Royal Arctic Line A/S teknikkimut nakkutilliisoq pissarsiorpoq

Fakta

Atorfiup suussusaa: Royal Arctic Line A/S teknikkimut nakkutilliisoq pissarsiorpoq

Suliffeqarfik: Royal Arctic Line A/S

Qinnuteqarfissamut killigititaq: 9. januar

Attavissaq: Anders Bay Larsen E-mailikkut: abl@ral.gl imaluunniit oqarasuaatikkut +299 34 91 25

Suleqatigiit ulapporissut suleqataaffigilikkit teknikkimullu tunngasunut nakkutilliisutut umiarsuaatileqatigiiffiup umiarsuaataanik ingerlatsineq suleqataaffigilerlugu! Umiarsuarnik atortorissaarutinillu allanik teknikkikkut ingerlatsinikkullu aserfallatsaaliuinerup, misissuisarnerup nakkutilliisarnerullu isumagineqarnissaannut akisussaaffeqarlutit suleqatigiinni qitiusumik inissisimassaatit, peqatigisaanillu ataatsimoorussamik anguniagaqarnitsinni kivitseqataallutillu pingaarnertut suliassatsinnik ikorfartueqataassaatit.

Royal Arctic Line A/S-imut teknikkimut tunngasunut nakkutilliisussamik pissarsiorpugut. Head of Fleet Management attaveqarfigalugu Nuummi ingerlatsinermut immikkoortortaqarfimmi suleqatitit peqatigalugit umiarsuaatileqatigiiffiup umiarsuaataani ingerlatsinermut tunngasut tamaasa suliassarissavatit. Suliassaqarfik siammasissuuvoq tamatigoortuullunilu, suliffeqarfiullu avataani suliffeqarfimmilu soqutigisallit annertuumik attaveqarfigalugit sulissaatit.

Sulinermi avatangiiserisatta ataatsimooqatigiinneq ilisarnaatigivaat – Royal Arctic Linemilu illit inuttut sulisutullu atugarissaarnissat pingaartipparput. Sulisussatsinnik ´Aaqqissavarput´ aamma ´Anguniagaqaqatigiippugut´ oqaasiinnaatinnagit sulinermi tunngavissatut atornissaannut kajumissusilimmik pissarsiorpugut.

Suliassat tassaanerussapput:

Suliassatit tassaapput Royal Arctic Linep umiarsuaataanut immikkoortuinullu allanut tamanut teknikkikkut kiisalu ingerlatsinermut aserfallatsaaliuinermullu tunngasunik ikiuinissap isumaginissaa.

Suliassanik umiarsuarnik ingerlatsinermut tunngasunik assigiinngiiaartunik pilersaarusiornissaq ataqatigiissaarinissarlu akisussaaffigissavat kiisalu ingerlaavartumik malitseqartitsisoqartarnissaa piffissaliussallu eqquutsinneqartarnissaat qulakkeertarlugu. Aammattaaq suleqatiginnillaqqissuunissat pingaaruteqarpoq, peqatigisaanillu aamma naatsorsuutigineqartut piumasaqaatigineqartullu ersarissumik paasiuminartumillu paasissutissiissutigisinnaassavatit.

Suliassat takkussortut tamalaat saniatigut suliassatit ilaatigut tassaassapput:

· Umiarsuaatileqatigiiffiup umiarsuaataanik nakkutilliineq misissuinerlu, amusinissanik pilersaarusiornerit ingerlannissaallu ilanngullugit

· Suliffeqarfissuup umiarsuaataani isumannaallisaaneq sulinermilu atukkat pillugit ingerlaavartumik malinnaatitsineq nutarterinerlu

· Missingersuusiorneq naatsorsuutinullu ingerlaavartumik malinnaatitsineq

· Umiarsuaatileqatigiiffiup umiarsuaataanik ingerlatsinermut tunngatillugu suliffeqarfissuarmi immikkoortortaqarfinnik suliaqarfinnillu allanik ikiuineq suleqateqarnerlu, aamma atorfimmut atatillugu angalasarnissaq naatsorsuutigineqassaaq

· Umiarsuaatileqatigiiffiup upalungaarsimatitaanut peqataaneq

Takorloorparput:

Imarsiornerup iluani ilinniagaqarneq, soorlu assersuutigalugu maskinmesteritut, skibsingeniøritut, imaluunniit allamik ilinniagaqarneq, teknikkimut tunngasunut nakkutilliisutut atorfeqarnissamut ilinnut piginnaasaqalersitsisutut isigisannik. Ilinniarninnut atatillugu umiartorsimaguit iluaqutaassaaq.

Imaassinnaavoq ukiunik marlussunnik misilittagaqartutit, ilinniakkannilli naammassinneqqammeruit aamma qinnuteqarnissannut tikilluaqqusaavutit. Ilinniarnissamut kajumissuseqarluarnissat aammalu suleriaaserisanni piumassuseqarluarnissat pingaarnerpaajuvoq.

Iluaqutaassaarlu:

· umiarsuaatileqatigiiffinni sulinermut ilisimasaqarneq, umiarsuarnut tunngatillugu teknikkimut allaffissornermullu tunngasunut malittarisassat inatsisillu ilanngullugit.

· IT-mik atuinermut ilisimasaqarluarneq (Office pakke), iluaqutaassaarlu D365, Sertica aamma Seahealth ilisimasaqarfigigukkit.

· Avatangiisini ulapiffiusuni sulinissat nuannarivat, suleqatigiinnermillu pitsaasumik pingaartitsisuullutit, pingaartumik suleqatit akornanni – imarsiortut nunamiittullu eqqarsaatigalugit.

· Kalaallisut oqalussinnaaguit iluaqutaassaaq. Tamatuma saniatigut danskisut tuluttullu allassinnaallutillu oqalussinnaassaatit.

Neqeroorutigaavut:

Suliffeqarfik sulinermi ilinniarnissamullu avatangiisinik pitsaasunik atugassaqartitsinissamut atugarissaarnissamik ataatsimooqatigiinnissamillu pingaartitsisoq. Suliffeqarfimmi atuuffik soqutiginartoq, suliatigut naammassisartakkatit nersorneqarlutillu pingaartinneqartarlutik, aammalu ulluinnarni sulinermi ´Anguniagaqaqatigiippugut´-mik tunngaveqarneq malugisinnaassavat. Tamatuma saniatigut aamma neqeroorutigaavut:

· Sulinermi avatangiisit isumannaallisaanermik atugarissaarnissamillu pingaartitsiffiusut, kulturilu nukittooq ataqqeqatigiinnermik paaseqatigiinnermillu tunngaveqartoq suleqataaffigilissavat.

· Piffissat suliffiusut eqaatsut aamma sulinerup suliffiullu avataani inuunerup oqimaaqatigiissinnissaannik ukkataqarluarneq

· Piginnaasatit tunngavigalugit aningaasarsiassat unammillersinnaasut atugassarititaasullu allat

Suliassanik imarsiornermut tunngasunik pingaartitaqaruit siammasissumillu attaveqarfeqarneq nuannarigukku suliffik una ilinnut tulluarpoq.

Ataatsimooqatigiinnerput suleqataaffigileruk umiarsuaatittalu pitsaasumik isumannaatsumillu ingerlanneqarnissaannik qulakkeerinneqataallutit!

Paasissutissat sukumiinerusut

Atorfik pillugu paasisaqarnerorusukkuit Umiarsualerinermut pisortaq Anders Bay Larsen E-mailikkut abl@ral.gl-imut oqarasuaatikkulluunniit +299 34 91 25-mut attaveqarfigisinnaavat.

E-mailikkut qinnuteqaatinik tigusineq-ajorpugut, nittartakkatsinnit qinnuteqassaatit.

Atorfininneq: Sapinngisamik piaarnerpaamik, qinnuteqartorli uatsinnut tulluarneq utaqqisinnaavarput. Qinnuteqarfissaq kingulleq: 09-01-2025 Qinnuteqaatit: Ingerlaavartumik suliarineqassapput Oqaloqatiginninnerit: Ingerlaavartumik ingerlanneqassapput

Atorfik ugguuna qinnuteqarfigiuk