Timimik Sungiusaasumik meeqqanut tunngasuni pissarsiorneq
Pillorissaasut timimillu sungiusaasut suleqatigiit timimik sungiusaasumik meeqqanut tunngasuni 1.12.24-mi tamatumaluunniit kingorna piaartumik atorfinittussamik pissarsiorput
Kommuneqarfik Sermersooq Suliffeqarnermut Isumaginninnermullu Ingerlatsivimmi timimik sungiusaasumik pikkorissumik kajumissuseqarluartumillu atorfinittussamik pissarsiorpoq 01.12.24 kinguninngualuunniit piaartumik atorfinittussamik.
Suleqatigiiuvugut pillorissaasunik qulinik, timimik sungiusaasut tallimat ilanngullugit, pillorissaasut sisamat kiisalu sungiusaasuni pisortamik sulisullit.
Pillorissaasoq suleqatigalugu meeqqanut tunngasunik suliaqassaatit. Pillorissaasut aamma timimik sungiusaasut suleqatigiit pingaarnertut sisamanut agguagaapput aamma immikkut ittumik suliaqarfimmik ataatsimik peqarpoq: Meeqqanut suliassaqarfik, Inersimasunut suliassaqarfik, Piginnaanngorsaqqiinermut aamma Innarluutilinnut suliassaqarfik & tarnimikkut innarluutilinnut suliassaqarfik inuunerissaarnerulernissamut teknologiimik atortorissaarutinut tunngasunik immikkut ittumik akisussaaffilik.
Atorfik ullormut suliffiusussaq tamaat suliffiuvoq (nal. ak. 40-t) Nuummilu ataatsimut allaffeqarluni, ullut tassanngaaniit aallartittassaaq. Kommunimi illoqarfinnut nunaqarfinnullu allanut angalasoqartassaaq.
Pillorissaasut aamma timimik sungiusaasut suleqatigiit innuttaasut qanorluunniit ukioqaraluit timikkut, eqqarsartaatsikkut, malugissutsikkut aamma/imaluunniit tarnikkut ulluinnarni unammillernartitaminnik namminersorsinnaanerulernissaannut suleqataapput. Taamaaliortarpugut ilaatigut piginnaanernik ulluinnarsiutaasunik siunertaqarluartunik sammisaqartitsinerit aqqutigalugit.Piginnaanernik attassiinnartitsinermik sungiusarneq, ataasiakkaarinikkut holdikkaartumilluunniit. Innuttaasut inuunerminni nammineersinnaanerunissamut, orniguteriaannaalernissamut peqataalluarsinnaalernissamullu ikiuutinik mikisunik angisuunillu tunineqarnissaannut nalilersuineq, atukkiineq tunniussinerlu.
Ineriartornermik ingerlatsinermik aallartitseqqammerpugut, pingaarnertullu suliatsinnik ineriartortitsinitsinni suliatigut piginnaasat, assigiinngissuseq, ataatsimoornerlu ilisarnaataapput. Innuttaasut nammineersinnaanerulernissaannik pitsaanerusumillu inuuneqalernissaannik tapersersornerat. Suliaqarfiit assigiinngitsut qanimut suleqatigalugit illit Kommuneqarfik Sermersuumi meeqqanut tunngasut iluanni ineriartortitseqataarusuppit, taava illiuvoq uagut ujagarput.
Timimik sungiusaasup suliassai:
·Meeqqat timikkut aamma/imaluunniit eqqarsartaatsikkut innarluutillit nukiminnik atuisinnaanissaannut sapinngisamillu eqeersimaartumik inuuneqarsinnaalernissaannut peqataatitsineq
·Pillorissaasoq suleqatit allat peqatigalugit meeqqat/inuusuttuaqqallu assigiinngitsorpassuarnik nappaateqartut, sungiusarneqartarnissaannik misissuinerit, pilersaarusiornerit isumaginninnerillu. Meeqqat CP aamma autismemik nappaateqarsinnaapput
·Meeqqap ineriartornera pillugu angajoqqaanik ikorfartortinillu ilitsersuineq
·Pillorissaasoq, angajoqqaat ikorfartortillu qanimut suleqatiginerat
·Sullitanut nalilersuinerit, suliassanik suliarinninnerit iluaqusersuutinillu atukkiisarnerit
·Suliassat immikkoortumi pineqartumi suliassat allattorsimaffiat naapertorlugu ingerlanneqartarput, taakkulu Kalaallit Nunaanni inatsisit naapertorlugit ilusiligaapput
·Pillorissaasut aamma timimik sungiusaasut suleqatigiit kommunimi innuttaasunutiluaqusersuutit sungiusaanerillu pillugit suliaanni allanik peqataaqataassaatit
Pisariaqartitarput tassaavoq
·Timimik sungiusaasoq ilinniarsimasoq
·Ajornanngippat, innarluutilinnik meeqqanillu sullissinermik misilittagalik
·Isumassarsiassaaleqinngitsoq, iliuuseqarusussusilik suliassaqarfimminillu ilisimasaqarluartoq
·Namminersorsinnaassusilik suliassanillu pingaarnersiuisinnaassusilik
·Ulapaarfimmi tamakkiisumik takunnissinnaassuseqarlunilu attassiinnarsinnaassusilik
·Sungiussiasoq aamma allanngueriaannaassusilik
·Immikkoortut akunneranni suleqatigiittarnernik misilittagalik
·Marluinnik kalaallisut/danskisullu oqaaseqarnissat iluaqutaassaqaaq kisianni piumasaqaataanngilaq
Neqeroorutigisinnaavarput:
·Suliassanik ilisaritsitsineq pitsaasoq
·Suliffeqarfik pissanganartoq illit annertuumik sunniuteqarfigisinnaasat
·Pillorissaasut aamma timimik sungiusaasut suleqatigiinni ingerlalluartuni sulianut tunngasunik siunnersueqatigiilluartarneq
·Suliassat assigiinngiiaartut pissanganartullu
·Suleqatit pikkorissut piumassusillillu
Suliatigut piginnaasat, assigiinngissuseq, ataatsimoornerlu suleriaatsimik siunissaq ungasinnerusoq eqqarsaatigalugu kivitsinissamut pingaaruteqarsoraagut. Taamaattumik suliniutinik nutaanik, suliatigut uatsinnut qaninnerulersitsisussanik aallarnisaalluta aallartilluareerpugut. Kukkussutitta oqaluuserinerisigut ilinniutiginerisigullu ataatsimut pikkorinnerulersinnaanerput upperaarput.
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq Heidi Paneeraq Møller, oqarasuaat +299 36 73 68 imaluunniit +299 27 49 85 imaluunniit e-mail: hepm@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 974-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: oktobarip 10.-at, 2024