Ulloq Unnuarlu Inissitsiterinermullu immikkoortortaqarfik AC-Fuldmægtigissarsiorpoq
Ulloq Unnuarlu Inissitsiterinermullu immikkoortortaqarfik Isumaginninnermut Aqutsisoqarfimmi imikkoortortaqarfiuvoq.
Isumaginninnermut Aqutsisoqarfik Meeqqanut, Inuusuttunullu Naalakkersuisoqarfiup ataani aqutsisoqarfiuvoq arfineq-marlunnik makkuninnga immikkoortortalik: Paarisa, Ulloq Unnuarlu Inissitsiterinermullu immikkoortortaqarfik, Sullissisunut Siunnersuisarfik, Innuttaasunut immikkoortortaqarfik, Meeqqanik Inerisaanermut immikkoortortaqarfik, Aningaasaqarnermut immikkoortortaqarfik aamma Allattoqarfik. Immikkoortortat qanimut suleqatigiittarput Isumaginninnermut aqutsisoqarfik suliffeqarfiuvoq suliatigut unammillernartorpassuaqarsinnaasartoq
Namminersorlutik Oqartussanit pigineqartut ulloq unnuarlu neqeroorutit arfineq-marluk aamma ulloq unnuarlu paaqqinniffiit aqqanillit ingerlanneqarnerat Ulloq Unnuarlu Inissitsiterinermullu immikkoortortaqarfiup isumagisarai. Ulloq Unnuarlu Inissitsiterinermullu immikkoortortaqarfiup suliassaqarfigaa Kalaallit Nunaanni Ulluunerani neqerootinut aamma ulloq unnuarlu paaqqinniffinnut Namminersorlutik Oqartussat pigineqartut, aamma kommunit pigisaannut kiisalu ulloq unnuarlu paaqqinniffiit imminut pigisunut tamanut, qitiusumik innersuussisarfik aqqutigalugu innersuussisartoq.
Atorfik pillugu
AC-Fuldmægtigitut Ulloq Unnuarlu Inissitsiterinermullu immikkoortortaqarfimmi suleqatigiit tunniussimasut ilaattut sulilissaatit, sulinermi qitiutinneqartut tassaapput: sulinermilu isumassarsianik ineriartortitsineq, ataqatigiissaarineq, akuutitsineq atuutilersitsinerlu. Pingaarnertullu suliassarissavatit allattariarsornikkut suliassat, tassaallutik: immikkoortortamut tunngatillugu periutsiniit naqitanngortitsiterinerit kiisalu allattariarsorluni akissuteqaatit.
Pingaarnertut suliassat ulloq unnuarlu paaqqinniffinnut tunngasuupput, tassa inunnut innarluutilinnut tunngatillugu ulloq unnuarlu neqeroorutinut aamma meeqqanut inuusuttunullu ulloq unnuarlu paaqqinniffinnut tunngallutik.
Suliassatit ilaatigut makkussaapput:
Ulloq Unnuarlu Inissitsiterinermullu immikkoortortaqarfik sulinermut tapersersuutaaneq
Ilisimasanik katersineq ilisimatitsinerlu
Allattariarsorluni paasissutissanik suliaqarnerit, periutsinik allaaserinninnerit, allakkiornerit nalunaarusiornerillu
Ineriartortitsinikkut nutaanik suliniuteqarnerit
Malitseqartitsinerit naliliinerlu
Suliassaalersunik suliaqarneq
Illit piginnaasatit
Makkuninnga piginnaasalimmik suleqatissarsiorpugut:
Kandidatitut qaffasissusilimmik ingerlaqqiffiusumik ilinniagalik
Allattariarsornikkut ingerlatitseqqiinermut pikkorissoq
Qiimasoq unammilligassanullu pitsaasumik periuseqarluni suliniartartoq
Eqinnaatsoq suliassanillu naammassiniagassanik ujartuisartoq
Allattariarsornikkut oqaluttariarsornikkullu ersarissumik attaveqartarnermut pikkorissoq
Qarasaasiamik atuilluarsinnaasoq
Suliassaqarfinni assigiinngitsuni suliassani suleqatiginnillaqqissoq
Kalaallit Nunaanni suliassaqarfik pillugu aammattaaq kalaallit isumaginninnermut inatsisaanik ilisimasalik misilittagalillu
Angalasarnissamut piumassusilik
Ajornanngippat marluinnik danskisut kalaallisullu oqaasilik
Ilinnut makkuninnga neqerooruteqarsinnaavugut:
Immikkoortortaqarfik assut ineriartortoq suliffigilissavat.
Suleqatigiit tunniusimasut suliaminnut pikkorilluartut isumasioqatigisinnaasatillu suleqatigilissavatit
Suliffeqarfik ammasumik ingerlasoq kiffaanngissuseqarluni suliffigineqarsinnaasoq sulisullu iluarusullutik sulinissaannik pingaartitsisoq suliffigilissavat
Atorfik suliatigut inuttullu ineriartornissamut periarfissagissaartitsisoq
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Paasissutissat sukumiinerusut:
Atorfik pillugu sukumiinerusumik paasisaqarusukkuit Ulloq Unnuarlu Inissitsiterinermullu immikkoortortaqarfimmi Allaffimmi pisortaq Nivikka Witjes mailimut uunga allaffigisinnaavat: nivw@nanoq.gl
Qinnuteqarnissamut piffissaliussaq: oktoberip pingajuani 2024
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.