Royal Arctic Line A/S Attaveqaqatigiinnermut Nittarsaassinermullu pisortassarsiorpoq
Immikkoortortaqarfimmi pisortassamik tunniusimasumik siumullu pilersaarusiorsinnaassuseqarluartumik pissarsiorpugut suliffeqarfiup ilisarnaataanik nukittorsaaqataallunilu niuernikkut anguniagaanik tunniusseqataasussamik.
Atorfik pillugu
Attaveqaqatigiinnermut nittarsaassinermullu pisortatut pisortaanerup tullersortaata ataani inissisimassaatit suleqatigiillu assiliartalersuisartumik, nutserisumik attaveqaqatigiinnermullu siunnersortimik inuttallit siuttuuffigalugit. Attaveqaqatigiinnermut nittarsaassinermullu periusissiap nutaaliornermik imallip timitalersornissaanut pingaarutilimmik inissisimassaatit, taamaasillutit suliffeqarfiup saqqumilaarneranik qaffassaaqataallutit avammut attaveqaatit assigiinngitsut annertusaaqataaffigissallugit.
Pingaarnertut akisussaaffigissavatit:
- Pilersaarusiornermik aqutsineq: Ilisarnaaterput niuernikkullu ineriartortitsinerput tunngavigalugit attaveqaqatigiinnermut nittarsaassinermullu periusissiamik suliaqarneq timitalersuinerlu
- Suleqateqarneq niuernikkullu ineriartortitsineq: Aqutsisoqatigiinnut siumut isigisumik avitseqatigiittarnerit suliffeqarfiullu iluani ataatsimoorussamik sulliviusunik pingaarutilinnik suleqatigiinnermik nukittorsaaneq
- Suliniutinik aqutsineq: Immikkoortortaqarfiup suliassai pilersaarusiorfigalugit pingaarnersiorlugillu suliniutillu avammullu saqqummersitani takoqqusaarutit sapinngisamik pitsaanerpaamik naammassineqarnissaannik qulakkeerinninneq
- Suleqatigiinnik aqutsineq: Suleqatigiit aqutsisuuffigisavit tunniusimasumik pitsaasumillu ingerlanissaannik kajumissaarisumik ineriartorfiusumillu aqutsisuuffigissavatit.
- Attaveqaqatigiinnermi suliassat: Attaveqaqatigiinnermi atortussiat tamaasa qaffasissumik pitsaassuseqarnissaat qulakkeertassavatit nittarsaassillunilu avammut saqqummiullugit takoqqusaarutit attaviit digitaliusut digitaliunngitsullu aqqutigalugit naammassisassallugit.
Neqeroorutigaagut
Suliffeqarfitsialak pissanganartoq avatangiisigissaartorlu, suleqatit tunniusimasut unammilligassallu pissanganartut. Suliffeqarfimmi patajaatsumik inissisimasumi aqutsinerup, ineriartornerup sulisunillu piginnaanngorsaajuarnerup qitiutinneqarfianni sulilissaatit. Taamatuttaaq neqeroorutigaagut:
- Immikkut periarfissaqassaatit suliffeqarfiup attaveqaqatigiinnermut nittarsaassinermullu periusissiaata sunneeqataaffiginissaanut
- Aningaasarsiat niuernikkut malinnaasut saniatigullu suliffimmi atugassarititaasunut naapertuuttut misilittakkannut piginnaasannullu naleqquttut.
- Suliffeqarfik pissanganartoq avatangiisillu allanngorartut suliffeqarfiup iluani immikkoortortat assigiinngitsut suleqatigiiffiusut.
- Atorfik ingerlatseqatigiiffimmut sunniuteqarluartoq aamma sulisunut ingerlatseqatigiiffiullu pilersaarusiornermik ineriartorneranut akisussaaqataasoq.
Illit pillutit
- Attaveqaqatigiinnerup, nittarsaassisarnerup, tusagassiuutilerinerup assigisaasaluunniit iluani ingerlaqqiffiusumik ilinniagaqarsimassaatit.
- Ikinnerpaamik ukiuni tallimani attaveqaqatigiinnermut aamma/imaluunniit nittarsaassisarnermut misilittagaqassaatit, matuma iluani aamma uppernarsarneqarsinnaasumik aqutsinermik misilittagaqassallutit.
- Pilersaarusiornermik takunnissinnaassuseqarluarnermillu pigisaqassaatit attaveqaqatigiinnermullu nittarsaassinermullu sulianik ineriartortitsinermik timitalersuinermillu misilittagaqassallutit.
- Suliniutinik aqutsinermut misilittagaqarluassaatit digitalitigullu attaveqaqatigiinnerit inoqatinullu attaveqaatit misilittagaqarfigissallugit.
- Allannikkut oqalunnikkullu pitsaasumik attaveqarsinnaassuseqassaatit tunniusimanissamillu pilersitsisinnaaneq suleqatigiissitsisinnaanerlu kajumissuseqarfigissallugu.
Paasisaqarnerorusukkuit
Atorfik pillugu paasisaqarnerorusukkuit pisortaanerup tullia Aviâja Lyberth Lennert saaffigisinnaavat uunga sianerlutit 34 91 03 imaluunniit uunga allallutit avll@ral.gl
Qinnuteqaatit e-mailikkoortut suliarineq ajorpagut.
Atorfinitsitsinissaq: piaarnerpaamik, eqqortulli atorfinitsinnissaa salliutinneqassaaq
Qinnuteqaatit: ingerlaavartumik suliarineqassapput
Oqaloqatiginninnerit: ingerlaavartumik suliarineqassapput
Qinnuteqarfissaq kingulleq: februaarip 10-ani, nal. 12:00
Qinnuteqarnissamut killissarititaasoq: februaarip 10.-at, 2025