Prinsesse Margrethe meeqqat angerlarsimaffiat Perorsaasussarsiorpoq
Tasiilami Prinsesse Margrethep Meeqqat angerlarsimaffia perorsaasussarsiorpoq
Meeqqat inissinneqarsimasut pillugit suliaqarusuppit allanngueqataarusuppillu? Taamaappat illerpiaq ujartorpatsigit..
Prinsesse Margrethep Meeqqat Angerlarsimaffianut tunngasoq
Prinsesse Margrethep Meeqqanut Angerlarsimaffia Tasiilami Kalaallit Nunaata kangiani inissisimavoq, meeqqallu angerlarsimaffiat Namminersorlutik Oqartussanit ingerlanneqartoq Meeqqanut Inuusuttunullu marlunnik immikkoortortaqarfeqarpoq, meeqqanut inuusuttunullu 18-inut, isumassorneqarnerannik sivitsuiffigineqarsinnaasunik 0-14-inut ukiulinnut inissaqarpoq. Piffissat ilaanni sivikitsumik atuuttussamik, inissiigasuartoqarnerani inissat amerlineqarsinnaasarput. Meeqqat inissinneqarsimasut isumassorneqarnissamik sumiginnarneqarlutik imaluunniit atornerluiffiusumi peroriartornikuupput, pingaartumik Tasiilameersuupput nunaqarfiillu eqqarisaaniittut.
Meeqqanut Inuusuttunullu immikkoortortaqarfiit saniatigut inersimasunut innarluutilinnut arfinilinnut ulloq unnuarlu paaqqinnittarfeqarpoq, Nasippi. Nasippip immikkoortortaqarfiata ataani inersimasunut innarluutilinnut ulluunerani neqerooruteqartoqartarpoq, ilaatigut Nasippimit ilaatigullu illoqarfimmit. Immikkoortortaqarfiit akornanni suleqatigiittoqartarpoq, ataatsimoorussamillu aaqqissuussisoqartarluni.
Meeqqanut angerlarsimaffik nunaqarfimmi inuerunnikumi illuaraateqarpoq, angallateqarpoq, minihaliuteqarpoq qamuteralaateqarlunilu.
Tasiilaq pinngortitamiippoq kusanarluinnartumi aammalu piniarnermik aalisarnermillu pinngortitami ukioq naallugu misigisassaqartitsisarluni. Illoqarfimmi ilaatigut timersortarfeqarpoq timigissartarfilimmik, silami arsaattarfik nutaaq, sisoratarfik majuartaatilik, meeqqanut annernut sunngiffimmi ornittagaq, ulluunerani paaqqinnittarfik aammalu pisiniarfiit arlallit.
Atorfinnut tunngasut
Tullinnguuttunik isumagisaqarnissannut piareersimassaatit:
• Iliuusissanut pilersaarusiorneq, nalunaarutiginninnerit ilisimatitsinerillu.
• Illup iluani avataanilu, assersuutigalugu atuarfimmik kommunimillu ataatsimeeqateqarnermi peqataaneq
• Immikkoortortaqarfimmi suliatigut anguniakkat aallaavigalugit sulisoqarnissaanik qulakkeerinninneq
• Immikkoortortaqarfimmi periusissaq killiliussallu tunngavigalugit sulisoqarnissaanik qulakkeerinninneq
• Immikkoortortaqarfimmi meeqqanut sulisunullu pitsaasumik inooqatigiilluarnermik qulakkeerinninneq
• Killiffiit pillugit nassuiaasiorneq, ineriartortitsinissamut pilersaarusiorneq ilisimatitsissutissaliornerillu
• Angajoqqaanik pingaarnertut suleqateqarnermi siulersuineq
• Sulisunik nutaanik isumaginninneq ilisarititsinerlu
Neqeroorutigaavut
• Suliffeqarfik, immikkoortortaqarfimmi pisortatut meeqqanut ataasiakkaanut imaluunniit najugaqartunut pitsaanerusumik ineriartortitseqataaffigisinnaasat
• Suliffeqarfik meeqqat toqqissisimanartumik ineriartorfiusumilu atugaqarnissaannik qitiutitsisoq
• Suliffeqarfik suliatigut ineriartortitsinissamik pitsaasumillu avatangiiseqarnissamik qitiutitsisoq
• Suliffeqarfik pitsaasunik sulisulik
• Suliffeqarfik nammineq minihalini atorlugu meeqqat peqatigalugit sammisassaqartitsilluarsinnaasoq
• Suliffeqarfik meeqqat peqatigalugit pinngortitami pisuttuarnissamut aamma qamuteralaat angallalluunniit atorlugit angalaarnissamut periarfissaqartitsisoq
Naatsorsuutigaarput
• Atuarsimassuutit perorsaanikkut, teoretiskimik ilinniagaq naapertuuttoq tunuliaqutarissagit
• IT-mut ilisimasaqartutit
• Inuttut sulisutullu maligassiuilluarsinnaasuusutit
• Meeqqat angerlarsimaffiata anguniagaanut naleqartitaanullu kiisalu ineriartortitsilluni suliniutigisartagaanut tunngatillugit aalajaatsumik sulerusussuseqartutit
• Inussiarnersuusutit ataqqinnittuusutillu
• Sulisut naligiillutik suleqatigiinnerannut peqataasinnaasutit
• Suliffimmi inuiaat assigiinngitsut akornanni suleqataarusussuseqartutit
• Marlunnik oqaaseqartuusutit, kalaallisut qallunaatullu, tamannali piumasaqataanngilaq
• Pigaartussanut pilersaarummut ilanngutissasutit, pilersaarummilu unnukkut weekendinilu pigaartuusarnissaq ilaavoq.
Straffeattest
Una atorfik piumaqataassutaavoq inatsimmit tunniunnissait straffeattest ammalu børneattest. Inatsit malillugu atorfininnissamut uani peqqaartariaqarmat straffeatst tunniunnissaat Prinsesse Margrethes Børnehjem-mut.
Paasissutissat sukumiisut
Atorfik pillugu paasisaqarnerorusukkuit Immikkoortortaqarfimmi pisortaq Olga Maratse attavigissallugu tikilluaqqusaavutit, oqarasuaatit +299 983510 imaluunniit maili: olmae@nanoq.gl aqqutigalugit.
Ulloq qinnuteqarfissaq kingulleq tassaavoq 10/02-2025 nal.12:00.
Atorfiniffissaq ulloq 15/02-2025 immaqaluunniit isumaqatigiissuteqarnikkut atorfinitsisisoqarsinnaalluni.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job