Tasiilami Meeqqanut Ilaqutariinnullu Ingerlatsivik eqqiaasumik pissarsiorpoq
Kommuneqarfik Sermersooq pikkorissumik tunniusimasumillu eqqiaasumik Tasiilami Meeqqanut Ilaqutariinnullu Ingerlatsivimmut pissarsiorpoq, piaartumik isumaqatigiissuteqarneq malillugu sulilersussamik.
Tasiilami Meeqqanut Ilaqutariinnullu Ingerlatsivimmi meeqqat ilaqutariillu oqartussaasunik sullinneqarnerannik ingerlatsisarput, tamatuma saniatigut aamma meeqqat ilaqutariillu immikkut sullinneqarnissamik pisariaqartitsisinnaasut sullissiviit Meeqqanut Ilaqutariinnullu Sullissivik, Siusissukkut ikiorsiinermik sullissivik, inuusuttuaqqanut siunnersortit aammalu Ilaqutariinnut paarsisartunut sullissisut sulisuupput.
Atorfik ulloq naallugu atorfiuvoq, MI Tasiilami fagchef qaninnertut qullersaralugu.
Atorfiup imarisaa:
Pisortat suliffeqarfiini eqqiaanermik misilittangalimmik, suliffeqarfitsinni peqataalluarsinnaasumik ataanilu makkunannga suliaqarluarsinnaasumik pissarsiorpugut:
- MI Tasiilami allaffeqarfiit sullissiviillu eqqiluitsinneqarnissaannut eqqiaanikkut suliassat tamaasa.
- Aqutsisumik eqqiaanikkut suliakkiutigineqarsinnaasut allat – soorlu ineqarfiutini piareersimaffigineqassapput
- Sullissinerup iluani annikitsunik suliakkerneqarsinnaaneq ammaffigineqassaaq, soorlu angajoqqaat oqaloqatigineqarneranni meeqqanik nakkutiginninneq.
- Ad hoc – suliassat allat pisortap suliakkiineratigut
Qinnuteqartunut naatsorsuutigisat:
- Pisortat suliffeqarfiini eqqiaanermik misilittagalik
- Suliassaqarfimmut soqutiginnittoq
- Suliffissami piffissarititaasunik ataqqinnittoq
Pingaartipparputtaaq:
- Aalajaatsoq, pitsaassutsimik pingaartitsisoq immikkuualuttullu ilanngullugit maluttarissoq
- Uippakajaarani arlariinnik suliaqarsinnaasoq
- Nammineerluni sulisinnaasoq, akisussaassuseqartoq sullissiumatoorlu
- Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.
- Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq
Neqoroorutigaavut:
Suliffiksoqutiginarluartoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasuunissaa.
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchefi Gerda Fleischer, oqarasuaat +299 36 72 79 imaluunniit e-mail: gfle@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 1163-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: novembarip 29.-at, 2024