Royal Arctic Line Maniitsumi Nassiussalerivimmi aqutsisussarsiorpoq
Nassiussalerineq soqutiginartippiuk sullitatsinnullu kiffartuussinerup pitsaalluinnartuunissaanik qulakkeerinneqataarusuppit? Sullissillaqqissuuit, aaqqissuulluakkamik suleriaaseqarlutit suleqatiginnillaqqissuullutillu? Taamaappat illerpiaq Maniitsumi umiarsualivitsinni pisariaqartippatsigit.
Uagut pilluta
Maniitsumi Royal Arctic Linemi suleqatigiit tunniusimasut suliaminnullu pikkorissut, ulluinnarni ingerlatsinermik aamma sullitatsinnik suleqatigisartakkatsinnillu kiffartuussisartut suleqatigilissavatit. Sulinermi avatangiisit pitsaasuunissaat, suleqatigiittut ataqatigiilluarnissaq kulturilu anguniagaqarnitsinni immitsinnut ikioqatigiinnissamik pingaartitsiffiusoq pingaartitarivagut. Atugarissaarnissaq ineriartornissarlu suliffeqarfitsinni ulluinnarsiutigaagut.
Atorfik pillugu
Maniitsup Umiarsualiviani nassiussalerivimmi aqutsisutut aqutsisoqatigiinni pingaarutilimmik inissisimassaatit sulinermilu kulturip pitsaasuunissaa suleqataaffigissavat. Pitsaasumik ingerlatsisoqarnissaata, sullitat naammagisimaarnerisa qaffasissuunissaata aamma sulisunut sullitanullu isumannaallisaanerup qaffasissuunissaata qulakkeernissaat akisussaaffigissavatit.
Suliassatit pingaarnerit ilaatigut tassaapput:
· Royal Arctic Linep niuernikkut periusissiaa pingaarnerusoq tunaartaralugu sullitanut atuisartunullu kiffartuussisarnerup pitsaassusiata qaffasissuunissaanik qulakkeerinissaq
· Sulinermi avatangiisit pitsaasuunissaannik aamma Nassiussalerinermut immikkoortortaqarfiup Umiarsualiviullu suleqatigiilluarnissaannik qulakkeerinissaq
· Sulisut sullitallu isumannaallisarneqarnerannik ataavartumik qulakkeerinissaq
· Sullitanik kiffartuussiviup ulluinnarni ingerlanneqarnerata akisussaaffiginera, nassiussalerivimmi suliassanik aqutsinikkut agguaassisarnikkullu
· LIMA-mi paasissutissat pitsaasuunissaannut akisussaaffeqarneq
Ilinnut naatsorsuutigisagut
Suleqatissatsinnik akisussaaffeqartitaanerminik pingaartitsisumik suleqatiginninniartumillu aammalu assartugalerinermut piginnaaneqarluartumik kiffartuussilluarnissamillu pingaartitsisumik pissarsiorpugut.
Iluassaaq, inuttut:
· Naammagittassuseqaruit, inunnik naapitsillaqqissuuguit ulapiffiusunilu uippalliaatsuuguit
· Suliassanik sunniuteqarluartumik pingaarnersiuisarneq pikkoriffigigukku
· Namminersorlutit sulisinnaaguit akisussaaffimmillu tigusinissaq aalajangiisarnerlu sungiusimagukkit
· Kørekorteqaruit
Neqeroorutigaavut
Atorfik soqutiginartoq piffissani allanngorartuni suliffiusoq, aaqqissuussaanerlu atugarissaarnissamik, suleqatigiinnissamik inuttullu ineriartornissamik pingaartitsiffiusoq. Akissarsiat unammillersinnaasut piginnaaneqarfigisannut naapertuuttut neqeroorutigisinnaavagut.
Paasissutissat amerlanerusut
Atorfik pillugu apeqqutissaqartuit Ingerlatsinermi aqutsisoq Jørna Josefsen saaffigisinnaavat oqarasuaatikkut +299 817941-mut imaluunniit e-mailikkut jos@ral.gl-imut
Atorfininneq: Sukkanerpaamik – qinnuteqartorli uagutsinnut tulluarneq utaqqisinnaavarput
Qinnuteqaatit: Ingerlaavartumik suliarineqassapput
Oqaloqatiginninnerit: Ingerlaavartumik ingerlanneqassapput