Ulluunerani neqeroorutinut Fagchefi
Avannaata Kommuniani Ulluunerani neqeroorutinut Fagchefi
Avannaata Kommuniani ulluunerani neqeroorutit pillugit ineriartortitseqataarusuppit, perorsaanermut siunnersortit marluk ulluuneranilu neqeroorutit pillugit aqutsisut qanimut suleqatigalugit?
Ulluunerani neqeroorutit pillugit aqutsinermik misilittagaqarpit ilinniaqqissimallutillu, aamma ulluunerani neqeroorutit pillugit aqutsisunut allaffissornermi perorsaanermilu akisussaaffiit pillugit isummersuisinnaavit kaammattuillutillu?
Taamaappat, taava Avannaata Kommuniani, Inerisaanermut Ingerlatsivimmi, Ulluunerani neqeroorutinut Fagchef-itut atorfik ilinnut neqeroorutigisinnaavaa.
Inerisaaneq pillugu ingerlatsivimmit makku ukkatarineqarput
- Kaammattuiffiusut, toqqissisimanartut ineriartorfiusullu ukkatarivagut
- Sulisorisatta nukittuffii piginnaasaallu ukkatarivagut
- Suleqatigiinneq, suliffimmi inuunerissaarneq naammassisaqarluartarnerlu ukkatarivagut
- Sulianut pitsaasunut akuersaarneq nersorinninnerlu ukkatarivagut
Atorfik pillugu
Avannaata Kommuniani ulluunerani neqeroorutit pillugit sulinerput inatsisinik nuna tamakkerlugu atuutsinneqartunik, kommunip meeqqat pillugit politikkianik aamma Ulluunerani neqeroorutit pillugit periusissiamik, immikkut sammisaqarfissanik suliniutissanillu allassimasortalimmik, tunngaveqarpoq.
Ulluunerani neqeroorutit pillugit suliaqarfimmi Fagchef-itut Inerisaaneq pillugu Ingerlatsivimmi sulisut allat suleqatigissavagit, tassani sullinneqarlutik inuit qinigaat, Ulluunerani neqeroorutit, atuarfiit, MISI Avannaa, Peqqinneq & Sunngiffik, kiisalu atuisut.
Atorfik Ilulissani inissisimasuuvoq.
Atorfimmi suliassat pingaarnerit makkuupput:
- Ingerlatsivimmi pisortamut Ulluunerani neqeroorutit pillugit attaveqaataaneq, siunnersortaaneq siunersioqatigisartagaanerlu
- Ulluunerani neqerooruteqarfimmi ingerlatsinermut, aningaasaqarnermut sulisoqarnermullu akisussaaffeqarneq
- Inissanik innersuussineq akigititanillu akiliisitsisarnerit pillugit pingaarnertut akisussaasuuneq
- Sulisut amerlassusissaat pisariaqartitsinerlu aallaavigalugit ukiumoortumik missingersuusiorneq
- Sinaakkusiorneq kisitsisinillu pingaarnernik ersarissaaneq
- Siunnerfiit pillugit periusissianik, ukkataqarfissanik suliniutissanillu suliaqarneq
- Inatsisinik, isumaqatigiissutinik suleriaatsinillu atuutsitsilerneq
- Politikkikkut aalajangersakkanik atuutsitsilerneq
- Ulluunerani neqerooruteqarfimmi allaffissornermi akisussaaffik perorsaanermillu nakkutiginninneq
- Atorfiit qanoq imaqarnerinik allaasserinninneq, najoqqutassat, ilitsersuutit immersugassallu suliarineri
- Avannaata Kommuniani ”Ulluunerani neqeroorutit pillugit mappersakkamik” ataavartumik nutarterineq
- Ulluunerani neqeroorutini sulisut ilinniaqqittarnissaannut pingaarnertut akisussaasuuneq
- Ulluunerani neqerooruteqarfiup iluani sulinermut atortut digitaliusut pillugit ataqatigiissaarineq
Illit pillutit naatsorsuutigivagut
- Perorsaasutut aammalu AD, Master imaluunniit Kandidatitut ilinniagaqartutit.
- Aqutsinermik ilisimasaqarlutillu misilittagaqarnissat
- Suliffeqarfimmik politikkikkut aqunneqartumik misilittagaqarnissat
- Aqutsinermi ilisimasatit Ulluunerani neqeroorutini aqutsinermi atorneqarsinnaasunngorlugit ingerlatsitseqqiisinnaanissat
- Nammineersinnaassuseqarlutit sulisinnaasutit suleqatiginninnissamullu piginnaaneqarluartutit
- Suliffiup iluani avammullu attaveqaqatiginninnissamik piginnaasaqarluartutit
- Pisut uippakajaarnartut piffissamillu sivikitsumik piffissaqartitaaneq sapersaatigissanngikkitit
- Ulluunerani neqerooruteqarfimmi siumut takunnissinnaallutillu nutaamik eqqarsarsinnaanissat
Ineqarneq
Atorfimmut atatillugu inissaqartitsisoqarsinnaavoq, qularnaveeqqutitut akiliutissaq akilissavat, ineqarnermut akiliut, atuineq il.il., Kalaallit Nunaanni Namminersorlutik Oqartussat kommunillu inissiaataanni ineqarnermut akiliuteqartarneq pillugu malittarisassat qaqugukkulluunniit atuuttut naapertorlugit. Atorfininnerup nalaani aalajangersimasumik ineqarfissamik piareersimasoqanngippat, sulisunut atorfimmut atatillugu inissaqartinneqartussanut utaqqiisaasumik ineqarnissaq neqeroorutigineqassaaq.
Pineqaatissinneqarsimannginnermut meeqqanillu pinerliisimannginnermut uppernarsaatit
Atorfininnermut atatillugu inatsisitigut piumasaqaataavoq, pineqaatissinneqarsimanermut meeqqanillu pinerliisimanermut uppernarsaammik pissarsiniarnissaq. Inatsit naapertorlugu atorfinitsinneqarneq aatsaat pisinnaavoq, kommuni pineqaatissinneqarsimaneq pillugu meeqqanillu pinerliisimanermut Rigspoliteqarfimmit uppernarsaammik naammaginartumik pissarsereerpat. Taakkku qinnuteqartumit akuerineqarlutik atsiorneqareerpata, sulisitsisup Rigspolitiinut taakku pissarsiariniassavai.
Akissarsiat atorfeqarnermilu atugassarititaasut
Atorfininnermi atugassarititaasut Naalakkersuisut peqatigiiffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.
Atorfinitsitassap aallartinnissaa kissaatigineqarpoq 1. april 2025 – imaluunniit sukumiineruusumik isumaqatigiissuteqarnikkut.
Paasissutissat annertunerusut
Atorfik pillugu paasissutissat amerlanerusut pissarsiarineqarsinnaapput Ulluunerani neqeroorutinut pisortamut Else Marie Ravnshøj Johansen-imut sianerluni tlf: +299 70 18 00 immaluunniit e-mailikkut: rie@avannaata.gl
Qinnuteqarneq
Qinnuteqaat ilinniarsimaneq suliffigisimasallu pillugit paasissutissartallit, ilanngullugit ilinniarsimanermut uppernarsaatit, cv il.il. Sulisoqarnermut immikkoortortaqarfimmit HR-mit tiguneqareersimassapput kingusinnerpaamik 14. februar 2025, uungalu nassiunneqassallutik Avannaata.gl/ledige-stilllinger
Qinnuteqarnissamut killissarititaasoq: februaarip 14.-at, 2025