Royal Arctic Line IT-supportimut Suleqatigiinni teamlederissarsiorpugut

Royal Arctic Line IT-supportimut Suleqatigiinni Teamlederissarsiorpugut

Suliffik ullut tamaasa assigiinngisitaartunik suliassaqarfiusoq iluariviuk? Sullisserusussuseq pigereerpiuk suliassanillu arlalinnik ataatsikkut suliaqarsinnaallutit? Allat siuttuuffigerusuppigit aqqutissiuussisinnaassuseqarlutillu?

Tamakku ilisarnaatigigukkit immaqa Nuummi IT-supportimut immikkoortortaqarfimmi suleqatigiinni teamlederissatut piukkunnarsinnaavutit?

Neqeroorutigaagut:

· Sulinermi avatangiisini allanngorartuni suliffik soqutiginartoq.

· Ullut suliffiit assigiinngisitaartunik suliassaqarfiusut, suliassat nukinginnartut aammalu suliassat pilersaarusiornissamik ukkatarinninnissamillu pisariaqarfiusut.

· Suliffeqarfiup sinnerani IT-mik atuisunut ikiuisarnitta sunniuteqarfiginissaanut inerisaaqataaffiginissaanullu periarfissaq immikkuullarissoq.

Sulerissavit? 

Suleqatigiinni teamlederitut IT-mut immikkoortortaqarfimmi supportimik suleqatigiit ulluinnarni akisussaaffigissavatit. Taakku IT-supporterinik tallimanik ilinniartumillu ataatsimik inuttaqarput. Akisussaaffeqarfigisassavit pingaarnerit ilagaat:

· Supportimut suliakkiutigineqartut isumagineqarnissaannik qulakkeerinninneq, tamatumunnga ilaatigut ilaapput atuisunik ikiuineq, atuisunik aqutsineq, IT-mut atortorissaarutinik pisiortorneq piareersaanerlu kiisalu sinerissami umiarsualiviit atortorissaarutissaannik tigusineq/nassiussineq.

· Aqutsinikkut suliassat allaffissornermullu tunnganerusut, ass. pisiniarnernik pisiortorfigisallu akiligassiissutaannik D365-finanssystemitsinni akuersisarnerit, piffissamik nalunaarsuinerit allallu.

· IT-mut aqutsisoqatigiinni suleqataaneq, suleqatigiinni aqutsisut allat pingasut IT-mullu pisortaq peqatigalugit, tassanilu suliffeqarfik akimorlugu sammisat pingaarnerusut suliarineqartassallutik.

Kinaavit?

· IT-support sullissinerillu tamatuma ataaniittut siammasissumik ilisimasaqarfigivatit kiisalu ajornartorsiutaasunut nutaanut aaqqiissutissarsiniarnissaq piginnaasaqarfigilluarlugu.

· Allat aqutsisuuffiginissaat kajumilersinnissaallu pissusissamisoortumik piginnaasaqarfigivat.

· Suliassanik agguaassinissaq malitseqartinnissaasalu qulakkeerneqarnissaat pikkoriffigivat.

· Aaqqissuulluakkamik suleriaaseqarputit, suleriallaqqissuullutit, ilungersuussillaqqissuullutit, aalajangiisinnaallutit uummaarissuullutillu.

· Pisariaqartillugu pilertortumik aalajangiisinnaavutit.

· Unneqqarissumik ammasumillu pissuseqarlutit oqaluttarputit.

Atorfik pillugu paasisaqarnerorusukkuit Director of IT, Gustav Fischer, +299 34 91 53-imut sianerfigalugu attaveqarfiginissaanut tikilluaqqusaavutit.

Atorfininneq: Piaarnerpaamik, qinnuteqartorli uagutsinnut tulluarneq utaqqisinnaavarput. Qinnuteqarfissaq kingulleq: Septemberip 15-ani 2024

Qinnuteqaatit: Ingerlaavartumik suliarineqassapput Oqaloqatiginninnerit: Ingerlaavartumik ingerlanneqassapput

Atorfik ugguuna qinnuteqarfigiuk