Royal Arctic Line A/S Aserfallatsaaliuinermut Pisortassarsiorpoq

Fakta

Atorfiup suussusaa: Royal Arctic Line A/S Aserfallatsaaliuinermut Pisortassarsiorpoq

Suliffeqarfik: Royal Arctic Line A/S

Qinnuteqarfissamut killigititaq: 9. januar

Attavissaq: Anders Bay Larsen oqarasuaatikkut +299 34 91 25 imaluunniit emailikkut abl@ral.gl.

Aserfallatsaaliuinermut Pisortassamik aqutsillaqqissumik suliffeqarfimmi nutaaliaasumi ulluinnarnilu assigiinngiiaartunik suliaqarfiusumi suleqataarusuttumik pissarsiorpugut

Aserfallatsaaliuinermut Pisortanngortoq aserfallatsaaliuinerup pitsaasuunissaanik atortunullu assakaasulinnut tamanut tunngatillugu ingerlatsinermik qulakkeerinnissaaq, kiisalu aamma Royal Arctic Line A/S-ip namminerisaminik illuutaata aserfallatsaaliorneqarnerannik qulakkeerinnissalluni.

Suliassat tassaanerussapput:

· Nunami ingerlatanut tamanut aserfallatsaaliuinissamik pilersaarutinik piviusunngortitsineq

· Aserfallatsaaliuinerup pitsaasuunissaata kiisalu atortunik assakaasulinnik tamanik ingerlatsinermik qulakkeerinninnissamut periusissianik iliuusissatullu pilersaarutinik suliaqarneq

· Suliffeqarfiup nuna tamakkerlugu illuutaanik ingerlaavartumik aserfallatsaaliuisoqarnissaanik qulakkeerinninnissaq

· Sullivinnut, qitiusumik quersuarmut, reeferinik iluarsaassinermut ulluinnarni aqutsisuuneq

· Illuutinik aserfallatsaaliuinermut ulluinnarni aqutsisuuneq

· Atortunut assakaasulinnut illuutinullu missingersuutit akisussaaffiginerat

· Sanaartornermi teknikkikkut suliniuteqarnermut tunngatillugu pilersaarusiornermut tunngasunik suliaqarneq

Qinnuteqartumut naatsorsuutigisagut:

· Teknisk ingeniøritut, maskinmesteritut suliatigulluunniit allatigut naleqquttumik ilinniakkamik tunuliaqutaqarneq

· Aqutsinermut piginnaasaqarluarneq – tamatumunnga ilanngullugu sulisunut kajumilersitsisinnaaneq, isumassarsiortitsisinnaaneq ineriartortitsisinnaanerlu

· Attaveqarnissamut piginnaasaqarluarneq, tamatumunnga ilanngullugit isumaqatiginninniallaqqissuuneq isumaqatigiinniarnermilu periutsit misilittagaqarfiginissaat

· Kalaallisut, danskisut tuluttullu allattariarsornikkut oqaluttariarsornikkullu piginnaasaqarluarneq

· Angalasarnissap ammaffiginissaa

Neqeroorutigaavut

Suliffeqarfik atugarissaarnissamik ataatsimooqatigiinnermillu pingaartitsisoq, sulinermut ilinniarnissamullu avatangiisit pitsaasut pilersikkumallugit. Aaqqissuussaaneq uagut piinnarata illilli iluatsitsilluarnissannik tunngaveqarluni ingerlatsisoq piginnaasannillu ineriartortitseqataarusuttoq.

Tamatuma saniatigut neqeroorutigaagut

Akissarsiat ajunngitsorsiassallu unammillersinnaasut misilittakkannut piginnaasannullu naapertuuttut
Suleqatigiit nukittuut sulinermilu avatangiisit pitsaasut

Pinerlussimannginnermut allagartaq

Qinnuteqartut tamarmik pinerlussimannginnermut allagartamik naammaginartumik takutitsissapput.

Paasissutissat sukumiinerusut Paasissutissat sukumiinerusut Umiarsualerinermut pisortaq Anders Bay Larsen +299 34 91 25-mut imaluunniit e-mailikkut abl@ral.gl-imut saaffigalugu pissarsiarineqarsinnaapput.

E-mailikkut qinnuteqaatinik tigusineq ajorpugut, nittartakkatsinnit qinnuteqassaatit.

Atorfininneq: Sukkanerpaamik, qinnuteqartorli uagutsinnut tulluarneq utaqqisinnaavarput.

Qinnuteqarfissaq kingulleq: januar 9-ni 2025

Qinnuteqaatit: ingerlaavartumik suliarineqassapput

Oqaloqatiginninnerit: Nuummi ingerlaavartumik ingerlanneqassapput

Atorfik ugguuna qinnuteqarfigiuk