Socialassistentiuit imaluunniit perorsaasoq, aqutsisutut sulinissamut soqutiginnittoq, una atuaruk asuuit, aqutsinermillu suliaqarusukkuit, takuuk
Meeqqat Angerlarsimaffiat Ivaaraq tungujortumi immikkoortortami aqutsisussamik pis-sarsiorpoq.
Ivaaraq nunatsinni kisiartaavoq annertuummik innarluutilinnut ulloq unnuarlu angerlarsimaf-finni, ineqartuutigut nunatsinni tamalaaneersuupput, pingaartuutillugulu angajoqqaat qanimut suleqatiginissai. Ullormut pingaartitagut tassaapput ineqartut imaqarluartumik toqqissisimasumillu inuuneqarnissaat. Ineqartuutigut kalaallisut oqaaseqartuummata pitsaaqutigissavaa kalaallit oqaasiinik atuisinnaaneq.
Ivaaraq immikkoortut marluupput; tungujortumi qulinut inissaqarpoq, sungaartumilu tallimat. Ineqartut tamarmik annertuumik annikinnerusumillu innarluuteqarput, timikkut tarnikkullu.
Ineqartut tamarmik periarfissaqarput ornittakkamut Orpigaq-mut, soorlu susassaqartitsisoq immikkoortortani peqataasartoq ineqartut aallartisarlugit kajumissaarlugillu.
Immikkoortortami aqutsisutut periarfissaqassaatit aqutsisut, sungaartumilu immik-koortortami aqutsisoq siunnersueqatigisinnaanissaanut.
Neqeroorutigaarput:
- Suliffeqarfik ineriartortoq, piginnaasatta assigiinnginneri pingaartitaraagut.
- Suleqatigiinermut eqqummaarissoq, attaveqaqatigiilluarneq minnerunngitsumillu suliffeqarfimmi isumannaatsuutitsinissamut
- Suliffeqarfik suliassanik allanngorartunik suliassartalik.
- Immikkoortortami aqutsisup aappaa, pisortaq tullersortilu ulluinnarni qanimut suleqatigalugit
Illit ujartorpatsigit:
- Aqutsisutut misilittagalik, imaluunniit aqutsisutut ineriartornissamut eqqarsaateqa-ruit aammalu socialassistentitut, perorsaasutut misilittagaqarluartuullutit
- Ilitsersuinissamut soqutigisalik, suliassanik agguataarinninnermut tullersorti peqati-galugu, sulisunik inerisaaneq apeqqutaanani perorsaasuuppat ilinniarsimasuunngip-palluunniit.
- Immikkoortortami aqutsisoq perusupparput inussiarnersoq, akuersaartoq. Ajornartorsiortoqarpat unammillersinnaasoq.
Ineqartuutigut meeraapput inersimasullu. Siunertaraarput tunngavigissallugu ineqartut ataasiakkaarlugit tunuliaqutai piginnaasaalu. Piginnaasai nutarsarlugillu piginnaasaallu inerisarlugit aammattaaq ineqartuutitta ilaqutai suleqatigilluarnissaanik, amerlanerit sineriammi najugaqarput.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job