Suliffeqarfimmut Kiffartuussivimmi stabimi AC-fuldmægtigisarsiorneq
Kommuneqarfik Sermersooq Suliffeqarfimmi kiffartuussivimmi Stabi
Suliffeqarfimmut Kiffartuussivimmi stabimi AC-fuldmægtigisarsiorneq / Job nr 1133/24
Kommuneqarfik Sermersooq AC-fuldmægtigimik pikkorissumik kajumissuseqarluartumillu ulloq 1. januaari 2025 kingunitsianngualuunniit Suliffeqarfiup iluani Kiffartuussivimmi piaartumik atorfinittussamik pissarsiorpoq.
Kommuneqarfik Sermersooq tassaavoq aaqqissuussaanertut politikkikkut aqunneqartoq, innuttaasunik kiffartuussinermi pitsaasumik pisariitsumillu sullisserusussuseqartoq. AC-fuldmægtigimik piumassuseqarluartumik pikkorissumillu pissarsiorpugut, taanna Suliffeqarfiup iluani kiffartuussivimmi qitiusuni pingaarutilimmik inissisimasumik suliaqassaaq aamma stabschefi allaffissornikkut suleriutsitigullu ikiussallugu.
Stabimi AC-fuldmægtigi (illit) aamma stabschefi sulisuupput. Atorfik ulloq naallugu suliffiuvoq, atorfik pilersinneqaqqammerpoq, qaninnertullu sulisitsisorissallugu Suliffeqarfiup iluani Kiffartuussivimmi Stabschefi.
Atorfiup imaa:
AC-fuldmægtigimik – misilittagaqarluarsinnaasumik – ulluinnarnilu stabimi sulinermik aamma suliassanik arlalinnik uku ataanni suliaqartussamik pissarsiorpugut:
∙Innuttaasunik Kiffartuussivimmi ingerlatsinermi suliatigut akisussaaffeqarneq.
∙Suliffeqarfiup iluani Kiffartuussivimmi immikkoortortat akornanni ineriartortitsinermi suliniutinik aaqqissuussineq aamma malinnaaffiginninneq.
∙Suliffeqarfiup iluani Kiffartuussivimmi chefit ataatsimiinnissaannik pilersaarusiorneq ataatsimiititsinerlu.
∙Suliassanik saqqummiussaliat aamma tusarniummut akissutit pitsaassusissaannik qulakkeerinninneq.
∙Pisortamut fagchefinullu missingersuutitigut malinnaatitsinermik aamma aningaasaqarnikkut killiffimmik takussutissianik tunniussinissamik qulakkeerinninneq.
∙Suleqatigiinnissamik isumaqatigiissutit aamma missingersuutitigut isumaqatigiissutit politikkikkut aalajangikkat malinnaaffigalugit.
Suliassat Innuttaasunik Kiffartuussivimmi immikkoortortanut aqutsisut kiisalu stabschefi qanimut suleqatigalugit naammassineqartassapput.
Qinnuteqartunut naatsorsuutigisat:
∙Suliniutinik aamma sulianik ingerlatsinermi aqutsinermik misilittagaqartuunissat naatsorsuutigivarput
∙Aningaasaqarnermi aqutsinermi pikkoriffilik aamma pisortat allaffeqarfiini aningaasaqarnermut tunngasuni misilittagaqartoq.
∙Suliassaqarfiit assigiinngitsut imminnut suleqatigiissinnaanerisa ilisimasaqarfiginissaa paasisimasaqarfiginissaalu
∙Pissusissamisoortumik ataqatigiissitsilersinnaasutit taamaalilluni pitsaasumik nukittuumillu atassuteqarneq pilersillugu
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.
·Kendskab til Citrix/AX/ERP system
Pingaartipparputtaaq:
∙Tamakkiisumik takunnissinnaalluni ataatsikkut arlalinnik suliaqarsinnaasoq
∙Allattariarsornikkut oqaluttariarsornikkullu ersarissumik paatsuugassaanngitsumillu attaveqarsinnaasoq
∙Nammineerluni sulisinnaasoq, akisussaassuseqartoq sullissiumatoorlu
∙Suliassat agguataarneqarnerisa ingerlaavartumik allanngortiterneqarneranni eqaatsumik periaaseqartutit
∙Ulloq ulapaarfiugaluarpalluunniit ukkatarinnillutit aaqqissuulluakkamillu suliaqarsinnaasutit
∙Tatitooq, pilersitsisinnaasoq, nukissaqarluartoq piumassuseqarluartorlu
∙Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq
∙Kisitsisilerillaqqissuussaaq
∙Siammasissumik suleqateqarluarsinnaasoq.
Neqeroorutigaagut:
Suliffik unamminartulik, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut.
Pineqaatissinneqarsimannginnermut uppernarsaat:Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Stabschef Lone Rosengreen Pedersen , oqarasuaat +299 36 71 85 imaluunniit e-mail: lrpe@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa XXX-XX -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: novembarip 22.-at, 2024