Prinsesse Margrethep Meeqqat angerlarsimaffia ataatsimik aningaasaqarnermut fuldmægtigissarsiorpoq
Prinsesse Margrethep Meeqqat Angerlarsimaffianut tunngasoq:
Prinsesse Margrethep Meeqqat angerlarsimaffia Kalaallit Nunaanni Tunumi Tasiilamiippoq ulloq unnuarlu paaqqinnittarfik Namminersorlutik Oqartussani Isumaginninnermut Aqutsisoqarfimmit aqunneqartoq. Ulloq Unnuarlu Inissitsiterinermullu Immikkoortortaqarfik akisussaasutut aqutsisuupput.
Prinsesse Margrethep Meeqqat angerlarsimaffia meeqqanut inuusuttunullu marlunnik immikkoortortaqarpoq aamma Nasippimi immikkoortortaq (satellit) tassungalu atasoq ulluunerani paaqqinnittarfik Qaaliaaq.
Immikkoortortaqarfiit taakku marluk ima inuttalerneqarsimapput, eqimattammi Mikisumi qulingiluat eqimattamilu Angisuumi qulingiluat pingasunit 14-inut ukiullit. Meeqqat amerlanerit Tasiilameersuupput eqqaanilu nunaqarfimmeersuullutik. Meeqqat inuuttut misigissutsikkullu ajornartorsiuteqarsinnaapput, isumassorneqarluarnissamik, ilusilersukkamik inuuneqarnissamik inersimasumillu aalajaatsumik attaveqarnissamik assut pisariaqartitsisinnaallutik.
Nasippi ulloq unnuarlu paaqqinnittarfiuvoq inersimasunut arfinilinnut timikkut tarnikkullu piginnaasakillisimasunut ilaannakortumik nammineersinnaasunut. Innarluutilinnut immikkoortup ataani (satellit) illersukkamik sannaveqarpoq, Qaaliaaq, tassanilu najugaqartut illersugaasumi akissarsiaqarlutik suliffeqarsinnaapput. Sannavimmi inuit akornanniinnissaq atuisullu sanalunnissaat pingaarnerpaapput.
Prinsesse Margrethep Meeqqat angerlarsimaffia nunaqarfimmi inuerunnikumi illuaraateqarpoq, angallateqarpoq, timersortarfeeraqarpoq qamuteralaateqarlunilu. Taakkua meeqqanut peqataasunullu sammisassaqarnissamut periarfissaqarluartitsipput.
Tasiilaq pinngortitami kusanarluinnartumiippoq aamma piniarnermik aalisarnermillu pinngortitami ukioq naallugu misigisassaqartitsisarluni. Illoqarfimmi ilaatigut timersortarfeqarpoq timigissartarfilimmik, silami arsaattarfik nutaaq, sisorartarfik majuartaatilik, meeqqanut annernut atuarfik sunngiffimmi ornittagalik, ulluunerani paaqqinnittarfik pisiniarfiillu arlallit.
Suliassatit makkuussapput:
- IRIS-imi konteriinerit
- Kommuninut akiligassaliornerit
- Qaammammoortunik ukiumoortunillu oqimaaqatigiisitsinerit
- Pisortamut naatsorsuusiorneq pillugu siunnersuineq
- Angalanissanik unnuiffissanillu inniminniinerit
- Atorfinitsitsinissamut/soraarsitsinissamullu innersuussutit
- Missingersuutinik malitseqartitsineq
- Naatsorsuutit killiffiisa kontuinik misissuinerit
- Naatsorsuutinut nalunaarsuinermi aamma pequtit allattorsimaffiinik suliaqarneq
- Angalanermi ullormusiassanik suliaqarneq
- Akunnermut qaammammullu akissarsianik suliaqarneq
- Atisarsiniutissanik kaasarfimmiussanillu tunniussineq
- Suliassat takkussuuttut nalinginnaasut
Makkuninnga piginnaaneqassasutit naatsorsuutigaarput:
- Aningaasaqarnermik/naatsorsuuserinermik attuumassutilimmik tunuliaquteqartutit
- IRIS kiisalu Ledelsesinfo-mik atuisinnaasoq
- Paaqqinnittarfimmi suliassanik nammineerlutit akisussaaffimmik tigusisinnaassuseqartutit.
- Tamakkiisumik suliaqarsinnaanermut peqataaneq, kiisalu oqartussat assigiinngitsut suleqatiginissaannut piumassuseqarneq.
- Qiimasuuvutit, sapiissuseqarlutit aamma qungujunnartunik nuannarisalik
- Kalaallisut oqaaseqartuuvutit
Qinnuteqarneq
Qinnuteqarnissamut killigititaasoq tassa ulloq 24.09.2024
Atorfinitsitsiniarnermi oqaloqatiginninnerit tamatuma kinguninngua pissasut naatsorsuutigineqarpoq.
Ulloq atorfiniffissaq: 01.10.2024. -mi isumaqatigiinnikkulluunniit.
Paasissutissat amerlanerusut
Atorfik pillugu paasissutissanik amerlanerusunik pissarserusukkuit, tikilluaqqusaavutit attavigissallugu forstander Olga Maratse, olmae@nanoq.gl-imut imaluunniit oqarasuaat +(299) 98 35 10
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Sapaatip akunneranut 40 tiimit suliffiussapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job