Savaatilissat Ilinniarfiat Upernaviarsummiittoq ingerlatsinermut aqutsisumik (Driftslederi)
Savaatilissat Ilinniarfiani ingerlatsinermut aqutsisumik pissarsiornitsinni nunaatilimmik pikkorissumik pissarsiorpugut, nunaatilittut tigussaasumik suliassaasunut aamma nunaatilittut ingerlatsinermut aqutsinermut ajunngitsumik piginnaaneqassaaq, tassani savaatilinngorniat ilinniartitaanissaat qitiusussaammat.
Atuartitsinermik ilinniartitsinermillu makkuninnga suliaqartassaatit:
- Atuartitsinermut atortussianik piareersaaneq savaatilinngornianillu atuartitsineq, fagini nersutaateqartarnermut uumasuuteqarnermut narsaatilerinermullu tunngasunik atuartitsineq
- Ilinniartut nersutaasivimmi, narsaatini aamma sullivimmi nunaatilittut sulinermi tigussaasumik ilinniartissallugit,
- Ilinniartut fagimut ineriartornerini ulluinnarni ingerlaavartumik nalilersortuassallugit, kiisalu fagini misilitsitsinermut, allattariarsornermut oqaluttariarsornermullu.
- Studievejledning aamma ilinniartitsisoqatigiit Inuili – Food College Greenland-mi suleqatigissallugit, ilinniartut ilinniartitaanermut pilersaarutaannut aamma inuttut naliginnaasumik kiisalu tamanut ilisimasariaqartunik ilinniagaqarsimanermut tunngasutigut ineriartornermut naleqqiullugu.
- Uumasuuteqarnermut narsaateqarnermilu atuinermi ulluinnarni akisussaanissaq.
- Illuutit maskinallu aserfallatsaalinissaat.
- Pisiortuineq.
- Pigaartussanik pilersaarusiorneq.
- Akunnerit suliffiusut nalunaarsorneri.
- Upernaviarsummi Siunnersorteqarfiup naatsiivilerisua ulluinnarni suleqatiginissaa.
Savaatilinngorniat Ilinniarfiat illoqarfimmiit ungaseqaaq. Tamanna pissutigalugu Savaatilinngorniat Ilinniarfiani ingerlatsinermut aqutsisoq ajornartorsiutinik aaqqissuillaqqissuusariaqarpoq inuttullu akisussaaffimminik tigusillaqqittuusariaqarluni, taamaalilluni suliassatut pilersaarutaareersut kiisalu suliassatut takkuteriataartartut atuartitsinermi nunalerillunilu tigussaasumik suliaqarnermi piareersimaffigalugillu sapissanngilai.
Kissaatigaarput 14. oktoberi 2023 sulilissasutit imaluunniit isumaqatigiissuteqarnikkut. Oqaloqatigiinnerit ingerlaavartumik ingerlanneqassapput qilanaarpugullu qinnuteqaatit kingusinnerpaamik 9. Oktoberi 2023 tigoreersimassallugu.
Atorfimmut apeqqutissaqassaguit, tikilluaqquneqarputit Inuilip pisortaa Poul N. Christensen uunga allaffigissallugu: poch@inuili.gl imaluunniit oqarasuaammut 661313 sianerfigalugu.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job