Sullivimmi avatangiisit pillugit ukiuni marlunni pilersaarusiornermi suliaqartussamik
Kommuneqarfik Sermersuumi sullivimmi avatangiisinik ineriartortitseqataarusuppit? Qallunaatut kalaallisullu oqaaseqartuuit, sullivimmi avatangiisinut tunngasunik suliaqarnermi ilinniartitsinermilu misilittagaqarpit? Taava pilersaarusiortutut atorfiit uku arlaat ilinnut piukkunnarput!
Atorfik pillugu:
Pilersaarusiornermi suliaqartussanik marlunnik tunniusimasunik ukiuni marlunni pilersaarusiornermi suliaqartussanik pissarsiorpugut. Pilersaarusiornermi ilaatigut qitiutinneqassapput soorlu napparsimalluni sulinngitsoortarneq aammalu sullivimmi avatangiisit pillugit periaasissamik nutaamik atuutilersitsinissaq taavalu kommunimi suleqatigiinneq.
Periaaseq nutaaq pillugu paasissutissiinermi illit pingaarnertut atuuffeqassaatit, aqutsisunik sulisunillu kaammattuissaatit aammalu sulinermi atukkat pitsanngorsaaffiginissaannut ikiuutissaatit.
Aamma suliassat qanimut ingerlatsinermut tunngasut assigiinngitsut suliassavit ilagissavaat, sulisunit saaffiginnissutit tunngavigalugit.
Suliffiit kommuneqarfiup allaffiani Pisortaqatigiit allatseqarfianni inissisimassaaq, tassaniippullu sulisut 15-it missaanniittut, taakkunannga ataaseq sullivimmi avatangiisinut tunngasunik sulialik.
Suliassatit pingaarnerit tassaapput:
∙Periaatsip nutaap ilisimaneqalernissaa siammartissavat aamma kommune akimorlugu oqaloqatigiinnertalimmik ataatsimiititsinerit ingerlattassallugit.
∙Aqutsisut sulisullu sullivimmi avatangiisit pillugit suliassaannik pingaarnernik ilinniartillugit ilitsersuullugillu.
∙Paasissutissiisarnermut ilinniartitsinermullu atortutineriartortillugit
∙Suleqatinik assigiinngitsunik suleqateqarneq aammalu suliassap naammassinissaanut tunngasunik isumatusaartumik suliaqartarneq.
∙Sullivimmi avatangiisit nalerisimassuserlu qanoq pingaaruteqartigineri pillugit paasititsinissaq qulakkiissavat.
Illit makkunannga piginnaasaqartutit atorfinitsikkusuppatsigit:
∙Sulisut aammalu suleqativit paasitilluarnissaat akuersaarnissaallu piginnaaneqarfigaatit
∙Marlunnik oqaaseqartuuvutit aammalu qallunaatut kalaallisullu tamakkiisumik paasinartumik oqalussinnaallutillu allassinnaasoq
∙Sullivimmi avatangiisinut tunngasunik suliaqarnermi ilinniartitsinermilu misilittagalik
∙Aaqqissuussaasumik aammalu pilersaarusiornermut tunngasunik sulinermi suliaqarsinnaasoq
∙Pilersaarutip ilaattut kommunimi angalanissaq kajumiffigissavat
∙Qiimasoq aammalu atuuffimmi eqqarsaatinik saqqummiussinissamik tunuarsimaanngitsoq
Neqeroorutigaagut
∙Suliffeqarfik suliassatigut annertuumik assigiinngisitaarfiusoq aammalu sulisunut aqutsisunullu qanimut attaveqarfiusoq
∙Suliffigiligassat pillugu ilitsersuussilluarneq
∙Suliatigut ineriartorneq ataatsimoorluta ilikkagaqarfigisassarput aammalu inuttut ineriartorneq suliffeqarfiit kulturillu assigiinngitsut naapittarnerisigut
∙Sullivimmi avatangiisinut ineriartorfiusut uummarissumillu ingerlaffiusut, illit isumassarsiatit pilersaarummullu immersuutigisatit pilersaarutip iluatsilluarnissaanut pingaaruteqartut ilagissallugit
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisoq Maritha Eugenius, oqarasuaat +299 36 70 14 imaluunniit e-mail: maeu@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 1231-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: decembarip 20.-at, 2024