Sanarfinermut Avatangiisinullu Ingerlatsivik Suliniutinut immikkoortortamut suliniutinut aqutsisumik
Kommuneqarfik Sermersuumi Suliniutinut immikkoortortaq suliniutinik pissanganartunik amerlasuunik ingerlataqarpoq, taamaattumillu suleqatigiittut sulisutsinnut suliniutinut aqutsisumik pikkorissumik soqutiginnittumillu pissarsiorpoq. Kommuneqarfik Sermersooq kommuniuvoq ineriartorluartoq pingaartumik sanaartornermi suliassaqarfimmi suliassat amerliartuinnarlutik.
Sulisorilerumallutit ujarpatsigit illit tassaasoq, sanaartornermi teknikkimik ilisimasaqarluartoq aamma attaveqatigiinnermi piginnaaneqarluartoq, oqaloqatigiinnerit aaqqissuulluakkat aqqutigalugit suliffeqarfimmi suleqatigiit aamma suleqatigisat naammassisaqarluartarmata. Saniatigut naliliillaqqissuuvutit aamma ajornartorsiutit suut pilertortumik qulaarneqartariaqartut suullu itinerusumik eqqarsaatigeqqaartariaqartut paasisarpatit.
Neqeroorutigisinnaasarput tassaavoq suliffik illit akisussaaffimmik tigusinissannut aamma suliniutinik namminersorlutit ingerlatsinissannut periarfissiisoq, ulluinnaallu illit nammineq sunniuteqarfigisinnaasatit. Saniatigut suleqatigiinnut soqutiginnittunut ilaalissaatit, sulianut tunngasunik isumasioqatigiinnernik ingerlatsinissamut piareersimasut suliffimmilu atugassarititaasut pitsaasuunissaannut tapersersuisoq.
Suliniutinut immikkoortortaq piffissaq manna marlunnik sulisoqarpoq ataatsimillu utaqqiisaasumik suliniutinut pisortaqarpoq. Atorfik ulloq naallugu suliffiusoq, Sanarfinermut Avatangiisinullu Ingerlatsivimmi suliniutinut pisortamik qullersaqarpoq.
Makkua suliassarivatit:
Atorfimmi aallaqqaataanit aalajangiinernik suliaqassaatit suliniutillu pilersinneqarlutik aallartinnerannit suliniutit naammassillutik tunniunneqarnerannut peqataasassaallutit. Allatut oqaatigalugu illit suliniutitit qanimut malittarissavatit.
Suliassatit makkuussapput:
Sanaartukkani nutaani, alliliinerni allanngortiterinernilu sanaartortitsisutut atuuffimmik ingerlatsissaatit.
∙Kuuffissuarnik iluarsaassinerni aamma sanaartorfissagissaanerni mikinerni sanaartortitsisutut atuuffimmik ingerlatsissaatit.
∙Kommunip ingerlatsiviini assigiinngitsuni pilersaarutitut siunnersuutinut ikiuutissaatit
Suliniutit suliarineqartussat tassaapput suliniutit mikinerit 1 mio kr-inik nalilinnit suliniutit anginerit 50+ mio kr-inik nalillit, taakkunani illit kommunip ataqatigiissaarisorissavaatit suliniummut sinaakkutissatut pilersaarutit iluanni piffissaq, aki aamma pitsaassuseq eqquutsinneqarsinnaaqqullugit. Suliniutit kommunimi najukkani tamani agguataarsimasut ilinnit isumagineqartussaassapput.
Qinnuteqartunut naatsorsuutigisat:
∙Sanaartornermi konstruktøritut, illussanik titartaasartutut ingeniøritut assingusumilluunniit ingerlaqqiffiusumik ilinniarsimassasutit.
∙Sanaartukkat naatsorsuinerillu teknikkikkut annertuumik piginnaasaqarfigigitit.
∙Qarasaasiamik, pingaartumillu Officemik atuisinnaasutit.
∙Ukiuni arlalinni sulisimavutit kisianni ilinniakkamik naammassinnerlaatut atorfimmut qinnuteqarnissat aamma kaammattuutigineqarpoq.
Inuttut illit nuannersumik tapersersuisuuvutit, ammasuullutillu attavigiuminartuuvutit aamma assigiinngitsutigut suleqatikkuminartuullutit.
Pingaartipparputtaaq:
∙Ataatsikkut arlalinnik suliaqarsinnaassuseqartoq.
∙Allattariarsornikkut oqaatsitigullu ersarissumik attaveqarluarsinnaasutit.
∙Namminersullaqqissutit, saaffigiuminartutit, tunniusimasutit akisussaaffeqartuusutillu.
∙Suliassanut naleqqussarsinnaassuseqartutit.
∙Suliassatta ingerlanneqarnerini ingerlaavartumik ineriartortitsinermut pitsanngorsaanermullu suleqataasinnaasutit.
∙Marluinnik oqaaseqaruit pitsaaqutaassaaq (kalaallisut qallunaatullu), piumasaqaataanngilarli.
Tamatuma saniatigut ulluinnarni pisussat siumut ilisimaneqartannginnerat piareersimaffigissavat, tamatumanilu paasisimasaqarnissat ullullu ingerlanerani assigiinngitsunik suliaqarsinnaanerit pisariaqarpoq. Ataqatigiissaarisinnaasariaqarputit pilersaarutillu assigiinngitsut amerlasuut akuutinneqarnerat piareersimaffigalugu.
Uagut neqeroorutigaavut:
∙Ingerlatsivik ineriartortuartoq.
∙Immikkoortortaqarfik pissanganartunik allanngorartunillu suliassartalik.
∙Immikkoortortaqarfik suliffimmi avatangiiserissoq suleqatillu kajumissuseqarluartut.
∙Immikkoortortaqarfik ulluinnarni sunniuteqaqataasoq.
∙Atorfik suliassanut tunngasutigut inuttullu ineriartorfissatigut pitsaasunik periarfissaqarpoq.
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Suliniutinut pisortaagallartoq Lars Borris Pedersen, oqarasuaat +299 36 71 42 imaluunniit e-mail: lbpe@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 1121-24 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: novembarip 18.-at, 2024