Sulisoqarnermut Inatsisilerinermullu allaffik ernisimalluni sulinngiffeqartumut paarlattaasussamik sulisoqarnermut siunnersortissarsiorpoq
Suliffeqarfimmi pissanganartumi suleqatigiinnut ilanngukkusussinnaavit, tassani siunertarigatsigu Kalaallit Nunaanni Namminersorlutik Oqartussanut sulisunik aqutsinermi pitsaalluinnartumik tunniussaqarnitsigut Kalaallit Nunaanni ineriartortitsinermut nukissaqalersitsinissarput? Piffissami killilimmi 2025-mut aasaq tikillugu sivisussuseqartussamik atorfinittussamik pissarsiorpugut.
Kalaallit Nunaanni Namminersorlutik Oqartussat Qitiusumik Allaffeqarfiat suliffeqarfiuvoq pissanganartoq assigiinngitsunillu suliaqarfiusoq, tassaniipput naalakkersuisoqarfiit aqutsisoqarfiillu arlallit tamarmik immikkut aalajangersimasunik suliaqarfiusut.
Sulisoqarnermut Inatsisilerinermullu allaffik Aningaasaqarnermut Naalakkersuisoqarfimmi Aningaasaqarnermut Sulisoqarnermullu Aqutsisoqarfimmi inissisimavoq.
Namminersorlutik Oqartussani immikkoortortaqarfiillu taassuma ataaniittut taamatullu peqqinnissaqarfinni atorfinittut, soraartullu ilaatigut suliarisarpagut. Taakku saniatigut isumaqatigiissutit pillugit pisortat siunnersorlugillu ilitsersortarpavut kiisalu Namminersorlutik Oqartussani sulisunut allakkiortarluta.
Sulisoqarnermut Inatsisilerinermullu allaffik qulinik sulisoqarnermut siunnersuisoqarpoq sisamanillu sulisoqarnermut inatsisileritooqarluni taakkulu Sulisoqarnermut Inatsisilerinermullu allaffimmi pisortaqarput.
Suliassatit pingaarnerit
Sulisunut siunnersortitut atorfik Kalaallit Nunaanni Namminersorlutik Oqartussat Qitiusumik Allaffeqarfianik kiisalu taakkua ataanni immikkoortortaqarfinnik sullissisunut sulisunut siunnersortinut suleqatigiinnut ilaassaaq.
Sulisup pingaarnertut suliassaqarfia apeqqutaatinnagu suliassat pingaarnerit tassaapput:
- Atorfinitsitsinermut tunngatillugu sulisoqarnermut suliassanik tunngassutilinnik suliaqartarneq soorlu pingaartumik atorfinitsitsinermut isumaqatigiissutinik allakkianillu assigiinngitsunik suliaqartarneq
- Isumaqatigiissutit nassuiarneri
- Akissarsianik, tapinik soraarnernillu allattuinerit
- Tjenestemandit soraarnerussutisiassaannut tunngasunik suliarinnittarneq
- Tjenestemandinut tunngatillugu inatsiseqartitsinermut aamma atorfeqartitsinermi inatsisinut tunngasuni malittarisassanut allanut tunngasunik siunnersuisarneq nassuiaassisarnerlu
Tamakkua saniatigut suliarisinnaavatit ilitsersuusiorneq, immersuiffissaliorneq atortunillu tamanut saqqummiussineq kiisalu Namminersorlutik Oqartussani suliaqarfiit assigiinngitsut suliassanik isumaginninneq. Soqutiginnittoqarpat, suleriaatsinik ingerlaarnerillu pillugit pitsanngorsaaneq qitiusumik sulissutiginissaanut periarfissaqarpoq.
Suleqatissarsiorpugut:
- Bacheloritut, professionsbacheloritut imaluunniit allaffimmiutut ilinniagalimmik
- Allattariarsornikkut oqaatsitigullu pitsaasumik kalaallisut danskisullu attaveqaqateqarsinnaassuseqartumik
- Assingusumik atorfeqarnermit misilittakkat
- Sullisserusussuseqartoq, ammasuusoq inutsialaalluartorlu
- Aaqqissuussaasumik suleriaaseqartoq, nammineerluni suliaqarsinnaasoq aamma ulapaarfiugaluartuniluunniit piffissaliussanik malinnissinnaasoq
- Suleqatiginnillaqqissoq, isumasioqatigiuminartoq aamma suleqatinnut ilisimasanik avitseqateqarsinnaasoq
- Iluaqutaassaaq kisitsisinik paasinnillaqqissuussaguit inatsiseqartitsinikkut/ aningaasaqarnikkut naliliisaarlutit misissuisinnaassuseqarluarlutit
- Inuiaat kalaallit, kulturi aamma kalaallit oqaasiinik ilisimasaqaruit iluaqutaassaaq
- Mianersorluni silatusaartoq, sullissillaqqillutit inussiarnersuullutillu
Suliffeqarfittut neqeroorutigisinnaavagut suliffik sulisunik pimoorussisunik sulisulik aamma qanimut attaveqaqatigiiffiusoq, suliatigut isumasioqatigiiffiusartoq immikkoortortaqarfimmilu pisortaanernut qanimut oqaloqatigiiffiusartoq kiisalu inuttut ilinniakkatigullu ineriartorfissaqartoq.
Qinnuteqartoq eqqortunik uppernarsarneqarsinnaasunik piginnaaneqartoq, immikkut siunnersortitut imaluunniit siunnersortit pisortaattut/siunnersortaanertut atorfinitsinneqarsinnaavoq.
Paasissutissat allat
Atorfik pillugu sukumiinerusumik paasisaqarusukkuit allaffimmi pisortaq Barbara S. Østergaard attaviginissaannut tikilluaqqusaavutit mailia aana: baso@nanoq.gl imaluunniit oqa. nr. +299 34 64 41.
Qinnuteqarnissamut killiliussaq ulloq 22. oktober 2024.
Ulloq atorfiniffissaq tassaavoq 1. december 2024 isumaqatigiissuteqarnikkulluunniit.
Aningaasaqarnermut Sulisoqarnermullu Aqutsisoqarfik pillugu Aningaasaqarnermut Sulisoqarnermullu Aqutsisoqarfik, ulluinnarni ASA-mik taagorneqartoq, Kalaallit Nunaanni Namminersorlutik Oqartussat ataatsimoorussamik kiffartuussinermut sullissivigaat. ASA-p ilaatigut akisussaaffigai Namminersorlutik Oqartussat naatsorsuutaat, Qitiusumik Pisiortortarnermut Immikkoortortaqarfik, isumaqatigiissutinut tunngasut, akissarsianik sulisunillu sullissisarneq, sulisunik ineriartortitsineq, nutserisoqarneq kiisalu illuutinik ingerlatsisarneq aserfallatsaaliuinerlu.
ASA-p pingaartitai pingasut tassaapput:
Akisussaaffik - Qanoq iliuuseqarnivut, suliassavut sullitavullu eqqarsaatigalugit akisussaaffeqarpugut
Suleqatigiinneq - Suleqatigut sullitavullu pitsaasumik suleqatigaavut
Isumassuineq - Ikiuukkumatuujuvugut akunnitsinnilu paareqatigiilluta
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job