Pinngortitaleriffimmi specialkonsulentimik/angallatinik aquttumik 12 pax suleqatissarsiorpoq
Pinngortitaleriffik misilittagalimmik specialkonsulentimik/angallatinik aquttumik 12 pax ujaasivugut piaarnerpaamik sulilertussamik imaluunniit isumaqatigiinnikkut kingorna.
Suliffik namminersorfiusuuvoq suliassallu assigiinngiiaarsinnaallutik, sulinikkut inuttullu unamminarsinnaasut.
Immikkoortortaqarfitsinnilu allaffiillu qanimut suleqatigiittuulluta, taamaammat suleqatissarsiorpugut piukkunnaateqartumik suliffeqarfitsinnut sulinermi pikkorissuseqartoq, suleqatigiinnermullu piginnaasaqarluartoq qiimasuussallunilu
Allaffimmi suleqatigiit suliassaat pingaarnerit:
Aningaasartuutinut misissueqqissaarneq aammalu suleriaatsinut nakkutilliineq.
Pinngortitaleriffimmi ulluinnarni naatsorsuuserivimmi ingerlatsisunut nakkutilliinerit
Missingersuutit naatsorsuutillu
Akiligassanik akuerisassanik misissuinerit aamma bogføriineq
Assigiinngitsunik akiligassiissusiortarnerit
Allatsitut atuuffiit (journalit, toqqortaasivik, oqarasuaat, ataatsimut allakkanut nakkartitsivik, sulisilluni angalanerit il.il.)
Aningaasanik karsimiittunik aqutsineq
Allaffissornermi periutsinik sunniuteqarluartunik ingerlaavartumik ineriartortitsinerit nutarterinerillu
Grl. Forskningsråd, forskningfremme International Arktisk Hub nunatsinniit Danmarkimiillu aningaasalissutinut allattoqarfimmi sulianut sulisut suleqatigalugit akisussaasoq
Ilisimatusartut EUp aningaasaliissutaasunik nalunaarusiaannik ikiorlugit
Angallatinik aquttumik ilisimatusartut Nuup eqqaani misissuiartornerinut angallassisinnaasumik.
Allaffimmi allaffissornikkut suliassat tamaasa suliarineqarnissaannut ataatsimoortumik takunnissinnaallutillu ataqatigiissaarisinnaassaasi, ilaatigullu namminerisannik tigussaasunik akisusaaffeqarfeqassallusi.
Atorfininninni maannakkut suliassanik agguataarnerit allannguuteqarsinnaapput, taamaalillusi suleqativillu piginnaasaasi pitsaanerpaamik atorneqarniassammata.
Suliassat allat suleqatigiilluni suliarineqartarput.
Piginnaasarisatut kissaatigineqartut:
Merkonomitut naleqquttumik ilinniagaqartuuvutit, HD, assigisaanilluunniit akademiitut ilinniagaqartuussaatit, piumasaqaataanngilarli, piginnaasaqarnissaq kisimi apeqqutaammat.
Pisortat allaffeqarfiannit misilittagartooq, tassunga ilanngullugit aningaasaqarnermut sulisoqarnermullu tunngasunik.
Torersaartoq, ataatsimoortumik takunnissinnaasoq, peqqissaartoq akisussaassuseqarluartorlu
Suleqatiginnillaqqissoq attaveqaqatiginnilluartartorlu – illup iluani avataanilu.
Qarasaasialerinermik ilisimasaqarluartoq (Microsoft Office, inniminneeriaatsit IRIS aamma ERP)
Sullissiumassuseqarpasissoq
Ulluinnani allanngorartuni tamatigoortumik sulisinnaassuseqartoq
Suliaqarsinnaassuseqarluartoq
Marluinnik oqaasilik (kalaallisut danskisullu) ajornanngippallu aamma tuluttut.
Qiimasoq persuarsiorpalaanngitsorlu.
Erhvervsduelighed 12 pax.
Neqeroorutigaavut:
Suleqatit suleqataalluartut
Namminersuutigalugu suliaqarnissamut akisussaaffeqarnissamullu periarfissat
Atorfiup imaarisaanik sunniuteqarnissamut periarfissaq
Atorfiup piaarnerpaamik imaluunniit isumaqatigiissuteqartoqareerneratigut inuttalerneqarnissaa kissaatigineqarpoq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.