Silasiorfimmi Danmarkshavnimi, Tunup avannaani maskinmesteri
Suleqatigiuminartuuguit, sungiussiasuuguit kiisalu timikkut tarnikkullu peqqissuullutit, suliffik unammillernartoq neqeroorutigaarput
Maskinmesteriuvutit, maskinisti imaluunniit assinganik misilittagaqalik, suliffimmik unammillernartumik ujarlertoq
Suliatit pikkoriffigaatit aqutsinerlu piginnaasaqarfigalugu, taassuma ataani nalinginnaasumik Officenik atuisinnaassaatit. Peqqissuseq pitsaasoq kigutiginnerlu uppernarsarneqarsinnaassapput. Tamanna uppernarsarneqassaaq peqqinnermut uppernarsaat, Offshore atuuttoq atorlugu. Pitsaaqutaassaaq ikiuigasuarsinnaanermut uppernarsaateqaruit.
Inersimarpalaarputit, sungiussiasuullutit suleqataallutillu tatiginartoq isumagissaartorlu. Namminersorlutit sulisarputit ataqatigiissumillu aaqqissuussisarlutit. Sulianni peqqissaartuuvutit silasiorfimmilu atortut ajunnginnissaannut tunuliaqusiisuussallutit. Suleqatigiinnerup naleqassusaa paasisimassavat suliassanullu tunngatillugu killit akimorlugit sulisinnaassallutit. Taamaattumik tusarnaarsinnaassaatit annertuumillu ikiuerusussuseqarlutit.
Pingaarnerpaajuvoq silasiorfimmiinnerit tamaasa suliffinnut nuannarinninnissat sulianut inuttullu misigisassanik kajumillutit.
Assatit atorluarsinnaassavatit pisariaqartitsisoqartillugulu ikiuisassallutit
Elværkimi silasiorfiullu sarfamut-, imermut-, kissartumullu atortorissaarutaannik ingerlatsineq ulluinnarni kiisalu silasiorfiup biiliitaannik ingerlatsineq aserfallatsaaliuinerlu akisussaaffigissavatit.Aserfallatsaaliuinermi suliassat allanngortiterinerillu pilersaarusiortassavatit naammassillugillu, kiisalu Silasiorfimmi aqutsisoq suleqatigalugu atortussanik kingoraartissanillu pisiortorneq isumagisassallugu. Maskiinanut teknikkimut tunngatillugu piginnaasaqarnerup saniatigut, allatigut aamma pikkoriffitit tusarusuppagut.
Aalassarissaatit timikkullu peqqissuullutit, ilaatigut nunami suliffigiuminaatsumi sulisassagavit.
Sap. ak. ingerlanerani akunnerni 40-ni sulinissat naatsorsuutaavoq, arlaatigulli pisoqartillugu piffissat ilaanni qassinngoraluartorluunniit sulineq pisariaqartarpoq. Siulliullaqqissuussaatit ikiuiumatullutillu, ataatsimoorussanillu suliassani, illit akisussaaffiginngisanni aamma peqataarusussuseqassallutit.
Silasiorfimmi ulluinnaat
Piffissani aalajangersimasuni sap. ak. qulingiluani silasiorfik qitiutillugu ulluinnarissavat. Silasiorfiup sulisui tallimat pimoorussisut peqatigalugit, pitsaassutsip annertuup attatiinnarnissaa, atortut ajunnginnissaat minnerunngitsumillu sulinerup iluani avataanilu suleqatigiit ajunngitsumik ingerlanissaat isumagisassavarsi. Taamaattumik naleqqussarsinnaanissat, ilakkuminarnissat allanillu peqateqarsinnaanissat pingaaruteqarpoq.
Neqeroorutigaagut:
Suliffik pissanganartoq namminersornartorlu, suleqatillu pikkorissut. Avatangiisini nunarsuarmi sakkortunerpaani suliassanik assigiinngisitaartunik qaqitsinissinni immissinnut pisariaqartillusi ingerlatsisassaasi. Inuttut suliffimmullu tunngatillugu ineriartornissamut periarfissaqarlluarpoq.
Silasiorfik Danmarkshavni, Tunup avannaa
Danmarkshavnimi silasiorfik Tunup avannaaniippoq 76° 46’ N, 018° 40’ W missaaniilluni. Illoqarfik qaninneq tassaavoq Ittoqqortoormiit, silasiorfimmiit 700 km-nik kujasinnerusoq. Silasiorfiup DMI-mut ICAO-imullu akisussaaffii tassaapput qullartaatinik nassiussineq ussersaatinillu aserfallatsaaliuineq. Silasiornernut nalunaarsuutit katersagut, Atlantikup avannaani silaannakkut angallannermut pilersaarusiornermi qitiusumik inissisimapput.
Ukiup affaata missaani silasiorfimmiittassaatit, sap. ak. qulingiluakkaarlugit. Angerlarsimanerni feriat qaangiuttoornermullu taarsiullugu sulinngiffeqarnerit ingerlanneqartassapput, saniatigulli pikkorissarnerit, suleqatigiilluni nukittorsarnerit (teambuilding), peqqissutsimut misissortinnerit kigutilerivimmiinnerillu pinngitsooratik aamma ingerlanneqartassapput. Silasiorfimmi avatangiisini persuarsiorfiunngitsuni suleqatit tallimat peqatigalugit pitsaassutsip annertuup attatiinnarnissaa, atortut ajunnginnissaat, kiisalu suleriaatsit tatiginassutsimik isumannassutsimillu ukkatarinnittut qulakkeertassallugit. Minnerunngitsumillu sulinerup iluani avataanilu suleqatigiit ajunngitsumik ingerlanissaat isumagisassallugu.
Ukiumut tallimariaq, sulisut taarseraanneranni silasiorfimmi timmisartoqartarpoq.Immikkorluinnaq pisoqartillugu taamaallaat silasiorfimminngaanniit piffissaq sioqqullugu aallartoqarsinnaavoq.
Ulloq sulilerfissaq:
Apriili 2025. Silasiorfimmiinnissaq siulleq: 9. apriili - 11. juuni 2025
Aningaasarsianut atorfininnermilu atugassarititaasut
Qaammammut aningaasarsisassaatit, angerlarsimanerit aamma ilanngullugit. Ataasiakkaatut atorfininnissamut isumaqatigiissuteqassaatit. Silasiorfimmiinninni akeqanngitsumik nerisaqarlutillu ineqartinneqassaatit.
Ulloq sulilerfissaq: 01.04.2025 imaluunniit isumaqatigiissut apeqqutaatillugu.
Ilinnoorpa?
Atorfik pillugu paasisaqarnerorusukkuit silasiorfimmi aqutsisoq Frederik Maki Poulsen attavigisinnaavat oq.
+299 389464 / +45 42225151 imalunniit E-mail: fpo@tusass.gl
Qinnuteqaatit oqaloqatiginninnerulli
Tusassip suliffissarsiortarfiatigut atorfimmut qinnuteqarsinnaavutit, aqinnuteqaat CV-lu ulloq una nallertinnagu nassiullugit: 01-02-2025. Tusassip qinnuteqaatit aggeraangata suliarisassavai, qinnuteqarnissamullu killissarititaasq nallertinnagu oqaloqatiginninnernik aggersaasinnaalluni.