Ulloq naallugu atuarfik atuarfimmi pisortassassiorpoq
Ulloq naallugu atuarfik atorfimmut pilersinneqaqqammersumut tunniusimasumik takorluuisinnaassusilimmillu atuarfimmi pisortamik pissarsiorpoq. Atuarfimmi pisortaq meeqqanut inuusuttunullu immikkut suliniuteqarnermik pisariaqartitsisunut pitsaanerpaanik tunngavissiinissamut piumassusilimmik pissarsiorpugut. Ulloq naallugu atuarfimmi najoqqutassaq nutaaq 2025-mi aggustimi aallartissaaq, tassani naleqqussagaasumik peqataatitsiffiusumillu ilinniarfiusumik avatangiisimik neqerooruteqarnissaq siunertarineqassaaq, meeqqat tamarmik piginnaasaannik pisariaqartitaannillu ukkatarinniffiusumik. Atuarfik immikkoortortaqarfinnut (matrikelinut) marlunnut agguataagaassaaq, taakkunani aappaa meeqqanut autismeqartunut atuarnissamut neqeroorutaassaaq, matrikelillu aappaa massakkut Ulloq naallugu atuarfiusuussalluni, taanna piffissami matumani Nuussuup Atuarfianut atasuuvoq. Ulloq naallugu atuarfimmut najoqqutassamut nutaamut atuarfimmi pisortap atuarfiup immikkoortui marluusut kiisalu sunngiffimmi ornittakkat tassunga atassutillit pisortaaffigissavai.
Najoqqutassaq nutaaq:
Ulloq naallugu atuarfik meeqqanut immikkut atuartitsinermi neqeroorutigineqarsinnaanngitsunik immikkut suliniuteqarnermik pisariaqartitsisunut atuarfiuvoq. Atuarfimmi meeqqat inuusuttullu annertusisamik immikkut perorsaanermik suliniuteqarfigineqarnissamik pisariaqartitsisunut siunnerfilimmik tapersersuinissaq suliarineqarpoq. Ulloq naallugu atuarfik atuarfittut neqeroorutaavoq atuartut ataasiakkaat pisariaqartitaannut unammilligassaannullu naleqqussagaasoq aammattaaq peqataatitsilluta sulivugut meeqqat tamarmik ilikkarfiusumik ataatsimoornermut qanilaartumut peqataanissaaq qulakkeerniarlugu. Ataasiakkaanut tamakkiisumillu isiginnittumik suleriuseqarnikkut atuartut ilikkartarnerat nalerisimanerallu qaffassarnissaat anguniagaraarput.
Akisussaaffitit:
·Atuarfiup perorsaanermi allaffissornermilu sulisuinik aqutsineq ineriartortitsinerlu
·Qaffasissumik pitsaassusilimmik atuartitsinermik peqataatitsisumillu atuarfimmi kultureqarnermik qulakkeerinninneq
·Atuartunut pitsaanerpaamik atugassaqartitsinissamut angajoqqaanik, suliaqartunik avataaniillu suleqatigisartakkanik suleqateqarneq
·Naleqartitagut takorluukkagullu naapertorlugit atuarfiup periusissiaanik anguniagaanillu ineriartortitsineq atuutsitsilernerlu
Atuarfimmi pisortamik pissarsiorpugut:
·Ilinniagaqarnikkut naleqquttumik tunuliaqutalimmik aamma immikkut perorsaanermut tunngasunik misilittagalimmik
·Aqutsisoq nukittooq attaveqateqallaqqissoq suleqateqarluarsinnaasorlu
·Takorluuisinnaalluni periusilik atuartunut sulisunullu isumassarsiorfiusinnaasoq kajumissaasinnaasorlu
·Atuartunut tamanut toqqissisimasumik ineriartorfiusumillu ilikkarfiusumik avatangiisimik pilersitsinissamut tunniusimasoq
·Perorsaanermik, allaffissornermi suliassanik sulisunillu aqutsinermik misilittagalik soqutigisalillu
·Sermersuup atuarfiini assigiinngitsunik suleqateqarnissamut takunnissinnaasoq, suliassanik aaqqiisinnaasoq aamma ineriartortitsisinnaasoq, ilaatigullu atuarfiup atualersimanngitsunullu immikkoortortaqarfiup akornini suleqatigiinnerup ineriartortinnissaa
·Ajornanngippat marluinnik oqaasilik - kalaallisut/danskisut. Aamma tuluttut oqaatsit sapinngikkaanni iluaqutaassaaq
Neqeroorutigaavut:
·Atuarfimmi nukittuumik ataatsimoorfiusumi tunniusimasunillu sulisulimmi atorfik pissanganartoq unammillernartorlu
·Meeqqanut inuusuttunullu immikkut pisariaqartitsisunut allannguinissamut periarfissaqarneq
·Atuarfimmik nutaamik ineriartortitsinermi sunniuteqarsinnaanermut periarfissaqarneq
·Suliatigut inuttullu ineriartornissamut periarfissat pitsaasut
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchef Riikki Grønvold, oqarasuaat +299 36 73 03 imaluunniit e-mail: rigr@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 49-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: februaarip 5.-at, 2025