.
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Qinnuteqaat:
Qinnuteqaat qulequtserlugu Atorfiup ilisarnaataa 910-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk
Qinnuteqarnissamut killissarititaasoq: septembarip 24.-at, 2024