Sulisut piginnaasaannik ineriartortitsinermi immikkoortortaqarfik periusissiornermik suliaqarsinnaasussamik ineriartortitsinermi siunnersortissamik pissarsiorpoq
Sulisut piginnaasaannik ineriartortitsinermik immikkoortortaqarfik Naalakkersuisut Siulittaasorqarfiata ataani inissisimavoq, sulisullu piginnaasaannik ineriartortitsisuulluni.
Immikkoortoqarfiup sulinermi suliaasa pingaanerit ilagaat sulisoqarnermut tunngasunik ineriartortitsineq, attavigeqatigiinneq, inuit suleqatigiinnermi inissisimanerat, suliffimmi avataangiisit, Sulisut Tunngavissiaat aamma Aqutsisullu Tunngavissiaat atuutilernerik ataavartumillu ingerlanneqarnerinik aammalu suliffiup sulisoqarnermut politikkiinik periusissiaanillu suliaqarneq. Taakkulu suliaqarfiit aalluappavut Namminersorluni Oqartussani sulinermi atugassarititaasut pitsaasuunissaat anguniarlugit.
- Illit suliassaqarfitit ukuussapput:
- Sulisoqarnermi periusissiat ineriartortinnissaat atuutsilernissaallu
- Sulisoqarnermi najoqqutassiat inerisarneri
- Sulisoqarneq pillugu suliat nittarsaanneri
- Suliat sulisoqarnermut tunngasut pitsaassunaannik qulakkeerinninneq
- Sulisoqarneq aammalu aaqqissuussaaneq pillugu aqutsisunik ikorfartuineq
- Immikkoortortaqarfiit ulloqartinnerinik sinaakkusiorneq: pilersaarusiorneq ingerlatsinerlu
- Sulisoqarneq pillugu ingerlatseriaasinullu tunngasunik nalilersuineq. Misissuineq nalilersuineq
Illit piginnaasatit
Kissaatigaarput illit ilinniarsimanikkut misilittakkatigullu sulisoqarnermut periusissiorneq piginnaaneqarfigissagit, taamatullu sulisoqarnermut aaqqissuussaanermullu ineriartortitsinermik ilisimaqarnissat, soorlu sulisut ataavarnissaat pillugu misilittagaqarsimassasutit. Oqaluttariarsornikkut allattariarsornikkullu aammalu tulleriiiaarinermik suliaqarnermik piginnaasaqarluartutit. Siumullu aamma pilersaarusiorneq aamma pikkoriffigigit, soorlu aamma IT-mik suliaqarnermut.
Naatsorsuutigaarput Kalaallit Nunaanni piorsarsimassuseq ilisimasaqarfigilluarit, taamatullu kalaallisut qallunaatullu piginnaasaqartutit. Namm. Oqartussat Qitiusumik Allaffeqarfiani sulisimaneq aamma iluaqutaassaaq.
Sulisut Piginnaasaannik Ineriartortitsinermi periusissiornermik suliaqartussatut sulissagaanni piginnaaneqarfigisariaqarput siumut pilersaarusiorsinnaaneq periusissiorsinnaanerlu minnerunngitsumillu suleqatigiuminartuuneq aammalu sulisoqarnermik tunngasunik ilisimasaqarnermik.
Atorfininnissaq
Sulisut piginnaasaannik Inerisaanermut Immikkoortortaqarfiup kissaatigaa atorfinitsitsinissaq februarip aallaqqaataani 2025-imi pissasoq imaluunniit isumaqatigiissuteqarnikkut pisinnaasoq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job