Suliffeqarnermut Immikkoortoqarfik AC-fuldmægtigimik sulisussarsioqqinneq
Ukiuni makkunani sulisartunik pissarsiassaasunik nukittorsaanissaq aamma siunissami suliffeqarnermut innuttaasunik piginnaanngorsaanissaq pillugit Naalakkersuisut annertuumik sammisaqarput. Ullumikkut sulisussaaleqisoqarpoq, aamma inuussutissarsiutini arlalinni sulisoqarneq siuarsarniarlugu inuiaqatigiinnilu imminut pilersorneq annertusarniarlugu sulisartunik pissarsiassaasut siunissami ungasinnerusumi pitsaasumik ineriartornissaat qulakkeerniarlugu Naalakkersuisut suliaqarput.
Suliffeqarfimmi pissanganartumi atorfik, sukumiisumik sungiusarneqarlutit aamma soqutigisaqartut qanimut oqaloqatigalugit suliassaqarfinnik ineriartortitsinissamut illit sunniuteqarnissarnut periarfissaqarluartoq neqeroorutigaarput. Soqutigisaqartut tassaapput kommunit, inuussutissarsiornermut ilinniarfiit inuussutissarsiortullu qaninnerpaatut suleqatigisat. PKU – suliffissaaleqisunut ilinniagaqanngitsunullu Piginnaasanik Ineriartortitsiviusumik Pikkorissaanerit iluanni suliassanik suliarinnittussamik, sungiusaasussamik ineriartortitsinermilu suliaqartussamik suleqatissarsiorpugut.
PKU - suliffissaaleqisunut ilinniagaqanngitsunullu Piginnaasanik Ineriartortitsiviusumik Pikkorissaanernut tunngatillugu qitiusumik ilinniarfinnut attuumassuteqartunik Naalakkersuisoqarfiup akisussaaffia, suliassai ineriartortitassaalu pingaarnertut suliaqarfigissavatit, tassunga ilanngullugu Namminersorlutik Oqartussat Inuussutissarsiornermut Ilinniarfiit akornanni isumaqatigiissutinut tunngatillugu malitseqartitsineq. Tamatuma saniatigut soqutigisaqartut avataaneersut suleqatigiinnermullu attuumassuteqartut oqaloqatigisarlugit kiisalu piginnaasavinnik naliliisarnermut suliassaqarfimmi ineriartortitseqataallutit.
Immikkoortoqarfik assigiinngisitaartunik suliassanik isumaginniffiuvoq, Naalakkersuisut Inatsisartullu isummernissaannut tunngavissialiornerniit, suliffeqarfiup ineriartortitaaneranit, misissueqqissaarinernit aamma immikkoortoqarfiup suliassaqarfiini paasissutissanik suliarinninneq ingerlaavartunillu suliassanik suliarinnittarneq aamma suliniutit tamaasa pillugit paasissutissiissuteqartarnernut.
Piukkunnaatitit piginnaasatillu
Takorloorparput:
ilinniagartuutut assigisaannilluunniit ilinniagaqartutit
ilitsersuinermut ilinniartitaanermullu suliassaqarfik pillugu paasisimasaqartutit
naalakkersuinikkut aqunneqartumik aaqqissuussaasumi sulinermik misilittagaqartutit
nammineersinnaallutit, najoqqutassalikkamit anguniagaqartumillu sulisinnaassuseqartutit
suliassat siuarsaaviginissaannut akisussaaffiup tigunissaanut piareersimasutit
suliassanik aaqqiinerit pitsaassuseqarnissaannut akisussaaffiup tigunissaanut piareersimasutit
attaveqaqatigiissutinik suleqatigiinnissamut suliassaqarfiillu akimorlugit piginnaaneqarluartutit
sungiussiasuusutit, piffissamik eqqorluaasartutit inussiarnersuusutillu
oqaatsit marluk sapinngikkitit, kalaallisut/danskisut imaluunniit kalaallisut/tuluttut
angalasarsinnaanissat piareersimaffigissagit
ulluinnaat ulapaarfiusut iluarisimaaritit, aamma suliassat suussusaat arlallit ataatsikkut isumagisinnaallugit
Aamma:
Qarasaasiatigut atortoq F2 imaluunniit assingusut arlaat sungiusimagukku iluaqutaassaaq
Kalaallit Nunaanni inuiaqatigiinnik kulturimillu ilisimasaqarnissat assut pingaaruteqarpoq
Soorunalumi isumagissaartuussasutit suleqataalluassasutillu!
Suliassatit
Anguniagarput tassaavoq naalakkersuinermi kissaatigisanut pingaarnersiukkanullu naleqqiullugu suliffeqarfimmik ineriartortitsiviusumik sungiussiasumik nutaaliaasumillu pilersitseqataanissaq. Suliassanik suliarinninnermi ”inuppalaartunik” suliassaqassaatit, takorluugaasutut periusissiat – taakkulu akornanni suut tamaasa ilanngullugit – suliaqartassallutit.
Pingaarnertut suliassatit tassaassapput:
Suliffeqarnermi pissutsinik malinnaanissaq, ilaatigut immikkut suliniuteqarnissamik pisariaqartitsineq siunertaralugu
PKU-mi pikkorissaanerit pillugit Namminersorlutik Oqartussat Inuussutissarsiornermut Ilinniarfiit akornanni ukiut pingasukkaarlugit isumaqatigiissutinik suliaqarneq
PKU-mi pikkorissaanernut atatillugu kommunit Inussutissarsiornermut Ilinniarfinnillu siunnersuisarneq
Kommuninut Inuussutissarsiornermut Ilinniarfinnullu ingerlaavartumik attaveqarneq
Inuussutissariornermut Ilinniarfinnut, kommuninut susassaqartunullu attuumassuteqartunut isumasioqatigiissitsinernik ataatsimiisitsinernillu ingerlatsineq ineriartortsitsinerlu
Ukiumoortumik Suliffeqarnermut nalunaarusiamut PKU-mi sammisassanut tunngasunik paasissutissanik nalunaarsuineq paasissutissanillu suliarinninneq
Missingersuutinik malitseqartitsineq ataqatigiissaarinerlu
Allaffissorfittut inissisimaffiusumi suliassanik suliarinninneq
Neqeroorutigaavut
Suliffik pissanganarlunilu ineriartornermut periarfissatsialannik imaqartoq
Inuttut nammineq akisussaaffeqarneq pisinnaanerlu
Suliassanut sunniuteqaqataasinnaaneq periarfissaavoq
Piginnaanngorsarnissamut ilinniaqqinnissamullu periarfissatsialaat
Suleqatit pitsaasut!
Atorfininnermut ulloq tassaavoq 1. november 2024 imaluunniit isumaqatigiissuteqarneq malillugu.
Atorfimmut apeqqutissaqaruit immikkoortortami pisortaq Lona Lynge saaffiginissaanut tikilluaqqusaavutit: +299 345624 / loly@nanoq.gl
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.