Regnskabschef Sisimiut
Inissisimaneq pillugu:
Naatsorsuuserinermi pisortatsitut nutaatut kreditorinut debitorinullu naatsorsuuserivimmut pingaarnertut aqutsinermik akisussaaffeqassaatit aammalu sulininni ilinnik tapersersuisussanik pikkorissunik naatsorsuuserisunik suleqateqassaatit. Naatsorsuutinut eqqortumik ikkussuinitsinni eqqoqqissaarnissaat qulakkeernissaani qitiusumik inissisimassaatit, suleriaatsinik ineriartortitsinermut siuttuussaatit aammalu Aningaasaqarnermut pisortaq peqatigalugu qaammatikkaartunik ukiumoortunillu nalunaarusianut kommunip kisitsisaataanik piareersaaneq, qaammatikkaartumik ukiumoortumillu nalunaarusianik inaarutaasumik suliaqarnermut peqataaneq.
Ukiuni aggersuni ERP iluani, Akissarsianut aamma Suliartornermut soraarnermilu nalunaarsuiffiup iluani sullississutinik nutaanik kommunit allat aamma namminersorlutik oqartussat peqatigalugit kommuni atuutsitsilissaaq.
Atorfik una nutaatut pilersitaavoq, tamatumalu immikkoortortap ilusiligaaneranni ingerlatsinernilu kiisalu kommunimi tamarmiusumi aningaasaqarnermik aqutsinerup nukittunerulernissaanut inuttut sunniuteqarsinnaanermut nalissaqanngitsumik periarfissippaatit.
Suliassat akisussaafeqarfiillu:
- Pitsaassutsimik qulakkeerinninneq: Controllerit suleqatigalugit naatsorsuutinut ikkunneqartut tamarmik qaffasissumik pitsaassuseqarnissaasa qulakkeernissaat aammalu naatsorsuuserinermi periusaasunik atuuttunik malitsitsinissamut isumaginninneq.
- Suliat ingerlanneqarnerat: Aningaasaqarnermut immikkoortortamut sullississummik ESDH-mik atuutsitsilernissamut piareersaataasutut suliat ingerlanneqarnerata uppernarsarneqarnissaanik Aningaasaqarnermut immikkoortortap iluani suliaqarneq.
- Nalunaarusiortarneq: Aningaasaqarnermut pisortamik suleqateqarluni qaammatikkaartumik ukiumoortunillu nalunaarusianik suliaqarneq aammalu missingersuutit ingerlanneqanreranni peqataaneq.
- Paasissutissanik ingerlanneqartunut takunnissinnaaneq: Aalajangiinissamik ingerlatsinernut pitsaanerusunut paasissutissiinerusunullu kommunip PowerBI MIS atorlugu nalunaarusiortarneranik ineriartortitsinerup ingerlaannarnissaa pillugu aningaasaqarnermut pisortamik qanittumik suleqateqarneq.
- Periusissiaqarluni misissuineq: Kommunip immikkoortortai assigiinngitsut akimorlugit paasissutissat ataatsimoortinniarlugit misissorniarlugillu assersuutigiinnarlugu ilinniartitaanermut immikkoortortaqarfiup iluani paasissutissanik katersanik (datakuber) aningaasalersugassaanngitsut ineriartortinneqarnerannut peqataaneq.
- Systeminik ineriartortitsineq: Akissarsialerinermut systemit, ERP-mik sullississut kiisalu suliartornermi soraarnermilu nalunaarsuiffik ilanngullugit aningaasaqarnikkut systeminik nutaanik nutarterinermut atuutsitsilernermullu peqataaneq.
- Automaatinngorsaaneq nutaaliornerlu: Naatsorsuuserivitsinni ingerlariaatsitsinik naammassisaqarnerulersitsisumik pitsanngorsaasumillu RPA/AI-nik sullississutinik atuutsilersitsineq.
Sisimiut
Sisimiut Kalaallit Nunaanni illoqarfiit annersaasa tullerivaat aammalu qaqqanit pinngortitamillu ungalusimalluni sinerissap eqqaani avatangiisini kusanartuni inissisimavoq. Illoqarfik 5.600-t missaanik amerlatigisunik innuttaasoqarpoq sunngiffimmilu arlalinnik sammisaqarfiusinnaasunut appakaaffeqarluni immikkoorluinnartumik inuuneqarnissamik periarfissiisoq. ATV-nik angalaarnerit qamuteralannillu angalaarnerit saniatigut assigiinngitsunik sammisaqarsinnaavutit, soorlu Sisimiuni silami inooriaatsimut immikkut ilaasunut tassa ujakkaarneq, imaatigut angalaarneq, qimusserneq fatbike-t atorlugit sikkilerneq.
Kinaavit?
Controlleritut malunnaatilimmik sulianik misilittagalimmik imaluunniit ilinniarnermi suliffigisimasanit naatsorsuuserinermi suliaqarnermik misilittagalimmik ilinniarnermik naammasseqqammersumik anguniagaqartuusumik suliatigut nukittuumik tunuliaqutaqartumik naatsorsuuserisumik tunniussimasumik pissarsiorpugut. Naatsorsuuserivitsinnik ineriartortitsiinissamut piumassuseqassaatit aammalu ingerlatsinerni tamani eqqoqqissaartoqarnissaa qulakkeerlugu.
Illiorpasippa?
Pinngortitami misigisanik nalissaqanngitsunik aammalu pissanganartunik unammillernartunik sulinerit ataatsimoortikkusuppiuk, taava Sisimiuni atorfik una ilinnoorsimassaaq. Qeqqata kommunianut siunissaq ilusilersornerani suleqatigiit pikkorissut Sisimiullu ilagilerlitit.Qeqqata Kommuniani akissarsiat inissinneqarnerat Kalaallit Nunaanni Namminersorlutik Oqartussat kommunillu ataani allaffissornikkut pisortanut akissarsiat atorfinitsitaanermilu atugassarititaasut pillugit Naalakkersuisut aamma Akademikernes Sammenslutning Grønland (ASG) akornanni isumaqatigiissummi LE 36 (pkt 32) aallaaveqarpoq.
Maannakkut qinnuteqarit aammalu Kalaallit Nunaata uummmataani suleqatigiit tunniussimasut ilagilikkit!
Qinnuteqaat imminullu ilisaritinneq nassiunneqassapput aammalu Aningaasaqarnermut pisortaq Peter Munch Eriksen oqarasuaat +299 243253 imaluunniit e-mail: pmer@qeqqata.gl atorlugit attaveqarfiginissaanut tikilluaqqusaavutit.
Qinnuteqarnissamut killissarititaasoq: januaarip 29.-at, 2025