Sanarfinermut Avatangiisumullu Ingerlatsiviup stabiani allaffimmi fuldmægtigi
Kommuneqarfik Sermersooq inummik Sanarfinermut Avatangiisinullu Ingerlatsiviup Paamiuni stabianut ulloq 15.10.2024, isumaqatigiinnikkulluunniit sulilertussamik ujaasivoq.
Innuttaasunik sullissilluarnissamut suliffeqarfiullu iluani ingerlatsiviup immikkoortortaani allani allaffissornikkut tapersersuinermik qulakkeerinissatigut sukumiisumik ilakkuminartumillu peqataasussamik ujaasivugut.
Stabimi arfinilinnik inuttaqartumi inissisimassaatit, suleqatilli suliaqaqatigisartagassatit qaninnerusumik suleqatigissavatit. Taamatuttaaq innuttaasut inuussutissarsiortullu kiffartuulluarneqarnissaat anguniarlugu ingerlatsivimmi sullissisunik suleqateqartassaatit, tassanilu allaffissornikkut suliassat arlallit isumagisassavatit.
Atorfiup imarai:
Allaffimmi fuldmægtigimik stabimi ulluinnarni sulisunut ilannguttussamik suliassanillu arlalinnik isumaginnittussamik ujaasivugut, suliassanut uku ilaapput:
∙Ingerlatsivimmi allakkanik takkuttunik isumaginninneq
∙Sullissisunut sulianik pilersitsineq
∙Akileeqqusissutinik suliaqarneq
∙Innuttaasut ingerlatsivimmut saaffiginnissutaannik kiffartuussineq
∙Ataatsimiinnissanik piareersaanikkut inniminniinikkullu suliffeqarfimmik kiffartuussineq
∙Suliassat takkussortut suliarinissaat isumagalugu
Suleqatit qanimut suleqatigalugit suliassat suliarineqartassapput.
Qinnuteqartunut naatsorsuutigisat:
∙Naleqquttumik ilinniagaqarsimassasutit
∙Kalaallisut qallunaatullu oqalussinnassaatit allassinnaallutillu.
∙Kiffartuusserusuttorujussuuvutit qungujulasuullutillu
∙Suliassat amerlagaluartut ataatsimut isiginnissinnaassutsit attatiinnartarpat
∙Ulluinnarni allaffissornikkut ingerlatsinermik qulakkeerinissat nuannaraat ulluinnaallu aalajangersimasumik ingerlasut ingerlalluarfigisinnaallugit.
∙Qarasaasiakkut suliaqarnissat ernumagissanngilat Office-lu ilisimasaqarfigilluarlugu.
Pingaartipparputtaaq:
∙Aalajaatsuunissaq, pitsaassutsimik ilisimasaqarluarneq immikkuualuttunillu maluginiaasinnaaneq
∙Takunnissinnaaneq attatiinnarlugu ataatsikkut arlalinnik suliaqarsinnaaneq
∙Nammineerluni sulisinnaaneq, akisussaassuseqarluni sullissiumatuujullunilu
∙Ulluni ulapaarfiusuni ukkassilluni aaqqissuussaasumillu sulisinnaassuseqarneq
∙Sulianik naammassinninniarluta ingerlatsinitsinnut atatillugu ataavartumik ineriartortitsinermut pitsanngorsaanermullu peqataasinnaasutit
∙Arlalissuarnik suleqateqallaqqissoq
Neqeroorutigaavut:
Atorfik allanngujuitsoq aalajangersimasunik suliassartalik, atorfillu nammineerluni suleqateqarluniluunniit sulinissamut periarfissaqarfiusoq. Suliffeqarfik nuannersuullunilu, ingerlalluartuullunilu sulinermi avatangiisigissaarfiuvoq.
Pineqaatissinneqarsimannginnermut uppernarsaat:Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: immikkoortortami aqutsisoq Birgith K.Hermansen, oqarasuaat +299 367652 imaluunniit e-mail: bihe@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 932-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: septembarip 25.-at, 2024