Pisortaqatigiit Allatseqarfiat immikkut siunnersortimik pissarsiorpoq
Kommuneqarfik Sermersuumi Pisortaqatigiit Allatseqarfiat misilittagalimmik tunniusimasumillu immikkut siunnersortimik pissarsiorpoq
Nunatsinni kommunit annersaanni politikkikkut suleriaatsit qanimut suliffigerusuppigit? Ilinniagartuutut ingerlatsinermi aaqqissuussaasumillu siunnersuinermi ilisimasaqarluarlutit suliatigut ilisimasaqarluarpit misilittagaqarlutillu? Kommunimi qullersatut aqutsisut politikkerillu pitsaasumik sullinneqarnissaannut qulakkeerinninnermi pingaarutilittut sulerusuppit? Taava Pisortaqatigiit Allatseqarfianni immikkut siunnersortitut ujartugarput illiusimassaaq.
Pisortaqatigiit Allatseqarfiat suliffittut suliassaqarfimmik peqqissaarussiffiullunilu anguniagaqarfiuvoq, sulinermi pitsaassutsimik aamma pitsaasumik ingerlatsisinnaanermik ukkassiffiusoq. Suliatigut allanngorarfiuvoq, ulluinnaat allanngorartut ajornakusoortunik suliassaqarfiusut, sukkasuumik tamakkiisumik isiginninnissamik siunnerfilimmillu aalajangiiffiusussat misigissavatit. Ullut tamarmik assigiinngitsuupput.
Allatseqarfimmit Kommunalbestyrelsip, nunaqarfinni aqutsisut aamma najukkami ataatsimiititaliat kiisalu kommunimi qullersatut aqutsisut politikkikkut sullinneqarnissaat akisussaaffigineqarpoq. Taakkua saniatigut allatseqarfik najukkami, nuna tamakkerlugu aamma nunarsuaq tamakkerlugu assigiinngitsunit ineriartortitsinermi suliassanik suliniutinillu isumaginnittarpoq.
Immikkut siunnersortitut periusissiornerni, politikkiliornerni, suliniutini anginerusuni kiisalu politikkikkut kissaatinik matumani ukiumut missingersuutinut isumaqatigiissutit aqqutigalugit suliaqarnermi pingaarnertut inissisimassaatit. Suliatigut ilisimasaqassutsit allatseqarfimmi suliassat pitsaalluinnartumik aamma piffissaq eqqorlugu suliarineqarnissaannik qulakkeerinninnissamut pingaaruteqarluinnassaaq.
Suliassatit ilaatigut makkuussapput:
∙Politikkinik periusissianillu ineriartortitsineq atuutsitsilernerlu
∙Aqutsisunut siunnersuineq sullissinerlu
∙Sulianik ajornakusoortunik suliniutinut aqutsineq
∙Aalajangiinermi saqqummiussanik, misissuinernik, nalunaarusianik, tusarniaatitsinermi akissutinik, allakkanik allanillu suliaqarneq
∙Suliassat takkussuuttut aamma assigiinngitsunit suliniutit
∙Suleqataasumit piareersimaffigineqassaaq allatseqarfiup suliassaanut allanut pisariaqartitsisoqartillugu isumaginnissinnaaneq
Naatsorsuutigaarput illit:
∙Naleqquttumik kandidatitut ilinniarsimasutit aamma pisortat ingerlatsiviini suliassaqarfinniluunniit assingusuni ukiuni arlalinni misilittagaqartutit
∙Misissueqqissaarisinnaassuseqartutit, siunnerfilimmik eqqarsarsinnaasutit aamma qaffasissumik siunnersuisinnaasutit
∙Suleqateqarsinnaassuseqarluartutit aamma annertuumik akisussaaffeqarsinnaasutit
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli
Neqeroorutigaagut:
Kommunimi anguniagaqarfiulluartumi politikkikkut aalajangiinerit ingerlannerannut qanimut suliffik unammillernartoq allanngortartorlu. Peqqissaartumik suliffiusumut pikkorissunik tunniusimasunillu sulisulimmut peqataalissaatit aamma nammineq suliavit sunniuteqarfiginissaanut aamma piginnaasavit ineriartortinnissaanut periarfissaqarluassaatit. Suliffik Nuummi inissisimavoq, Kalaallit Nunaanni illoqarfiit pingaarnersaanni. Allatseqarfik 15-it missaannik sulisoqarpoq, immikkoortumi aqutsisut marluk aamma allatseqarfimmi pisortaq. Immikkoortortami aqutsisut aappaa qullersarissavat.
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami Aqutsisoq Maritha Eugenius, oqarasuaat +299 36 70 14 imaluunniit e-mail: maeu@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 998-24-mik, ilinniagaqarsi
manermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: oktobarip 21.-at, 2024