Suliniummut aqutsisoq uunga IT aamma Digitalinngortitsineq / Suliffeqarfik/ Ingerlatsivik
Kommuneqarfik Sermersooq IT aamma Digitalinngortitsinerlu Suliniummut aqutsisumik pikkorissumik tunniusimasumillu pissarsiorpoq 01.01 2025-mi isumaqatigiissuteqarnikkulluunniit atorfinittussamik.
IT aamma Digitalinngortitsineq pilersinneqaqqammerpoq kommunimilu digitalimik sapinngisamik kiffartuussinerit pitsaassusaasa nukittorsarniarnerannut alloriarnerusoq pingaarutilik. IT aamma Digitalinngortitsinermi teknologii atorlugu suleriaatsinik pitsanngorsaassaaq innuttaasunullu naleqarnerulersitsilluni.
Immikkoortortamiipput IT-mut Digitalinngortitsinermullu pisortaq aamma IT-mi immikkut siunnersorti, illillu suleqataalernissamut periarfissaqarputit.
Atorfik piffissaq tamakkerlugu suliffiuvoq, IT-mut Digitalinngortitsinermullu pisortaq qaninnertut sulisitsisorissallugu.
Atorfiup imaa:
Kommuneqarfik Sermersooq digitalimik suliniutitta suliaqaqataaffiginissaanut qarasaasialerinermik piginnaasaqarluartumik suliniutinut aqutsisumik tamatigoortumik pissarsiorpoq. Atortorissaarutitta ataqatigiissarneqarnissaat innuttaasunullu pitsaasumik kiffartuussinissami pingaarutilimmik atuuffeqassaatit. Qarasaasialerinermik sulineq toqqissisimanarissagit aamma ikkussuinerit serverillu suliarisarnissaannut tunuarsimaannginnissat pingaaruteqarpoq.
Akisussaaffiit:
·IT-mik suliniutit assigiinngitsut, matumani pilersaarusiornerit, sulisunik aqutsinerit suliniutitullu siunertanik malitseqartitsinerit ilanngullugit atuutilersinneqartarnerinik ataqatigiissaarineq
·Teknilogiinik aaqqiissutit ajornartorsiutitaqanngitsumik atuutsinneqarnissaa qulakkeerniarlugit suliffiup iluani suleqatigiinnik avataanilu suleqatigisartakkanik suleqateqarneq
·Suliniutit aporfeqanngitsumik ingerlanneqarneri qulakkeerniarlugit aqutsisunik soqutigisaqaqatigiinnillu allanik akulikitsumik attaveqaqateqartarneq
·Aarlerinartunik sumiissusersisarneq isumaginnittarnerlu kiisalu suliniutip ingerlanneqarnera tamaat atorlugu pitsaassutsimik qulakkeerineq
·Suleqatigiinneq suliniutillu suliarineqarneri pitsaasut qulakkeerniarlugit suleqatigiit siunnersorlugillu kajumissaartarlugit
Qinnuteqartunut naatsorsuutigisat:
·Minnerpaamik IT-p, suliniutinik aqutsinerup assingusulluunniit iluini ilinniagaqarsimanissaq
·IT-nut suliniutinik aqutsinikkut sivikinnerpaamik ukiuni pingasuni misilittagaqarnissaq, ajornanngippat pisortat allaffeqarfiini
·Suliniutinik aqutsinermi sakkussanik periutsinillu atuinissamik pikkoriffeqartoq; assersuutigalugu PRINCE2-mi allagartaq imaluunniit suliniutinik aqutsineq pitsaaqutaassaaq
·Ajornartorsiutinik aaqqiinissamut piginnaasaqarluartoq allanngortitsinissamullu aqutsinermik misilittagaqartoq
·Attaveqallaqqissoq aamma suleqatiginnillaqqissoq
·Qallunaatut tuluttullu oqalulluarsinnaasoq kalaallisullu oqalussinnaaguit pitsaaqutaangaassaaq piumasaqaataanngilarli, aamma Kalaallit Nunaannik paasisimasaqarneq pitsaaqutaassaaq
Neqeroorutigaagut:
Suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut.
·Kommuneqarfik Sermersuumi siunissami digitalinngortitsinerup annertuumik sunniuteqarfigineqaleraluttuinnarnerani pingaaruteqarluinnartumik atuuffeqarneq
·Suliamut tunngasunik aammalu inuttut ineriartornermut ammasuunissat
·Suleqatit kajumissuseqarluartut tunniusimasullu suleqatigalugit ineriartortumik tapersersuiffiulluartumillu suliffimmi avatangiiseqarneq
·Suliniutinik aqutseriaatsini allagartaqalernissamut periarfissaqarneq
·Suleqatinik siunersiueqateqarnissamut ilikkagaqartarnissamullu periarfissaqarneq
·Suliffik politikkikkut aqunneqartup ilisimasaqarfiginera paasisimasarfigineralu
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: IT- og Digitaliseringschef Kuluk Heilmann-Larsen, oqarasuaat +299 36 73 18 imaluunniit e-mail: khla@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 1142-24-mik, ilinniagaqarsi
manermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: novembarip 25.-at, 2024