Qaqortumi Inuusuttut Inaat immikkoortortami aqutsisussarsiorpoq
Inuusuttut Inaanni meeqqanut suliniarnitsinnut nukittorsaaqataarusuppit? Akisussaassuseqartuuit kiisalu meeqqanut inuusuttuaqqanullu toqqissisimanermik assigiiaanillu atugaqartitsinissamik tunniussinnaavit?
Inuusuttut Inaat nuna tamakkerlugu meeqqanut inuusuttunullu 0-niit 18-inut ukiulinnut sumiginnakkanut ullu unnuarlu paaqqinnittarfiuvoq.
Paarsivik Namminersorlutik Oqartussat ataanni Isumaginninnermut Aqutsisoqarfimmut atasuuvoq.
Malinnaalluarsinnaasumik immikkoortortami aqutsisussarsiorpugut, sulianik aaqqissuisinnaasumik kiisalu sulisunut sullitanullu saaffissaasinnaasumik. Siunertaq takusinnaagukku taavalu immikkoortortamik meeqqap ineriartorneranik atugarissaarnissaanillu pingaartitsiviusumik suleqateqarlutit iliuusissanillu pilersaarusiorsinnaaguit, taava tusarfiginissat assut soqutigaarput.
Atorfik 1. november 2024 imaluunniit isumaqatigiissuteqarnikkut inuttalerneqassaaq.
Atorfik pillugu
Immikkoortortaqarfimmi ulluinnarni aqutsinermik isumaginninneq
Immikkoortortaqarfimmi sulisut ataatsimiinnissaannik pilersaarusiorneq siulersuinerlu, kiisalu aalajangiussanik malitseqartitsineq.
Piffissanik suliffinnik pilersaarut pilersaarusiorsinnaallugu nutartertarlugulu.
Ulluinnarni sulineq suliallu pillugit isumaliortaatsit ataqatigiilersissinnaallugit.
Ilisimasaqarluni anguniakkat, aaqqissugaaneq sinaakkutillu aalajangersakkat naapertorlugit sulisoqarnissaa qularnaassallugu.
Killiffiit pillugit nassuiaasiorneq, ineriartortitsinissamut pilersaarusiorneq ilisimatitsissutissaliornerillu
Sulisunik nutaanik tigusineq ilisarititsinerlu
Neqeroorutigaavut:
Suliassat assigiinngissitaartut.
Suliffeqarfik pissanganartoq ataavartumillu ineriartortoq.
Pikkorissarnerit, ilinniakkamik qaffasssaaneq isumasioqatigiinnerillu.
Suliat inuttullu atukkat pillugit oqilisaassilluni oqaloqatiginninneq
Naatsorsuutigaarput
Tunniusimallutit sulisartutit Inuusuttut Inaata anguniagai, pingaartitai ineriartortitsinermilu suliniutai eqqarsaatigalugit.
Sulisartutit akuutitsillutit, akuersaarlutit malitseqartitsisarlutillu.
Sulisut naligiillutik suleqatigiinnerannut peqataasinnaasutit
Suliffimmi inuiaat assigiinngitsut akornanni suleqataarusussuseqartutit
Pigaartussanut pilersaarummut ilanngutissasutit, pilersaarummilu unnukkut weekendinilu pigaartuusarnissaq ilaavoq.
Atorfimmut qinnuteqartut perorsaasutut ilinniarsimasuussaaq imaluunniit ilinniakkamut assigusimik ilinniarsimasuussaaq aammalu suliap qanoq ittuussusia pillugit kalaallisut oqalussinnaasariaqarlutik, taamaammat marluinnik oqaasillit piumaneqarnerussallutik.
Paasissutissat sukumiinerusut pissarsiarineqarsinnaapput oqarasuaammut 642117 imaluunniit inuusuttut@inaat.gl-mut saaffiginnilluni
Inuusuttut inaat takuuk uani. www.uupi.gl
Qinnuteqarfissaq kingulleq 01. oktober 2024
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.