Ullup affaanut atorfimmut allaffimmi ikiorti
Aqutsisut allattoqarfitsinnut allaffimmi ikiortimik ilinniarsimasumik piaarnerpaamik sulisussarsiorpugut.
Ulapippugut naalakkersuisoqarfimmilu ingerlatsinermik isumaginninnermi saniatigut assannik ikiortissatsinnik kissaateqarluta, soorlu allakkat tiguneqartut agguaanneri, allakkat nalunaarsorneri, ataatsimiinnernut piareersaaneq, assilinerinik poortuinernillu suliassat ikiortissatta ilaatigut suliarisassaasa ilagaat isumagineqartartussat.
Illit pillutit
Naalakkersuinikkut ingerlaatsit naalakkersuisoqarfiillu suliassaat pillugit paasisimannipputit
Ullormut suliassat assigiinngitsorpassuit isumaginissaannut sapinngilatit
Suleqataalluarsinnaavutit aalajaatsuullutillu
Tunniusimavutit, isumassarsiorsinnaallutik suliassanullu qiimallutit isumaginnissinnaallutit.
Uagut pilluta
Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoqarfimmi sulisut 35-t missaanniippugut, Aqutsisut Allattoqarfianni, Isumaginninnermut, Suliffeqarnermut, Nunamut Namminermut Immikkoortortaqarfinni kiisalu Nakkutilliinermik Ingerlatsivimmi agguataaqqalluta.
Atorfik manna Aqutsisut Allattoqarfianut atavoq. Aqutsisut Allattoqarfiat ulluinnarni ingerlatsinermik qularnaarisuuvoq, pisortaqatigiit naalakkersuisoqarfiullu sinnera ikiortarlugit, taamaalilluni naalakkersuisoqarfiup suliassai naalakkersuinikkullu sullissineq qulakkeerlugit. Aqutsisut Allattoqarfiat Suliffimmi isumannaallisaanermut suleqatigiinnermullu Ataatsimiititaliamut pisortaqatigiinnullu allattaavoq.
Qinnuteqarneq
Qinnuteqarnissamut piffissarititaq tassaavoq 25. oktober 2024.
Atorfininneq piaarnerpaamik aamma isumaqatigiissuteqarnikkut pisinnaavoq. Qinnuteqaatit ingerlaavartumik suliarineqassapput, kisianni piffissarititaq qaangiutsinnagu tiguneqariissallutik.
Paasissutissat allat
Atorfik pillugu paasissutissat allat pissarsiarineqarsinnaapput saaffiginnillutit uunga
Aqutsisut Allattoqarfiani allaffimmi pisortaq Marianne Petersen mail: isn@nanoq.gl. Oqarasuaat +299 345137.
Atorfik pillugu soqutiginnikkuit, qinnuigineqarputit naatsumik qinnuteqaqqullutit ilinniagaqarnermut uppernarsaatit CV-lu ilanngullugit nassiullugit. Ilinniit tusarnissarput qilanaaraarput!
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsi- taanermi soraarnermilu angalanissamut akiliunneqarnissamut pisattallu nassiun- neqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Inissaq
Atorfimmut atatillugu inissaqartitsisoqanngilaq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job