SoMe-mut tusagassiortut marluk

Inuit attaveqaqatigiittarfiinut tunngasunik suliaqarneq soqutigisarilluinnarpiuk imarisassanillu peqataatitsisinnaasunik pilersitsinissaq pikkoriffigalugu? SoMe-mut tusagassiortumik nutaaliorusuttumik angusaqarluarusuttumillu suleqatissarsiorpugut, internettimiinnitsinnik nukittorsaallunilu inuit attaveqaqatigiittarfii akimorlugit saaffiginiakkatsinnik peqataatitsisinnaasumik. SoMe-mut periusissianik ineriartortitsineq atulersitsinerlu, imarisassanik naleqquttunik pilersitsinissaq aammalu angusanik misissueqqissaarneq soqutigisarilluinnarukkit, taava immaqa illit tassaavutit ujartugarput!

Uagut pilluta: KNR tusagassiorfiuvoq allanngorartoq ineriartorfiusorlu, nuna tamakkerlugu TV-kkut, radiukkut, WEB-ikkut aamma SoMe-kkut nutaarsiassanik, kulturimik aliikkutassianillu saqqummiussinissamik pingaarnertut suliassaqartoq. Inuit attaveqaqatigiittarfii ukkatariniarlugit aalajangiunnikuuarput, taamaalilluta atuisartutsinnut siammasinnerusumik saqqummiussisalerumalluta, taamaattumillu SoMe-mut tusagassiortunik marlunnik SoMe-mik atuisartut sullinnissaannut ikiuuttussanik maanna pissarsiorpugut. Februaarip aallaqqaataani 2025-mi imaluunniit isumaqatigiissuteqarnikkut atorfinitsitsisoqassaaq.

Suliassannut ilaapput:

• Attaveqaatit soorlu Facebook, Instagram, LinkedIn, X (siornatigut Twitter), TikTok il.il. akimorlugit SoMe-mut periusissianik ineriartortitsineq atulersitsinerlu.
• SoMe-mut attaveqaatitsinnut imarisassanik peqataatitsisussanik naleqquttunillu pilersitsineq (nutaarsiassanik allaaserisat, assit, nutaarsiassanik videuliat)
• SoMe-mut imarisassanik pilersaarusiorneq ataqatigiissaarinerlu
• Internettimi ataatsimoorfiit atuisartut uteqqiaffigisartagaannik suliaqarneq, kiisalu malittarinnittut atuisartullu attaveqarfigineri
• Imarisanik angusanillu pitsanngorsaanissaq siunertaralugu SoMe-ni ingerlatanik nakkutiginninneq misissueqqissaarnerlu
• SoMe-mut attaveqaatit akimorlugit ataqatigiissitsinissaq qulakkeerniarlugu nutaarsiassanut, radiomut TV-mullu immikkoortortaqarfimmik suleqateqarneq
• SoMe-mut attaveqaatitta suliffeqarfiup ilisarnaatigisaanut naleqartitaanullu naapertuunnissaannik qulakkeerineq

Ujartugarput tassaavoq:

• Attaveqaqatigiinnerup, tusagassiornerup assingusulluunniit iluanni naleqquttumik ilinniagalik
• Inuit attaveqaqatigittarfiinik aamma digitalitigut attaveqaqatigiinnermik misilittagalik
• Nutaaliorusuttoq aammalu allanngorartunik naleqquttunillu imaqartitsinikkut malittarinnittunik peqataatitsinissamut paasisimasalik
• SoMe pillugu misissueqqissaarnermik misilittagalik paasissutissallu atorlugit imarisanik paasititsiniaanernillu pitsanngorsaasinnaasoq
• SoMe-mut sakkussat atorlugit suliaqarnermik sungiusimasalik
• Assitalersuinermut tappiffigisalik imarisanillu soqutiginnilersitsisinnaasunik suliaqarsinnaasoq
• Peqataatitsilersussamik, erseqqissumik paasiuminartumillu allaaserinnillaqqissoq – kalaallisut danskisullu
• Namminersorsinnaasoq, aaqqissuulluakkamik suleriaasilik aammalu piffissaliussaqartitaalluni sulinermik misilittagalik

Neqeroorutigaagut:

• Suleqatigiinni uummaarissuni inissisimaffik soqutiginartoq tamatigoortorlu
• Suliatigut inuttullu ineriartornissamut periarfissat pitsaasut
• Sulinermi avatangiisit isumassarsiorfiusinnaasut aamma nutaaliornermik siuariartornermillu ukkataqarfiusut
• Suleqatinik pikkorissunik ingerlaavartumik siunersiueqateqarneq aammalu SoMe-mut periusissiatta sunniuteqarfiginissaanut periarfissaqarneq

Aningaasarsiatigut atorfinitsitaanermilu atugassarititaasut 

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput. 

Najugaq 

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaat: 

Unammilligassaq piareersimaffigiviuk inuillu attaveqaqatigiittarfinniinnitta nukittorsarnissaanut ikiuukkusuppit? Qinnuteqaatit CV ilanngullugu KNR-imut kingusinnerpaamik januaarip arfineq aappaani 2025-mi nassiutissavat.

Attaveqarfissaq: 

Atorfik pillugu apeqqutissaqaruit nutaarsiassaqartitsivimmi pisortaagallartoq Bibi Nathansen mailikkut: bna@knr.gl imaluunniit nittartakkami aaqqissuisoq Hanna Hviid mailikkut: hvh@knr.gl attavigisinnaavatit. Sulisoqarnermut immikkoortortaqarfimmut mailikkut: hr@knr.gl saaffiginissaannut aamma tikilluaqqusaavutit.