Suleqatigiinni aqutsisumik, Innaallagissamik imermillu pilersuinermut siammarterinermullu Tasiilamut
Atorfimmi matumani suliffik pissanganarlunilu assigiinngiiaartoq pinngortitamik alutornartorsuarmik ataqatigiissikkusuppiuk.
Tasiilami aamma nunaqarfinni sisamani avatangiisuni Nukissiorfiit Innaallagissamik aamma imermik pilersuinermut, aamma siammarterinermut Ingerlatsinermik akisussaaffilittut Suleqatigiinni aqutsisumik suleqateqarluni ingerlatsisinnaasumik suleqatigiinni aqutsisussarsiorpugut. Pineqarpoq pisortatut atorfik, illoqarfimmi silatinnguamini pinngortitarsuarmik ungalusaasumi, tamaanilu angalaarnissamut, piniarlunilu aalisarnissamut periarfissagissaarluinnarpoq.
Nukissiorfiit allanngoriartorfimmi pissanganartumi ingerlatsivimmiippoq, tamaanilu nunamut tamarmut iluaqutaasussamik minguitsumut nuukkiartuaarneq tamakkiisutut sammisarineqarpoq.
Suliassatit pingaarnerit tassaassapput:
- Innaallagissiorfimmi dieselimik (solaarimik) ingerlatsiviusumi, erngup nukinganik nukissiorfimmi, aamma imeqarfimmi, kiisalu siammaterisarfimmi imermik ingerlatsinermik aamma aserfallatsaaliuinermik suliassanik pilersaarusiornerit aamma peqataaqataanerit
- Ingerlatsinermik suliaqartuusut akornanni suliassanik aqutsineq aamma agguaassineq
- Ingerlatsivitta ingerlaneranik pitsaanerpaanngorsaaneq
- Ingerlatsinermik, ingerlatsivinnik, aamma aningaasaleeqqinnissamik suliniutinik pilersaarusiornerit aamma nalunaaruteqartarnerit
- Inatsisini piumasaqaataasunik imermik pilersuinerup malittarinninnissaanik qularnaarineq, ilanngullugu DDS
Pissarsiarerusuppatsigit ima ittutit:
- Teknikkip tungaatigut qaffasinnerusumik ilinniagalik – maskinmesteri – imaluunniit attuumassutilittut allamik ilinnniagalik, ilanngullugu SRO-mik ingerlatsivinnik ilisimasalik
- Aningaasaqarnermik ilisimasalik aamma paasisimasalik
- Pisortatut tunngasumik misilittagalik
- Innaallagissamik aamma imermik tunisassiorfittut aamma pilersuisarfittut ingerlatsivinnik ingerlatsinermik aamma aserfallatsaaliuinermik misilittagalik
- Namminersortoq, soorlulusooq suleqatigiinni sulinissamik piginnaasalik
- Nutaaliortoq aamma pilersitserusuttoq, killiliissutit pinnagit periarfissanik takunnittoq
- Danskisut, ajornanngippallu kalaallisut oqalullunilu allassinnaasoq
- Biilersinnaanermut allagartalik
- Atuisartutut qarasaasiakkut datanik suliaqarnermik, aamma aaqqissuussaasumik uppernarsaasarnernik ilisimasalik
Atorfimmi ilinniakkamik naammasseqqammertuusinnaavutit, imaluunniit ukiuni arlalinni misilittagaqarsinnaavutit. Inissisimaffiit apeqqutaatinnagu ilinniarnerit naleqqussassavarput, aammalu aallartilluarnissat qulakkiissallutigu.
Suut naatsorsuutigisinnaavigit?
Tassaalissaatit suleqatigiinni 12-inik inuttalinni akuulersoq, tassanilu suliat suussusaasa killeqarfigisai imatorsuaq pingaartinngilagut, sumili ikiuiffigisinnaasaminni kikkut tamarmik ikiuuttarput, tamatumalu aamma nassataraa ullut tamarmik assigiissuunnginnerat, suliassallu assorsuaq assigiinngiiaartuunerat.
Innaallagissiorfimmi aamma imeqarfimmi nutarsagaasuni aamma paarilluagaasuni suliffeqalertussaavutit.
Aamma suleqatigiinni pisortagut, aamma ingerlatsinermik sulisugut sinneri suleqatigalugit Tasiilap iluaniittuni nunaqarfinni tallimani taakkunani sivikitsumik suliaqariartortassaatit.
Aningaasarsianut atorfinitsitaanermullu pissutsit:
Atorfinitsitaaneq Naalakkersuisut, aamma kattuffiup isumaqatiginninniarsinnaatitaasup taassuma akornanni isumaqatigiissut atuuttoq najoqqutaralugu pissaaq.
Atorfik qaammatinik pingasunik misilitsiffeqarpoq.
Atorfimmut sulisunut inissiamik innersuussisoqarsinnaavoq
Malittarisassiat qaqugumulluunniit atuuttut malillugit atorfimmut inissiamik pequsersugaanngitsumik innersuussisoqarsinnaavoq. Inissiamik attartornermut akiliut aamma qularnaveeqqusiissut inissiamut innersuussutaasumut qaqugumulluunniit malittarisassiat atuuttut malillugit akilerneqassapput. Atorfimmut inissiaq atorfeqarfigisamut attuumassuteqarpoq, soraarnermilu qimanneqassaaq.
Atorfininneq sapinngisamik piaarnerpaamik, imaluunniit isumaqatigiissut malillugu
Annerusumik paasissutissat
Atorfiup imarisaanut atuuffigisaanullu apeqquteqassaguit taava Nunap immikkoortuani pisortaq Jan Zachariassenimut saaffiginninnikkut paasisqarsinnaavutit, ukunatigut, e-mail: jbz@nukissiorfiit.gl imaluunniit oqarasuaatikkut ugguuna (+299) 867208
Allanut nalinginnaanerusunut tunngatillugu apeqqutissaqaruit sulisoqarnermut immikkoortortaqarfik saaffigisinnaavat uunga: hr@nukissiorfiit.gl
Tassaavit suleqat pissarsiarerusutarput?
Taava ”Atorfimmik qinnuteqarneq” aqqutigalugu qinnuteqaatit piaarnerpaamik nassiuguk.
Nukissiorfiit pillugu
Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta niuerfigisatsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2020-mi innaallagissamik, imermik kiassarnermillu nioqqutigisatta 70 %-ia tassaavoq nukissamit atajuartumit tunngaveqartoq. 2030-mi innaallagissamik pilersuinerup sapinngisamik annertunerpaamik nukissamit atajuartumit ingerlatsiviunissaa pillugu nunatsinni naalakkersuisut anguniagaqarput. Nukissiorfiit iluani sulisunut 400-nut tamanut toqqammavissanik pitsaanerpaanik pilersitsiniarneq iluatsitsiffigaarput. Uagut pilluta uani annermik atuagassaqarpoq: www.nukissiorfiit.gl
Qinnuteqarnissamut killissarititaasoq: decembarip 2.-at, 2024