SAQQUMMIUTEQQITAQ KTI, Saviminilerinermik Ilinniarfik Innaallagisserisutut Ilinniartitaanermut innaallagialerinermik ilinniartitsisussamik pissarsiorpoq
UNAMMINARTUNUT NUTAANUT PIAREERSIMAVIT AAMMA INUUINNI NUANNERNERPAAMIK MISIGISAQARUSUPPIT?
TAAMAAPPAT TECH COLLEGE GREENLANDIMI NUUMMI INNAALLAGIALERISUTUT ILINNIARTITSISUNNGUSSAATIT AAMMA SULEQATIGILISSAVATSIGIT.
Innaallagialerisumik imaluunniit installatørimik pissarsiorpugut siunissami innaallagialerisun-ngortussanik ilinniartitserusuttumik aamma inuttut suliatigullu piginnaaneqartilerlugit. Ilinniartitsisoq ilinniartutsinnik aamma pikkorissartitatsinnit malinnaatitsisinnaasoq aamma pimoorussititsisinnaasoq. Suleqat pimoorussisoq, suleqatigiinnermik soqutiginnittoq aamma qanilaartoq.
Suliassat:
Suleqatitit suleqatigalugit ilinniartitaanermi ilinniartitsineq pilersaarusiussavarsi, ingerlatissa-varsi, nalilersussavarsi aamma ineriartortillugu. Fagimi tunngaviusumik ilinniartitsineq Kalaallit Nunaanni ingerlattarparput. Atuarnerup ingerlanerata sinnera ilinniartut Danmarkimi ingerlattarpaat taamaattumik ilinniartitsineq danskit oqaasii atornerullugit ingerlanneqartarpoq.
Atuarfimmi ilaalissaatit Kalaallit Nunaanni suliaqarfinni aamma ilinniarnissamik qinnuteqaateqartut akornanni kissaatigineqartunit aamma pisariaqartinneqartunik naammassinnittumi.
Innaallagisserisutut ilinniartitaaneq KTI-miittoq suleqatigiinnik pimoorussisunit ingerlanne-qarpoq. Suleqatigiinni qitiutipparput atuartitsinermi ataqatigiissitsinissaq aamma qulakkiissal-lugu kikkut tamarmik atuartitsinermi qaffasissumik atuartitsisarnissaat. Ilungersuutigaarput ilinniartuutitta suliatigut sapinngisamik annertunerpaamik siuariartornissaat, imminnut upperinissaat aamma inuunerminni iluatsitsinissaat.
Ilisarnaat:
Naatsorsuutigaarput illit tassaassasutit:
- innaallagisserisutut, installatøritut ilinniarsimasoq imaluunniit uppernarsaatitalimmik pisinnaasalik, innaallagisserisutut ilinniartitaanermut tulluartumik
- atuartitsinermi aamma ilitsersuinermik soqutigisaqartoq aamma illit kissaatigaat ilisimasannik ilinniartunut ingerlatitseqqinnissat
- atortunik digitaliusunik suliaqarnermi aamma atuinermi naammaginartumik piginnaasalik
- ilinniakkami inatsisinik aamma maleruaqqusanik ilisimasalik aamma malinnaanissamut soqutigisaqartoq
- netværkinik aamma kalerrisaarutinik ilisimasaqarneq iluaqutaassaaq
- inuttut taamatut suliaqartutut suliatigut aamma teknikimut alapernaattoq
- inuttut qanilaartoq, ineriartortitsinermik soqutigisaqartoq aamma suleqatigiit suleqatigalugu piumassuseqartoq KTI-p tunngaviusumik suliassaanik kivitseqataarusuttoq: Atuartitsineq pitsaanerpaaq ilinniartunut aamma pikkorissartunut.
Illit fagimi ukiuni arlalinni tulluartumik suliaqarnermik misilittagaqaruit iluaqutaassaaq.
Uagut neqeroorutissavut:
KTI ilinnut neqerooruteqarpoq suliffik inuttut taamatullu suliatigut ineriartornissamut killiliussat pitsaasut. Tassani ulluinnarni immitsinnut qanippugut aamma atuartitsineq orniginartoq, kajumilersitsisoq aamma ilinniartut ilinniartuuinnarnissaannik angusaqarniarneq suleqatigiissutigalutigu.
Nutaajullutit ilinniartitsisunngoruit suleqativit misilittagaqartut ikiussavaatit aamma tapersersussavaatit, piginnaasavit ineriartortinneqarnerannut ilanngullugu pædagogikkimi tunngaviusumik ilinniagaq (PG) uagut akilissavarput, tamanna sulinerup nalaani ingerlanneqartarpoq aamma akuttunngitsumik Kalaallit Nunaata sineriaani illoqarfinni allani ingerlanneqartarpoq. Ilinniartitaanermi piginnaasat Danmarkimi PG-misut ittut anguneqartarput.
Qinnuteqarnissamut killigititaq: 09. Oktober 2024.
Ulloq sulilerfissaq: 1. November 2024 imaluunniit isumaqatigiissuteqarnikkut.
Kissaatigaarput atorfininneq qaammatini pingasuni misileeqqaarnermik aallartinneqassasoq.
Paasissutissat amerlanerusut Ilinniartitaanermut Pisortamut Ole Pedersenimut oqarasuaammut +299 861612 -mut sianerluni imaluunniit e-mailikkut ojp@kti.gl saaffiginninnikkut pissarsiarineqarsinnaapput. Aammattaaq nittartagaqarput takuneqarsinnaavoq: www.kti.gl.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut Sermitsiap sulisussarsiorfiatigut “Qinnuteqaat nassiuguk” toorlugu nassiutikkit.
E-mailikkut qinnuteqaatinik tigusineq ajorpugut.
KTI - Tech College Greenland tassaavoq Kalaallit Nunaannit Teknikkimik Ilinniarfik. Neqeroorutigisavut tassaapput ilinniartitaanerit arlalinnik sammivillit, Nuummi innikkoortortaqarfik – Biililerineq, Atuuteralaat, Skibsmontør, Saffiooq, Quersualerisoq assartuisartoq aamma Innaallagisserisutut ilinniartitaaneq. Sisimiuni immikkoortortaqarfik – Sanaartornermik Ilinniarfik, Aatsitassalerinermik ilinniartitaanerit. Tamatuma saniatigut GUX Sisimiut aamma KTI-mut ilaavoq
Nuuk Kalaallit Nunaanni illoqarfiit pingaarnersaraat tamaani innuttaasuusugut 18.800-it missaanniippugut. Tamaani inuunermi ornigineqartut tamarmik pigineqarput filmertarfik/kulturip illorsua, Cafét / neriniartarfiit aamma Naluttarfik. Sulinngiffimmi sammisassarpassuit, meeqqat atuarfii nutaaliat aamma ulluunerani paaqqinnittarfiit. Illoqarfimmi pingaarnermi nutaaliaasumi neqeroorutigineqarsinnaasut tamaasa, taamatuttaaq pinngortitarsuaq pinneqisoq silatinnguatsinniippoq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job